قفلت العداد 240 كيلو بالصور................
السلام عليكم ورحمة الله وبركاته
و انت رايح تقفل العداد
و مزاجك عنب و معلي الكاسيت و ايد ماسكه الطاره و ايد ماسكه لموبايل عشان يصور اللحظه التافهه عفوا اللحظه التاريخيه و الدنيا تمام و عمال تدوس و تحرق في امها عشان توصل لاخر رقم في عداد عربيتك و انت على ال 180 و رايح لل 200 و 229 او اكتر مفكرتش في حاجه لا بجد و الله مفكرتش ! طب الشيطان ملعبش في دماغك فكرك بحاجه ولا اه معلش الشيطان هنا ليه دور محدد هو انه يلعب في دماغك عشان تلحق تصور اللحظه الي هتقفل بيها العداد عشان ترفعها ع النت و النا تقولك براااااافو انت شبح مفكرتش لحظه وحده ان لو الكاوتش فرقع لقدر الله و ده وارد جدا هتقولي انا ظابط هوا تمام و كله تمام انت محدش قالك ان احنا في مصر كالعاده كل حاجه بتجيلنا بخامات زي الزفت طبعا مع الحراره مثلا ولا مع السرعه مش بعيد يفرقع طيب الكلمتين الي حافظينهم لما العجل يفرقع نعمل ايه ! نمسك الطاره جامد و مندوسشي فرامل هتمسك الطاره جامد ازاي و انت بايد واحده ! هتقول لا منا همسك بالايد التانيه و حياتك يا بورم ما هتعرف لان الشيطان هتكون ورديته لسه شغاله و هيقولك طب وقف الفيديو عشان يتعمله save و عارف مهما تقول من كلام عمري ما هصدقك لانك هتتلبخ لاقصى درجه و العجل هيروح منك يمين و شمال و من ضمن اللبخه هتدوس فرامل و بكده بالسلامه العربيه و انت على حسب ما ربنا كاتبلك لا يكون كاتبلك ان ده درس قاسي تتعلم منه لا تكون نهاية حياتك ! نرجع من الاول انت عمال تدوس و تحرق و تسابق الوقت عشان ايه تصور العداد و ولا تلحق موته سريعه انت كده تجري ورا الموت و بتقوله استناني ! و لعلمك ساعتها الي مصنع الكاوتش مش هيتحاسب لا انت الي هتتحاسب عارف ليه لانك استخدمت الحاجه الي متسخره ليك ديه استخدام سئ و موت نفسك بيها يعني انت سبب هلاكك ! و ساعتها صاحبك الي هيقولك برافو مش هينفعك ده انت لو كملت و رفعت الفيديو و سخنت صاحبك و قلك و عمل زيك و مات !!! انت الي هتشيل زنبه و حتى انت دائما بتقولها شوارع مصر لا تصلح ! الموضوع منقول للاهمية من الاخ محمد سمير جروب Top Egyptian Car
http://www9.0zz0.com/2014/09/18/18/527207927.jpg http://www9.0zz0.com/2014/09/18/18/527207927.jpghttp://www9.0zz0.com/2014/09/18/18/527207927.jpg
