ساعدونى لو سمحتو هشترى جيلى اكس باندينو 2014

**a.hamed** · 19-09-2014 02:15 PM

السلام عليكم
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
واللى مجرب العربيه او عارفها ياريت يقولى ايه عيوبها وايه مميزاتها
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
وشكرا ليكم جداااااااااااا

**shiko85** · 19-09-2014 02:59 PM

المشاركة الأصلية كتبت بواسطة a.hamed

السلام عليكم
وعليكم السلام ورحمة الله وبركاته
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....
بـ 83 الف ؟؟؟
انا شايف ان سعرها مبالغ فيه و خساره تدفع 83 الف فيها
دور على عربيه تانيه حتى لو هتكمل السعر بالقسط او حتى عربيه مستعمله
انا كان عندى جيلى فروته كانت زيرو بـ 42.5 و اتباعت بـ 19 الف
وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
عموما العربيات الجديده مش هتكون محتاج غير انك تتأكد ان كل حاجه شغاله تكييف و زجاج كهرباء و انوار و هكذا و انها بدون خبطات او خدوش و تتأكد من وجود العده كامله
ميعاد الصيانه التوكيل هو اللى بيحدده و بيكون معاك ضمان للعربيه و المانيوال و دفتر الصيانات
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
العربيه بدون لوحات هتحتاج تأجر نمر تجاريه و خلى بالك عندك اكمنه فالطريق غير ان المفروض فأول 1000 كم الـ r.p.m لا يتعدى الـ 2500
وشكرا ليكم جداااااااااااا

**hesham fawzy h** · 19-09-2014 03:51 PM

المشاركة الأصلية كتبت بواسطة a.hamed

السلام عليكم
انا اول مرة اشترى عربية واستقريت على جيلى اكس باندينو 2014 عامله 83000 توكيل غبور
ياريت تفيدونى هل هى كويسه ولا لأ....وبالنسبه انى اول مرة اشترى عربيه ايه اللى مفروض اعمله واخلى بالى من ايه ....مثلا لازم اخدها للتوكيل يشوفها (هى جديده طبعا)...اعملها صيانه امتى ؟
يعنى بأختصار ايه اللى مفروض يتعمل لما اشترى عربية جديدة وامتى اعملها صيانه ؟
واللى مجرب العربيه او عارفها ياريت يقولى ايه عيوبها وايه مميزاتها
وكمان انا اول ما هشتريها هسافر بيها من اسكندريه لمطروح هل دا فيه مشكله ؟
وشكرا ليكم جداااااااااااا

يا احمد بية . دى عربية حرام يدفع فيها نصف المبلغ دة ..

انصحك بالش تشتريها خالص هى و جميع العربيات الصينى .

المبلغ الى معاك يجبلك فيرنا 2015 فول ابشن و زجاج فيمية

او تجبلك لانوس برضو

بس الباندينو دى وحشة جدا .. فعلا حرام فيها الفلوس

**a.hamed** · 19-09-2014 04:04 PM

المشاركة الأصلية كتبت بواسطة hesham fawzy h

يا احمد بية . دى عربية حرام يدفع فيها نصف المبلغ دة ..

انصحك بالش تشتريها خالص هى و جميع العربيات الصينى .

المبلغ الى معاك يجبلك فيرنا 2015 فول ابشن و زجاج فيمية

او تجبلك لانوس برضو

بس الباندينو دى وحشة جدا .. فعلا حرام فيها الفلوس

بس حضرتك اللانوس والفيرنا مانيوال والباندينو اتوماتيك
هما صحيح انضف بس كنت عايزة حاجة اتوماتيك

**hamo81** · 19-09-2014 04:10 PM

أرشحلك السيارة byd f3 اوتوماتيك عاملة 86000 عربية ممتازة ومتجربة ومشاكلها قليلة جدا ومعرفش حد أشتراها وأشتكى منها وممكن حضرتك تتعرفي أكتر عن السيارة من القسم الخاص بيها هنا في المنتدى