لانسر شارك 2015 الفئة الاولى

**amr1881** · 19-09-2014 02:33 PM

السلام عليكم
الحمد لله ربنا رزقنى بى لانسر شارك 2015 خليجى اول فئة لسه شاريها من 3 ايام وبصراحة العربية ممتازة جدا
بس فيه حاجة محيرانى الكسيت فيه اختيار للفلاشة بس مش موجود مكان ليها والكاسيت على فكرة العريض اية العمل ؟
وعلى فكره انا كنت خايف من صوت الكاسيت واداء السماعات بس بصراحة الصوت ممتاز جدا اكثر من رائع العربية فيها 4 سماعات كبيرة فى الابواب و 2صغيرين فوق فى الباب
كمان فيه حاجة محيرانى الموتور مالوش غطاء بلاستيك اللى بيكون مكتوب عليه mivec ودة على كل الخليجى لو حد يعرف بيتباع فين يا ريت يفيدنى :b4_564:
وشكرا

**diiie_hard** · 19-09-2014 04:46 PM

الف مبروك يا باشا ويديك خيرها ويكفيك شرها
شوف كده فتحت اليو اس بي في التابلوة من الداخل ...!!
بالنسبة لغطاء الماتور تقريبا الفئة الاولي مفيهاش غطاء

**amr1881** · 19-09-2014 05:52 PM

المشاركة الأصلية كتبت بواسطة diiie_hard

الف مبروك يا باشا ويديك خيرها ويكفيك شرها
شوف كده فتحت اليو اس بي في التابلوة من الداخل ...!!
بالنسبة لغطاء الماتور تقريبا الفئة الاولي مفيهاش غطاء

ربنا يبارك فيك يا باشا
دورت كويس جداد وما لقيتش الا مكان جمب aux عبارة عن علامة كدة ان دة مكان USB بس مفيش حاجة
بالنسبة لغطاء الموتور ما تعرفش اجيبة منين ؟
كمان كنت بفكر اركب فوانيس شبورة تنصحنى باية واجيبهم منين ؟ وجزاك الله خيرا

**diiie_hard** · 19-09-2014 06:20 PM

والله انا كمان عايز اركب انذار وفوانيس شبورة وكلمت واحد سوري جنب شغلي وهاجيبهملي
انت من دمياط صح ؟

**zoueil** · 19-09-2014 06:43 PM

الف مبروك علي العربية
ياتري ايه الفرق بينها وبين موديل 2014

**modysasazin** · 19-09-2014 09:43 PM

الف مبروك يا فندم وربنا يباركلك فيها
ممكن اعرف حضرتك جيبتها بكام ومنين
لاني عايز اشتري الفئة الاولى برضو

**amr1881** · 20-09-2014 03:30 AM

المشاركة الأصلية كتبت بواسطة zoueil

الف مبروك علي العربية
ياتري ايه الفرق بينها وبين موديل 2014

المشاركة الأصلية كتبت بواسطة modysasazin

الف مبروك يا فندم وربنا يباركلك فيها
ممكن اعرف حضرتك جيبتها بكام ومنين
لاني عايز اشتري الفئة الاولى برضو

المشاركة الأصلية كتبت بواسطة diiie_hard

والله انا كمان عايز اركب انذار وفوانيس شبورة وكلمت واحد سوري جنب شغلي وهاجيبهملي
انت من دمياط صح ؟

ربنا يبارك فيكم يا جماعة
انا من دمياط وجايب العربية بى 138 الف الفئة الاولى خليجى
تفرق عن 2014
الاشارات فى المرايات والكاسيت العريض اللى شاكلة عاجبنى جدا والاسبويلر عاطى فخامة للعربية والفرش لونة اسود ودى كانت فارقة معايا قوى لانى مش بحب الفرش بيج بالاضافة انها موديل 2015 ودى حاجة مهمة بردة
فى جهاز انذار بيركب على المفتاح الاصلى سألت عليه بى 350 جنية سعرة كويس ولا غالى ؟
لو حد يعرف حاجة عن فوانيش الشبورة الاصلى يا ريت يفيدنى
وجزاكم الله خيرا

**DR.3la2** · 20-09-2014 04:15 AM

الف مبروك يا باشا ربنا يرزقك خيرها و يكفيك شرها.
انا الحمد لله استلمت العربية فئة اولى برضه من 5 ايام و حيرني الكاسيت برضه في موضوع ال aux و usb واللي وصلتله انك بتشغل ال aux عن طريق انك تدوس على زرار الميديا دوسه طويلة اما ال usb دي انا كلمت عليهاا مركز الصيانة السعودي وقالولي حضرتك لازم تيجي ونشوف الموضوع ده عالطبيعة.

**amr1881** · 20-09-2014 10:14 AM

المشاركة الأصلية كتبت بواسطة DR.3la2

الف مبروك يا باشا ربنا يرزقك خيرها و يكفيك شرها.
انا الحمد لله استلمت العربية فئة اولى برضه من 5 ايام و حيرني الكاسيت برضه في موضوع ال aux و usb واللي وصلتله انك بتشغل ال aux عن طريق انك تدوس على زرار الميديا دوسه طويلة اما ال usb دي انا كلمت عليهاا مركز الصيانة السعودي وقالولي حضرتك لازم تيجي ونشوف الموضوع ده عالطبيعة.

الله يبارك فيك ياباشا
الف مبروك ياباشا وربنا يرزقك خيرها ويكفيك شرها
بالنسبة لموضوع usb انا اعتقد ان الكاسيت من جوة فية الوصلة اللى تشغل فيها الفﻻشة بس العربية مش مجهزة بفتحة usb فا انا فكرت افك الكاسيت ولو لقيتة مجهز بفتحة هاخد منها وصلة وهفتح حتة جمب aux تبقا خارج منها الusb .
اصل موضوع الاسطوانات دة موضوع رخم اول وقصة الفﻻشة هتريح جامد جدا .

**DR.3la2** · 20-09-2014 01:25 PM

المشاركة الأصلية كتبت بواسطة amr1881

الله يبارك فيك ياباشا
الف مبروك ياباشا وربنا يرزقك خيرها ويكفيك شرها
بالنسبة لموضوع usb انا اعتقد ان الكاسيت من جوة فية الوصلة اللى تشغل فيها الفﻻشة بس العربية مش مجهزة بفتحة usb فا انا فكرت افك الكاسيت ولو لقيتة مجهز بفتحة هاخد منها وصلة وهفتح حتة جمب aux تبقا خارج منها الusb .
اصل موضوع الاسطوانات دة موضوع رخم اول وقصة الفﻻشة هتريح جامد جدا .

الله يخليك يا باشا
انا فكرت في اللي انت بتقوله ده بس معنديش الجرأة اني افك الكاسيت فقلت هستنى اما اروح صيانة الالف واسأل ، بس لو انت عملت الموضوع ده عرفني لقيت ايه ..