اسثتمار فى قطاع المستلزمات الطبيه فى سوق الخليج

**Secret-Man** · 19-09-2014 12:16 AM

انا باذن الله على الشهر الجاى هبتدى استثمار جديد فى قطاع المستلزمات الطبيه فى الامارات وبقيت دول مجلس التعاون وداخل معايا شريك مجهود وخبره راجل محترم جدا وعنده خبره عاليه فى المجال من اول المصانع بره والاسعار المنافسه لحد السوق وخبرته التسويقيه فى التوزيع والاداره
انا هستثمر كتمويل واداراه فقط وهو هييبقا مدير عام للشركه تحت ceo

الحمد لله استلمت امبارح دراسه الحدوى وكل شيىء يخص المشروع والابحاث التسويقيه ولكن حابب افهم هل المجال فعلا مغرى وشغله حلو ومطلوب ولا مجال مقفول فى السوق على ناس معينه ؟

حابب اتناقش مع الناس هنا بشكل بسسيط عن فكرتها عن المجال بشكل عام

**hesham fawzy h** · 19-09-2014 05:30 AM

ربنا يوفقك.. انا سمعت انة مشروع يكسب دهب

بس ممكن اعرف المشروع دة يتكلف كام

**Mohamedxx1** · 19-09-2014 08:00 AM

لو تحب تستورد من اوروبا ممكن نتعاون

**mohamed_hamdi** · 19-09-2014 08:53 AM

حضرتك احنا وكلاء لشركة المانية كبيرة للمستلزمات الطبية و عارف ظروف مناقصات الخليج في المجال بس اللي اعرفه ان معظم مشتريات دول الخليج من المستهلكات بتم بمناقصة مركزية بتتعمل في السعودية للخليج كله للحصول على احسن سعر و اكيد دراسة الجدوى المقدمة ليك فيها الكلام ده و ان فقط الشركات الام يسمح لها بتقديم عروض اسعار للمناقصة فلازم حضرتك تكون عارف التسويق هيتم ازاي هناك.

**ahmedsrs** · 19-09-2014 10:20 AM

ادرس موضوع التسويق كويس عشان الموضوع مش سهل ذى مانت متخيل وياريت حضرتك تقلنا ايه المستلزمات الطبية الى هتشتغل فيها بالضبط

**Secret-Man** · 19-09-2014 12:43 PM

المستلزمات كتير جدا لان معايا اكتر من 7 كتالوجات بس اختصارا انا مش هشتغل فى الاجهزه خالص

السرنجات - المناشف الطبيه - الماسحه الطبيه - الجلفز - الكنيولا - بلاتات المعامل والمختبرات - بلاتات الميكروسكوبت للعينات - انابيب معقمه - انابيب مفرغه الهواء

انا كده قولت تقريبا 10 % من حجم الكتالوجات بس حبيت اقول فكره محتصره لعل الناس تستفاد برضه

الدول الى هستورد منها ( ماليزيا - الصين - ايطاليا ) وكل دوله ليها منتجات معينه متفق عليها وفيه عقودات مع المصانع ديه طبعا مش استيراد فى الهوا + ان نازلين بشغل باسمنا مش باسم تقليدى فى الاسواق طبقا للدراسه التسويقيه للامارات والسعوديه برضه

**Dr_Mido** · 19-09-2014 01:25 PM

الهرس هيبقي كتير في المستلزمات العامه اتخصص حاجه معينه هنا ف مصر مثلا شركات كامله شغاله علي بند او بندين جراحه وليكن دباسات وكليبسات ركز في حاجه اعلي شويه هتريحك

**Secret-Man** · 19-09-2014 02:00 PM

المشاركة الأصلية كتبت بواسطة Dr_Mido

الهرس هيبقي كتير في المستلزمات العامه اتخصص حاجه معينه هنا ف مصر مثلا شركات كامله شغاله علي بند او بندين جراحه وليكن دباسات وكليبسات ركز في حاجه اعلي شويه هتريحك

it's GCC

Not Egypt

**drcobra** · 19-09-2014 02:22 PM

المشاركة الأصلية كتبت بواسطة mohamed_hamdi

حضرتك احنا وكلاء لشركة المانية كبيرة للمستلزمات الطبية و عارف ظروف مناقصات الخليج في المجال بس اللي اعرفه ان معظم مشتريات دول الخليج من المستهلكات بتم بمناقصة مركزية بتتعمل في السعودية للخليج كله للحصول على احسن سعر و اكيد دراسة الجدوى المقدمة ليك فيها الكلام ده و ان فقط الشركات الام يسمح لها بتقديم عروض اسعار للمناقصة فلازم حضرتك تكون عارف التسويق هيتم ازاي هناك.

ياترى بتستوردوا اجهزة علاج طبيعى؟
زى موجات فوق صوتية او ليزر بارد او تنبية كهربى

**Merooxx** · 19-09-2014 02:27 PM

يارب يوفقك لما فيه الخير
وخالي عنده مكتب مستلزمات في مصر والحمد لله ربنا موسعها عليه
ومكسبها ممتاز

الموضوع: اسثتمار فى قطاع المستلزمات الطبيه فى سوق الخليج

LinkBack

أدوات الموضوع

عرض

اسثتمار فى قطاع المستلزمات الطبيه فى سوق الخليج - انشر الموضوع فى :

-

-

-

-

-

-

المواضيع المتشابهه

تخلص من النظاره الطبيه في يوم واحد

((المستلزمات للقياده السليمه لدراجه الناريه))

رموز التحاليل الطبيه و معانيها

عايز اروح المعامل الطبيه

الكلمات الدلالية لهذا الموضوع

المفضلات

المفضلات

ضوابط المشاركة