عرض للطباعة
بفكر اهاجر و اسيب مصر و مش هقول السبب لانه جارح لكل مصرى
المشكلة ان تكلفة المعيشه عاليه اوى برة مصر و مصر ارخص
مفيش دولة فى الشهر 400 دولار متوسط اعاشه محترمة
فكرت ادفع كل الى حيلتى و اشترى محل فى الامارات دة لو كان ينفع لانى مش عارف فيها كفيل ولا لا و مش عارف ينفع حق التملك فيها ولا لا و مش عارف سعر ارخص محل كام اساسا بس يتهئ لى ممكن يكون فيه بخمسين الف درهم يعنى ال100 الف الى حيلتى و بالنسبه للشقه مش عايز شقه انا هعيش فى المحل
مش عارف اعمل ايه بس عايز بجد امشى من هنا
السفر للخليج مش هجره , السفر للخليج يعنى شوارع نضيفه و شوية بصمجيه يتعالو عليك
على العموم مفيش حق امتلاك و لازم يكون واحد بصمجى منهم هو اللى باسمه كل الورق الرسمى و يعملك اعتماد توقيع
مصر جميلة و لكن ينقصها احترام الإنسان و كرامته !!!
لما حالها ينصلح (إن شاء الله) ماتبقاش ترجع و انت مادد إيدك !!!
الغربة مش كويسة و لو وقعت هناك مش هتلاقي اللي يساعدك ...افتكر إني قلتلك بلاش !!!
بلاش الخليج . . لو بتفكر تهاجر شوف المغرب مثلا . . أسعار رخيصه
طير يا باشا ......
للأسف فعلا دى الحقيقة الى كنت مش عايز أصدقها ان البصمجيه هما المتحكميناقتباس:
المشاركة الأصلية كتبت بواسطة banzai
و حقهم دى بلدهم
مارك باشا كلمة ( أحترام الإنسان و كرامتة ) دى مجرد كلمة حضرتك قولتهااقتباس:
المشاركة الأصلية كتبت بواسطة eng.mark
بس معناها كبير جدا و استحاله يحصل من الحال الى احنا عايشينه دة للحال الأدمى
حتى فى خلال 20 سنه
دة احنا عايزين حوالى 50 سنه بحيث ان الأجيال دى تختفى و تموت خالص و الأجيال الى جايه
يمكن يمكن يمكن تكون عدله
طبعا كل الكلام الى قولته دة كلام نظريات
لكن تعالى للواقع و الحقيقة
الأجيال الى طالعه دى مش هيا الى هتعادل كلامى بتاع النظريات بل بالعكس
الأجيال الى طالعه دى هيا الفساد بعينه لأنها شافت قتل الشخص حتى لو متعرفوش بقى سهل
شافت الأفلام الى نازلة كلها ولاد البلد اعلى ايرادات بعد الثورة بتاع دينا الرقاصة و سعد الصغير
لقيت فيلم زى وش سجون بيتقال فى الاعلان بتاعه حبسه ...... سببها ........
طبيعى جدا اننا أكلم طفل عنده 5 سنين دلوقتى يعنى بعد 50 سنه هيبقى عنده 55 سنه و هيبقى مربى أجيال بعد جيلنا
ألاقيه بيخترع أكتر من الى شافه كمان
بص يا مارك باشا مصر مش هتتعدل عشان شعبها ولا عشان شرطتها ولا عشان جيشها ولا عشان رئيسها
مصر لو هتتعدل فده هيكون معجزة من ربنا مش أكتر
لكن أحنا شعب عمل كوارث كبيرة نستحق الإبادة أو المعجزة بنسف الشعب بالكامل
زينا زى قوم لوط أو بنى أسرائيل كدة بل احنا كوكتيل كبير منهم
و لو بمد الأيد فالدولة هنا مش بتحترم الى بيمد ايده بالسلام او بالتحيه
الدولة هنا بتحترم الى بيمد ايده عشان يسرق بتحترم الى بيمد ايده عشان يضرب بالألم
بتحترم مد الأيد بالباطل لكن بالحق أنســـــــــــــى
ماهى برضه المغرب قريبه من العدوى يعنى ممكن يحصل فيها حاجةاقتباس:
المشاركة الأصلية كتبت بواسطة adnfalcon
