-
مشكلة فى عربيتى
عربيتى اتراج فيها صوت غريب سوت يشبه تكتكة (عامل زى صوت مية بتنقط على ارض طين ) من ناحية الكاوتش الشمال الامامى نزلت من العربية وشلت كل اللى محشور فى الكاوتش من حصى وغيره ومفيش فليدة الصوت مستمر نزلت قعدت احرك الكوتشة بايدى لقدام وورا اسمع صوت تكة رايحة جاية
مع العلم انى مش متاثر بالسواقة والعربية عادى بس التكة بتزيد ومع السرعة بتبان قوى وبالليل والشوارع فاضية اللى برة يسمعها بوضوح
اللى مر بالمشكلة دى يدينى رايه لان الصوت مستفز ومش عايز تكون حاجة عادية وتكبر ؟
-
-
اكشف على العربية و الكاوتش كويس عند التوكيل او حد بتاع عفشة
-
واضح من كلام حضرتك ان الصوت مرتبط بالسرعة يعني كل ما السرعة تزيد الصوت بيكون سريع
أرجح وبقوة حاجة فى الكاوتش مش ظاهرة اكشف على الكاوتش كويس ربما تلاقي شيء غريب عالق بالكاوتش أو وجود انتفاخ فى جزء معين أو نتوء
والحجة التانية صرة العجل والبلية لاحظها هيا كمان لانها هتكون مرتبطة بسرعة العربية
-
يا فندم اكيد في ظلط في الكاوتش
او حاجه حديد
افحص الكاوتش كويس
ومتقلقش الموضوع بسيط
-
يا جماعة رحت كشفت على الاربع كاوتشات ونضفتهم وبرضوا الصوت موجود صوت تكتكة ومع السرعة باين قوى قوى
-
كانت بتحصلي ساعات ومش بلاقي اي زلط او حاجة في الكاوتش
كنت بروح لبتاع الكاوتش اخليه يفكها ويكشف عليها ويرجع يركبها تاني كويس الاقيها بقت تمام
جرب تفك الفردة الي بتعمل الصوت وتركبها تاني وشوف يمكن تتظبط
-
-
فكيت الاربع كاوتشات ولسة الصوت موجود اللى عنده خبرة يفيدنا الصوت جاى من تحت وغالبا من الكاوتش اللى قدام
-
وانت ماشى والصوت مستمر معاك دوس على فرامل بخفه شوف الصوت هيختفى ولا لأ لو اختفى يبقى مشكلة فى تيل الفرامل ولو استمرت يبقى مشكلة بالبليه والله اعلم
بس لازم تروح مركز خدمة لمتسوبيشى تشوف المشكله لازم متسوبيشى حتى لو بسيطة خلى بالك العربية جديدة فى السوق عشان مفيش واحد يعملك ابو العريف ويدخلك فى حوارات ويتعلم فى العربيه
Content Relevant URLs by
vBSEO 3.6.0 PL2