6 ساعات فى المطار يا ظلمة

بسم الله الرحمن الرحيم

البداية أنى كنت امبارح بوصل الحاجة المطار علشان عقبالكم كده طالعه الحج السنه دى طلعت من البيت الساعه 12 بليل ووصلت مطار برج العرب بالاسكندريه الساعه 1 بليل على أساس انهم قالوا يبقوا فى المطار الساعه 2.30 والطياره هتطلع الساعه 6.30 بعد الفجر نفاجىء فى الاستعلامات ان الطياره هتطلع الساعه 12 ظهرا شوفوا المهزلة ومكنش هينفع اروح لان المسافى بعيده عنى وفى نفس الوقت مينفعش اسيب الحاجة علشان لسه أول مره لانى كنت متابعها وهى بتعدى من السير وكمان وهى بتوزن من خلال منفذ زجاجى من بره يسمح برؤية المسافرين

وفى الأخر دخلو يعملوا الاجرائات الساعه 7 وهما بقى هيستنوا فى صالة الانتظار قد المده اللى احنا قعدناها تخيلوا المهزلة اللى احنا فيها ما احنا لو دولة محترمه مكنش يحصل المهزلة دى وكان الوقت عندنا ملهوش أى لازمة وطبعا بعد اللى حصل عدد قليل أوى اللى روح والباقى فضل قاعد ومعظمهم ناس كبيره
كانوا عاملين مخيمات للحجاج للانتظار قبل دخول صالة المطار نفسها

يعنى الليل جه والصبح طلع وانا لسه كنت فى المطار

حسبى الله ونعم الوكيل

حضرتك غلطان
كنت روحت ورجعت تاني الصبح بدل البهدلة والتعب

المشكله دي من ميناء الوصول

اقتباس:

---

المشاركة الأصلية كتبت بواسطة hdmrdash

المشكله دي من ميناء الوصول

---

لا يا باشا اصل البهوات بيقفلوا المطار من الساعه 4 فجرا الى الساعه 6 والله لو فى المانيا مثلا وحصل نفس المشكلة وقولت ازى يبقى فى تذكرة الطيارة ميعاد واروح يقولى ميعاد تانى خالص كان هيكون فيه مشكلة كبيره ولا يمكن كان حد هيسكت على المهزلة دى

جمهوريه الموز

معلش ده العادي وايه الجديد في كده ؟ مطار , شركة سياحة كله في الهوا سوا وعمرنا ما هنتغير

طالما المسافة ساعة زمن.. كنت روحت ورجعت !
علي اى حال دي وساخة المطارات في مصر .. حصل معايا نفس الموضوع في مطار القاهرة لازم اكون في المطار 6 صباحا والطيارة كانت 9ونص في التذكرة لكن فعليا الطيارة طلعت 10 ونص ! ازاى متفهمش وكأنك راكب ببلاش !

حضرتك وانا مسافر من سنة بالظبط
طيارتى كانت يوم 23
صحيت بدرى ولبست وخد اخويا وطلعنا المطار
وعمال متابع بقى رقم الطيارة علشان ادخل اوزن وكدة
مش لاقى الطيارة
استنى شوية برضو مش لاقيها لحد ما لقيت واحد صحبى من ايام الجامعة شغال فى المطار سلمت علية وسالته وكدة قالى استنى اسالك
راح ورجع لقيته بيقولى طيارتك اتاجلت لبكرة فى نفس الميعاد !
بدون ما حد ما يبلغ ولا اى حاجة

عادى يا باشا

انا قبل كده كنت بايت فى المطار

الموضوع دا غلطه شركه الطيران مش المطار
حصلت معايا قبل كده في امريكا و الطيارة اتأجلت تلات ساعات
وانا كنت مسجل رقم تليفوني وانا بحجز و جالي رساله من الشركة قبل ما أتحرك
وأكيد الرساله راحت لكل اللي حاطين رقمهم
هنا ممكن ميهتموش بحاجه زي دي
بس فيه ابليكشن لمطار القاهره فيه حاله المطار و الرحلات
معرفش فيه لبرج العرب ولا

عارف في شركات الطيران النضيفه لو التأخير اكتر من ٨ ساعات
الشركه بتوفرلك فندق مجاااانا في محيط المطار

طب مشكلة وممكن تحصل ، بس مينفعش تكون عادى
المشاكل لازم تبقى فى أضيق الحدود فى الحالة دى نستحمل ، إنما اللى لا يطاق ان المشاكل تبقى عادى فى بلدنا

سيبك ألف مبروك للحاجة وربنا يتقبل وترجع بألف سلامة وينوبك من الحب دعوتين متقبلتين ، وعقبالك وعقبالى وعقبال كل الأعضاء :)

انا مرة كنت مسافر من القاهرة لتونس وهقعد ترانزيت هناك ساعتين واروح لليبيا

الطيارة أتأخرت هنا ساعة ونص ، ولحد ما وصلت ليبيا وانا عندي خوف ان الشنط متوصلش

عموما حج مبرور إن شاء الله وترجع بالسلامة

البطئ بقي سمة اساسية