و بالتحديد ان فيه كتير جدا فيها متطرفين فى ظل وجود انعدام للدين بشكل ملحوظ
يعنى بمعنى أصح فيه طائفتين عايشين فى المغرب
يا أما متطرف يا أما ميعرفش حاجة فى دينه
و بالتالى المتطرف دة سهل يتجن على التانى
و تحصل حرب إرهابيه
يا مسهل يا رب بس الموضوع صعب جدااقتباس:
المشاركة الأصلية كتبت بواسطة ashouhdy
حد فيكم شاف فيلم فبراير الأسود
أنا بقيت عامل زيه كدة
خودنى معاك حموت على امريكا وعارف انى بحلم
روح المغرب وانت هتغير كل كلامك عنها . . صباح الروقان و أصلا دول شعب ملهمش دعوه بحد . . عمرك سمعت مشاكل عنهم ؟؟؟
كل واحد ف حاله والأسعار ممتازه والأكل جميل و الفاكهه تبارك الله
لو في بالك تسافر السعودية وتشغل فلوسك فيها عندي طريقة كويسة ممكن تستفيد منها انت وغيرك ومن غير اي مشاكل مع الكفيل ومع الانظمة اللى فالسعودية ويمكن ربنا يكرمك وتقدر تضاعف المبلغ بتاعك لاكتر من خمس مرات بالسنة ولو فكرت كويس اكتبلي اميل او اي حاجه اقدر اوصلك عن طريقها
بعتلك ميلى على الخاصاقتباس:
المشاركة الأصلية كتبت بواسطة saleh m
ازاى تاخد اقامه فى المغرب ؟؟اقتباس:
المشاركة الأصلية كتبت بواسطة Adnfalcon
و اخبار الشغل هناك ايه ؟؟؟
انا مبرمج .net على فكره و عندى اسره و اطفال
العيشه في المغرب غاليه غلاء فاحش
و الاسعار اهه بالجنيه المصري
Cost of Living in Rabat, Morocco. Prices in Rabat. Updated Sep 2014
اللي فالخليج مش بصمجية ياشباب.
كل واحد علي حسب مستوي تعليمه وظروف شغله. عامل هيتعامل مع اصحاب العمل اللي هما زي في مصر. . بياع هيتعامل مغ تحار مش لازم يبقو متعلمين زي تجار مصر. دكتور هيتعامل مع دكاترة ممكن منهم واخد شهادته من دول اوروبية وبالمثل المهندسين.
فبلاش الكلام اللي ملوش لازمة. لو دول بصمجية وبلادهم عاملة كدة. فياريتكو بصمجية زيهم.
كلامك صح ، بس هو يمكن قصد انهم بصمجيه ان عندهم نسبه جهل ، وهي موجوده عندنا ، وعموماً كلام حضرتك او كلامه ميمنعش ان بيكون في تعالي واضح من اصحاب الأعمال ، بعيداً عن مهنه الطب والهندسه .اقتباس:
المشاركة الأصلية كتبت بواسطة mr_vampire
التعالي الواضح من اصحاب العمل موجود في كل مكان وكل البلاد وهنا في مصر الشركات الخاصة اللي ممكن تمضيك علي استمارة ستة من قبل ماتستلم الشغل خير مثال.اقتباس:
المشاركة الأصلية كتبت بواسطة boriooo
حكومات الدول المتمثلة فالقنصليات والبعثات الدبلوماسية هي المعينة بالحفاظ علي حقوق المواطن خارج حدود وطنه.
الوضع حاليا فالخليج ان الهندي والبنغالي والباكستاني حكومته محددة سعره لاصحاب العمل للحفاظ علي حقه وضمان حقه من اصحاب العمل.
لو هنتكلم عن التعالي فاصحاب العمل ممكن يبقي لهم حق واللي ميقبلش يرفض الشغل انما التعالي الفعلي فهو متمثل فالقنصليات المصرية بالخارج الغنية عن التعريف فالتعالي واهانة المواطن والتباطوء فخدمة المواطن ( المفروض ده وظيفته اصلا اللي جاي عشانها من مصر ).
اخيرا. لا نلوم اصحاب عمل ونهينهم والعيب فينا وفي حكوماتنا.
متابعك ادينا كده الخطوط العريضهاقتباس:
المشاركة الأصلية كتبت بواسطة saleh m