لو سمحت العربيه الشارك ديه ايه الى بيجى معاها الواحد يركز عليها (الفئه الاولى)
بيجى معاها عده مثلا او مثلث او غطه وهكذااا و الكاوتش الاستبن عامل ازاى ولو فى حاجه تانى ممكن تقولوا
وجذاكم الله كل خير انشاء الله
عرض للطباعة
لو سمحت العربيه الشارك ديه ايه الى بيجى معاها الواحد يركز عليها (الفئه الاولى)
بيجى معاها عده مثلا او مثلث او غطه وهكذااا و الكاوتش الاستبن عامل ازاى ولو فى حاجه تانى ممكن تقولوا
وجذاكم الله كل خير انشاء الله
بيجي معاها 2 مقتاح اصلي ريموت
كاوتش استبن
شنطة جلدية صغيرة بها العدة + مقياس ضغط الكاوتش
كوريك
الكتالوجات
اريال
ومن الداخل شيك علي الطفاية وعلي الولاعة
واطلب منه غطاء للعربية ودواسات , ولو مش عنده يشتريلك ومتدفعش جنيه زيادة لانهم مش بفلوس اصلا وحقك تاخدهم
متأكد ياباشا من موضوع الغطا و الدواسات ده
ومعلش انا لحظت كمان فى عربيات بتتسليم من غير طاساااااات بس مش لانسر شارك بس ده عمومااااا
ومعلش انا سمعت بردوه ان العربيه ممكن يكون فيها حاجه او كده رشه حتى لو كانت جديده لقدر الله لربنا ميحكوم على حد بالنصب ده
او كده اعمل ايه عشان اعرف الكلام ده ؟
موضوع انها تكون رشة لازم في توكيل بيكشف عليها بجهاز معين ويقولك
انا لسة شاري الفئة الاولى الاسبوع الي فات.. بص يا سيدي العربة معاها
2 مقتاح اصلي ريموت
كاوتش استبن
شنطة صغيرة بها العدة
كوريك
الكتالوجات
اريال
زي ما زميلنا ما قال
والطاسات كمان بتكون معاها
وفي كمان طفاية سجاير سودة زي المج ومثلث
اما الدواسات والغطا وطفاية الحريق لا مش مع العربية حتى مالهمش خانة في محضر الاستلام ( لما بتستلم عربية زيرو بيديك محضر استلام وبيحط علامة صح قدام كل حاجة مع العربية)
انا كنت ناوي اجيبها من المصرية (علشان بيدو غطا ودواسات مجانا) لكنهم اسوء شركة في مصر بقولها تاني اسوء شركة في مصر انا كنت عايز لون احمر وقعدوا يقولولي بكرة تكون موجوده بكرة بكرة قعدت على كده ١٠ ايام والوظف يقولي في الفضي تاخدها؟؟ (هركب على مزاجهم تقريبا) عملت شكوى بالتليفون وقالولي هنرد عليك خلال ٢٤ ساعة وماعبرونيش قابلت المدير قالي خد الفضي.....اصل احنا ما بنقيش الالوان الي بنجبها!!!!!!!!!!!!!
المهم تاني يوم كلمت دايموند موترز الصحراوي قلتلهم فلوسي كاش عندك اللون الاحمر قالي اه رحت دفعت واخدتها ومشيت في اقل من نص ساعة..
حظي الفقري ان في نفس الوقت المصرية جاتلهم عربية حمرا.. ف مارضيوش يرجعولي المقدم الي دفعته...
حار ونار في جتهم بقى..
