العربيه بتسخن بشكل غير عادى

**belal rashed** · 22-07-2007 04:46 AM

السلام عليكم,
فى البدايه أحب أتوجه بالشكر لكل الأصدقاء فى هذا المنتدى الجميل و المفيدز
انا معايا 128 مو 1987 من يومين بس لاقيت العربيه بتسخن جداااااااااااا
والمؤشر بيوعل للاخر بمجرد انى امشى بيها 100 متر.
-هوه الموتور خفيف شويه فرحت للميكانيكى قاللى لأ ده مش سبب.
-رحت للكهربائى ظبط المروحه ... بس لسه بتسخن .
-علما بأنى لسه منظف الريداتير من 10 ايام.
اعمل ايييييييييييييييييييييييي يييه oops:

**emam** · 22-07-2007 09:17 AM

اضبط التكيهات واكشف على الشكمان وأتاكد من ان الردياتير سليم لانه ممكن يكون محتاج يتغير

**hazem_khidr** · 22-07-2007 11:57 AM

حبيب قلبي بلال ازيك يا قمر قريت الميل بتاعك و ان شاء الله حكلمك اليومين دول.
بس يا سيدي السخونيه دي اكيد اكيد الريداتير ما اتسلكش كويس انت متاكد انك حليته عند الراجل و هو فكه و سلكه و لحمه تاني؟؟ و لا يدوب غير الميه بتاعه و خلاص؟؟
عموما اتاكد من الموضوع دا .
في حاجه تانيه خد بالك منها ممكن لو كنت فكيت الريداتير و ركبته تاني فيشه المروحه اتركبت بالعكس.
اقف علي الجنب الشمال بتاع العربيه و بعدين استني لحد ما المروحه تشتغل و شوفها لو بتلف عكس عقارب الساعه تبقي مضبوطه ولو بتلف مع عقارب الساعه يبقي كده بتسخن العربيه و ساعتها شوف الفيشه و فكها و ركبها بالعكس و كله حيتحل.
شوف لو فيه اي تسريب ولا لاء؟؟ و يا تري الميه بتنقص ولا لاء؟ يا ريت توضحلي الصوره اكتر

**أبو_حمزة** · 22-07-2007 12:48 PM

ممكن يطلع السنسور بتاع الحرارة
لما العربية تسخن منك قوى كده افتح القربه
لو الميه بتغلى فيها يبقى فعلا مشكلة سخونة
لو الميه بارده يبقى السنسور بيقرا درجة حرارة غلط

**belal rashed** · 22-07-2007 02:53 PM

شكرا لكل اللأصدقاء على الأهتمام,وخصوصا ليك يا حازم باشا .
اولا أعزرونى لضعف معلوماتى ..هوه الريداتير بيتعرف انه فيه خرم لو كانت العربيه تحتها ميه ولا فيه اعراض تانيه, لو هيه دى العلامه يبقى مش مخروم.
بالنسبه للسنسور فهوه شغال لأن الميه فارت فى القربه.
اما المروحه فأنا لسه موديها للكهربائى امبارح.
بس فيه ملحوظه غريبه .. زودت القربه زجاجة ميه كامله 1,5 لتر وكان الريداتير مليان والعربيه دايره وسخنه وفى خلال 3 دقائق القربه فضيت راجعت على خرطوم القربه لاقيته سليم ..وما زالت العربيه سخنه جدا... راحت فين الميه؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**NaderNabil** · 22-07-2007 03:09 PM

check jouan wesh el cylinder. i had the same problem in my 127 and it was the jouan
put ur hand on the exhaust, while the engine is runing, if u find water on ur hands then this is deffintley a jouan

**hazem_khidr** · 22-07-2007 03:32 PM

الله يخليك يا بلال و ان شاء الله حكلمك علي بكره علشان انهارده ورايا فرح :lol: عقبالك.
طب بص يا نادر لاحظ لون الميه في الريداتير لو لونها طحيني يبقي العربيه فيها جوان و الميه بتخش علي الموتور و علشان كده بتضيع و عموما لما اشوفك بكره ان شاء الله ححاول اعرف العيب دا جاي منين. و احتتمال تكون طلمبه الميه هيا اللي بايه و تسقط ميه و دي تعرفها لما تبطل العربيه حتلاقيها بتسقط ميه لكن طول ما العربيه دايره مش بتسقط

**NaderNabil** · 22-07-2007 05:21 PM

It had Te7ina already :lol: :lol: , bas this was 2 years ago :D :D

**belal rashed** · 23-07-2007 06:38 PM

ألف شكر يا حازم باشا على نصيحة المروحه دى.
والله الواحد تعب من الصنايعيه معدومى الضمير .
رحت تانى للكهربائى لأن المروحه علقت (اللى لسه مصلحها امبارح وقايللى كله تمام يا باشا)وكانت المفاجئه :!: :!: :!:
العربيه بطلت فمعرفش الكهربائى يدورها...............
قاللى عايزين ميكانيكى يدورها خايته جاب واحد معرفته.
طلع هوه كمان من نفس العينه (عمال يفتح شغل)
المهم سبت الميكانيكى يكمل ,والكهربائى بوظ المروحه اللى انا رايحله بيها شغاله(أول يوم)
أأأأأأأأأأأأأأسف للاطاله بس عندى سؤالين
-هل ممكن الحراره الزايده دى تكون عيب مروحه بس؟
-هل فيه علاقه للتكيهات ؟(لأن الميكانيكى قاللى صوتها ناعم وبعد شويه قاللى نظبطها...فتح شغل)

**أبو_حمزة** · 24-07-2007 09:49 AM

بص يا أخ بلال
انا افتكرت مشكلة شبه بتاعتك حصلت ليا مع العربية ال127 الله يمسيها بالخير
أعراض المشكلة: الميه بتولع و عداد الحرارة بيطير على المنطقة الحمراء بعد 10 دقئق من الانطلاق. و الميه بتنقص جامد (عشان بتتبخر)
المروحة سليمة.
اللى عرف سبب المشكلة بتاع العدادات
انا كنت افتكرت ان فى مشكلة فى عداد الحرارة. الراجل خط الترمومتر فى الردياتير ولقى قراءة العداد مضبوطة
قعدنا نزود بنزين لحد ما الحرارة بقت 95 و القراءة مضبوطة بس المروحة ما اشتغلتش
و اتارى يا سيدى فى 2 سنسور حرارة (كانت معلومة جديدة بالنسبة لى)
واحد للعداد وواحد للمروحة عشان تشتغل أول الحرارة ما تعدى 90
اتأكد ان المروحة بتشتغل اتوماتيك لما الحرارة بتعلى

الموضوع: العربيه بتسخن بشكل غير عادى

LinkBack

أدوات الموضوع

عرض

-

اتأكد ان الميه اصلا بتسخن قوى -

-

-

-

المواضيع المتشابهه

العربيه بتسخن اوى..؟

هو عادى العربيه ترعش و هى واقفه ؟

هل ترخيص لون العربيه بلونين عادى ولا ممنوع؟؟؟

هل ترخيص لون العربيه بلونين عادى ولا ممنوع

العربيه بتسخن

الكلمات الدلالية لهذا الموضوع

المفضلات

المفضلات

ضوابط المشاركة