عايز اغير من معدنى لتخليقى ينفع ؟؟؟؟؟؟؟؟؟؟؟؟؟؟؟؟؟ ارجو الرد

**HARDD** · 25-10-2008 03:41 AM

انا بستخدم زين موبيل ال 3000 كم و لما قريت عن موضوع الزيوت هنا فى المنتدى و كفائة الزيوت التخليقيه و افضلهم شل الالترا حبيت اغير ليه
بس فيه ناس بتقول ينفع انى اغير من معدنى لتخليقى و فيه ناس بتقول مينفعش و ده كان المفروض استخدمه من الاول .
انا عربيتى كيا سيفيا 2001 فعايز اعرف هل ينفع انى اغير من معدنى لتخليقى و لو ينفع اعمل ايه و لو مينفعش استخدم زيت نوعه ايه بدلا من موبيل 3000 كم

ارجو الرد ...............................................

**HARDD** · 25-10-2008 10:55 AM

ايه ياجماعه مفيش حد عايز يرد ليه بس ..... انا محتاج ردودكم

**atoofah** · 25-10-2008 11:29 AM

ايوا و انا كمان كنت عايز اعمل كده اغير من معدنى لتخليقى العداد عامل كتير الصراحه بس حالته كويسه و السحب كويس و كل حاجه زى الفل الحمد لله ....
فهل ينفع اغير و له ايه و لو همشى معدنى تنصحونى بايه
نرجوا رد الخبرا فى الموضوع ده لان الاراء كتير و متضاربه و لو هغسل الماتور بفلاش اويل اجيبه منين ؟؟؟؟

**ahmed1981** · 25-10-2008 11:35 AM

بما أن سيارتك حديثة نسبياً
فلا مانع من التغيير للزيوت التخليقية

ولكن بشرط أن تكون حالة الموتور جيدة بمعنى أنه لا يأكل الزيت وأن كبسه عالي وأن الزيت لا ينقص بسبب التسريب أو التفويت

في هذه الحالة عليك يالتغيير للزيت التخليقي بالخطوات التالية:
* من الممكن أولاً عمل دورة تنظيف بإضافة فلاش وإن كنت لا أحبذها
* إفراغ الزيت
* تغيير الفلتر
* وضع الفلتر الجديد والزيت التخليقي
* متابعة الزيت وتغييره كل 10000 كلم على الأقل