انا لسه مستلم امبارح
وفعلا زى ما بتقولوا
هى الاستبن والايريال و شنطة العدة والطاسات والكتالوجات و2 مفتاح ريموت وطفاية السجاير المتنقلة فقط
بس ادانى طقم دواسات هدية
بس مافيش مثلث ولا غطا للعربية ولا طفاية حريق
نفسى في غطا اشتريه منين ويكون بتاع الشارك يكون مقاسها بالضبط
باشا كل المعارض فيها الجشع ده حسبى الله ونعم الوكيل ربنا يعض عليك انشاء الله وعلى الناس كلها
بالنسبه لموضوع الدواسات و الغطاء فزميلنا فى الموقوع قال فوق انها هديه من المعرض ولازم يجبها
لكن على ما اعتقيد ان دايموند الوكيل نفسه فعشان كده ممخدتش الكلام ده فى اكيد فى معارض نص كم بتعمل كده بردوه او بيخدوه تمنها لنفسهم
عايز اسألك يا باشا حضرتك جبت الى فيها اسبويلر ولا لا؟؟
وياريت سعرها و انطباعك عن العربيه ؟
الله يبارك فيك
آمين يا رب العالمين
من معرض جودى موتورز في شارع متفرع من مكرم عبيد
ب 144 الف جنيه الفئة التانية وكيل دياموند
اللون الفيراني والفرش اسود بدون سبويلر
لسه مافيش ملاحظات طبعا يا دوب لفيت شوية في مدينة نصر
بس التكييف ضعيف او انا فيه حاجة مش فاهمها
هاقرا شوية في الكتالوج واحاول استكشف الموضوع
ممكن اكون دوست زرار غلط او حاجة
بس العربية عالية ومرتفعة عن الارض
شكلها فخم وراقى واللون الفيرانى بصراحة شيك عليها
انا عندى اسود في نفس الشارع بس وهما واقفين جنب بعض حاسس الفيرانى احلى عليها
وهى عموما الوانها كلها حلوة انا كنت عايز الشامبين او الفيرانى فالمعرض وفرلى الفيرانى
الموتور صوته لذيذ كده بيديك احساس عربيات الرالى
الصالون واسع من جوه والكراسى مريحة
العدادات شكلها شيك
بس التابلوه محتاج تكسر حدة اللون الاسود باى تاتش سيلفر كده هتفرق كتير
لو فيه اى ملاخظات هابقى اسجلها ان شاء الله
المقدم الي حجزت بيه كان ٥٠٠ جنيه بس.. كانوا عايزين ١٠٠٠ لكن والدي قالهم ٥٠٠ كفاية ( الحمدلله) والمفروض ان العربية اصلا موجودة في فرع المرغني وهيجيبوها للمعادي ده كان كلمهم الي ماحصلش طبعا..
انا جيبتها لون احمر كان نفسي تبقى فرش اسود بس للاسف ماكنش فيه غير احمر بفرش بيج وحتى دايموند موترز نفسهم قالولي ساعات بتنزل كدة وساعات كدة بس الدفعة الي موجودة مافيهاش غير فرش بيج .. عادي بقى انشاء الله العربية الجاية فرشها يكون غامق.. لغاية دلوقتي انا مش حاسس باي مشكلة فيها انا انا عامل ٤٠٠ كم بس.... في الاول حاسيت ان زي مايكون الطنابر خشنة او حاجة بس ده غالبا علشان هي لسة جديدة والفرامل ماطبعتش على الطنابر.. هصبر لغاية صيانة الالف ولو لسة هقولهم..
التكيف عندي ممتاز انا نزلت رخصتها في عز الحر ولما عليته على الاخر وانا ماشي على الطريق كانت العربية تلاجة..
اه نسيت اقلك ان الفئة الاولى منغير اسبويلر الاسبويلر بينزل من ٣ او ٤ فئة لكن كنت مرة في معرض في المهندسين لاقيت فئة اولى فيها اسبويلر سالته ازاي ده قالي اصل دي الخليجي والاسبويلر ده بنركبه احنا ب٣٠٠_٤٠٠ جنيه.. بصراحة ماسالتوش حتى عن سعرها لاني مش مهتم اجيبها بضمان غير بتاع دايموند ده غير ان عربيتي الي من دايموند مكتوب عليها مواصفات خليجي جوة عند الباب..
وانا بقيت مش فاهم حوار مصري وخليجي المهم عندي انها صناعة وتقفيل اليابان وب١٣٤٠٠٠ وده سعرها الرسمي من دايموند الموزعين المعتمدين كانوا بيقولولي ١٣٥٠٠٠ ولو عايز الاحمر ١٣٦٠٠٠ المصرية قالولي ١٣٤٠٠٠ بس طلعوا عيني بعد كده..
العربية الشارك ممكن يكون فرشها بيج او اسود بغض النظر عن لونها من برا.. لما بيستوردوها مش بيحددوا لون الفرش.. ف انا كان نفسي تبقى فرشها اسود.. لكن حظي ان الطلبية الي كانت موجودة كان العربيات الحمرا الفئة الاولى الي فيها فرشها بيج مش اسود..
اصل الالوان دي ازواق انا شايف ان الاحمر احلى معاها الفرش الاسود وانا اصلا بحب الفرش الغامق.. لكن اغلب اصحابي والناس الي كنت بسالهم كانوا بيفضلوا الفرش البيج وشايفين ان الاسود ده كئيب.. هي ازواق في الاول وفي الاخر
حد ممكن يأكدلنا المعلومه لو سمحت
لا مش على حسب الون الي برا ولا على حتى على حسب الفئة لان انا شوفت من الاحمر فرش بيج وفرش اسود ونفس الكلام شفته في الفضى وفي الاسود...
اصل الموضوع ده جنيني والموزعين والمعارض كل واحد فيهم بيقول اي كلام.. وسالت في دايموند قالولي فيه كده وكده من كل الالوان وانت وحظك.. انا وصلت لمرحلة اني نزلت المهندسين وكل ما الاقي شارك راكنة في حتة او ماشية في الشارع انزل ابص على لون الفرش فيها..
متابع :)