تشخيص عطل " اوكتافيا a4 " تقطيع و ضعف سحب
السلام عليكم ،،،
معايا عربية اوكتافيا a4 موديل 1998 لسة جايبها من برة اوربي ،
المشكلة الي موجودة ان العربية بقت تقطع علي السرعات العالية والمتوسطة ، اكنها بتنتش بنزين ،
وهذه بعض المشاكل الموجودة ايضا
+سحب العربية سيء جدا يعني بجيب رجلي علي اخر دواسة البنزين والعربية تفضل تسحب مع نفسها علي مهلها خالص
+لما بشغل التكيف العربية بتفصل وتطفي خالص لو انا ماشي علي سرعة منخفضة ، ولو واقف ال rpm بينزل خالص وساعات تطفي برده
+الشكمان عموما للعلم مكتوم والميكانيكي قال علبة البيئة محتاجة تتغير
+لما رحت اكشف عن عيب التقطيع ده الكمبيوتر ادا ايرور بوابات والميكانيكي قلي هنغير البوابة نجيب مستعمل ب 500 بس انا مش عملتها عشان خايف يطلع سبب تاني
+واخيرا الميكانيكي برده بيقلي الموتو ده عزمه مش حلو وكل الي بيجيب النوع العربية دي بيغير ليها الموتور
( للعلم الموتور الي فيها 1599 س س وهو بتاع العربية الاصلي)
رايكم ايه بقي فالمشكلة دي اغير بوابات ولا اعمل ايه والسحب ده تبع نفس المشكلة ولا حاجة تانية ؟؟!
وشكرا جزيلا