ما إمكانية شراء قطع غيار من الخارج؟؟؟؟؟؟

السلام عليكم

رأيت علي موقع ebay أشياء رائعة جدا للسيارات سواء أكسسوارات أو قطع غيار أساسية

وعجبتني طقم طنابير أمامية لانسر من (2002-2007) وخصوصا إنها طنابير مخرمة. وطبعا معروف إن الطنابير المخرمة أكفأ لأنها أقل سخونة بنسبة 40% وأيضا أكثر كبحا للفرامل بنسبة 20%.

وإلي عجبني أكثر أنها رخيصة بحوالي 550 جنيه... يعني بالضرائب والشحن توصل حوالي 1000 جنيه - برضو أرخص من الأصلي وأيضا أحدث.

ودا لينك الطنابير :
Front Eline Drilled Slotted Brake Rotors Mitsubishi Lancer 2002 2007 LS | eBay

السؤال... لو أشتريت الطنابير دي. هل دخولها مصر عادي ولا حيحتاج موافقات وحوارات؟
ثانيا هل البارت نامبر (Part Number - part details) الموجود في الصفحة من أسفل مطابق للمواصفات إلي موجودة في مصر؟

وشكرا

متابع

الشراء مش مشكلة المشكلة مصاريف الشحن من امريكا الى هنا غالية جدا علشان الوزن و الجمارك 20 % من السعر الاجمالىى (الشحن + تمن السلعة ) و غالبا البريد المصرى بيوصلها الى حد البيت و اخر حاجة الدفع عن طريق paypal

أنت بتدفع ثمن السلعة و تمن الشحن للتاجر عن طريق النت

و لما بتيجى مصر البريد بيبعت لك خطاب استلام بتروح تدفع فيه الجمارك و شوية الفكة بتوع الاخطار و تاخد الحاجة من مكتب البريد

الحاجة للسيارات لو مثلا ب 85 جنيه بتوصل ل110

بس علشان ما تتعبش نفسك ، الانتظار بيقى طويل ممكن لشهر ، ما تجيبش غير الحاجات اللى مش موجودة هنا فى مصر

اقتباس:

---

المشاركة الأصلية كتبت بواسطة aymanshebl

الشراء مش مشكلة المشكلة مصاريف الشحن من امريكا الى هنا غالية جدا علشان الوزن و الجمارك 20 % من السعر الاجمالىى (الشحن + تمن السلعة ) و غالبا البريد المصرى بيوصلها الى حد البيت و اخر حاجة الدفع عن طريق paypal

---

اقتباس:

---

المشاركة الأصلية كتبت بواسطة م أحمد

أنت بتدفع ثمن السلعة و تمن الشحن للتاجر عن طريق النت

و لما بتيجى مصر البريد بيبعت لك خطاب استلام بتروح تدفع فيه الجمارك و شوية الفكة بتوع الاخطار و تاخد الحاجة من مكتب البريد

الحاجة للسيارات لو مثلا ب 85 جنيه بتوصل ل110

بس علشان ما تتعبش نفسك ، الانتظار بيقى طويل ممكن لشهر ، ما تجيبش غير الحاجات اللى مش موجودة هنا فى مصر

---

شكرا علي الردود... لكن هل القطعة دي موجود زيها في مصر فعلا؟
وإيه يضمنلي إن التاجر إلي حشتريها من عنده مش جايب كوبي منها من الصين بجودة رديئة زي ماهو الحال.
الشراء من الخارج ممكن يكون صيني لكن بمواصفات أمريكية - ودا مفهوم طبعا -

اقتباس:

---

المشاركة الأصلية كتبت بواسطة eng_amg

شكرا علي الردود... لكن هل القطعة دي موجود زيها في مصر فعلا؟
وإيه يضمنلي إن التاجر إلي حشتريها من عنده مش جايب كوبي منها من الصين بجودة رديئة زي ماهو الحال.
الشراء من الخارج ممكن يكون صيني لكن بمواصفات أمريكية - ودا مفهوم طبعا -

---

انا مش عارف فيه زيها فى مصر او لا بس عموما حتى لو لاقيت مش هتلاقيها بنفس مواصفات بره فيه فرق كبيييييير طبعا لصالح بره و بالنسبة للتاجر انت بتشوف كاتب ايه عن السلعة وواضح انها جودةة عالية و ملائمة للعربية غير كده انت بتشوف على اقصى اليمين فوق التاجر اللى بيبيع عدد الحاجات اللى بايعها كام و positive feedback كام فى الميه و طبعا كل ما عدد السلع المباعة كتييررر زيه كده 60166 و الاشاده بيه 99.5% بيبقى التاجر ده سمعته كويسة ههههههه النظام بره غير مصر خالص فيه امانة فى البيع و الشرا و تقييم حقيقى للتاجر مش سورى زى هنا حاجة تعقد