-
شوارع مصرنا
كل يوم و انا ماشى مابعرفش أقول كلمة غير حسبى الله و نعم الوكيل
شوارع عجيبة جدا
المفروض إنك تركز مع العربيات اللى حواليك و فى البشر اللى بيعدوا الطريق, لكن لقيت إن أكبر مشكلة هى التركيز فى تضاريس الطريق (كلمة تضاريس دى عادة تقال على المناطق الجبلية أو ذات الأشكال الغير منتظمة)
يعنى حفر فى بلاعات فى مطبات مموهة (حلوة مموهة دى)
و ساعات بتلاقى حفرة و جنبها بلاعة عالية و جنبها خوازيق أسفلتية, التلاتة فى صف واحد بالعرض
و الله ساعات باقف قدامهم و أفضل أفكر أعديهم من أنهى ناحية لتقليل الخسائر
و المصيبة إنها حاجات بتفضل موجودة لمدة سنين, مش أعمال تصليح طارئة ثم يتم إعادة الطريق لأصله
يعنى البنزين سعره زاد و دفعنا
ضرائب الترخيص زادت و دفعنا
مثلثات و شنط و جبنا
غرامات زادت و بندفع
ممكن ناخد طرق نقدر نمشى عليها؟؟
الطرق دى هى أكبر سبب للحوادث و احنا سايقين كأننا بنلعب أتارى (معلش, أصلى قديم شوية)
قولولنا على أغرب الأماكن اللى بتشوفوا فيها عوائق بارليف
-
ياسيدي الفاضل أشكرك علي هذا الموضوع الشيق , و أود ان اضيف ملحوظة مهمة الا و هي :
كل هذه العوائق بسيطة و امرها يهون بالنهار و لكن ماذا تفعل بالليل حيث لاتوجد انارة علي الطرق (و لاحتي لمبة سهاري) بالاضافة الي يوم مثل الامس عندما تغرق الشوارع و تختفي تضاريس الطريق تحت هذا البحر
بصراحة امبارح كانت مأساة , كنت راجع بالليل الشوارع مظلمة , و غرقانة ميه , و مش عارف تحت الميه دي ايه , يمكن بلاعة مفتوحة , حفرة , خازوق
ربنا يورينا في الحكومة دي يوم زي ما شوفنا منهم كل ايام السنة
قول أمين
-
ولا المزلقانات سواء بتاعت الترام او القطارات أعتقد دى معمولة عشان القطارات بس هى اللى تعدى عليها انما العربيات لأ
قول البلاعات أهون شوية من المزلقانات
حسبى الله ونعم الوكيل
-
كل لما آكل مطب أقول (حسبي الله ونعم الوكيل)
أكيد هناك مهمل أدى لوجود هذا المطب أو هذه الحفرة أو هذه البلاعة .. أكيد
-
ya gm3a da fi bl3a we enta mazel mn try2 el attmya le mdynet nasr b3d m7md zaki keda
ana shoft bnfsy 3rb ya et2lbet knet gnby
we lola eny kont keza fil merya zwed el sor3a 3ashan kan 7yt2leb 3lia
el mohem kol yom wel tany ashof 3rbya et2lbet fi nfs el bla3a
we m7desh by2felha
wely zad we 3'ata el sh3b el shahm 7as enha sbab 7awdes ra7o 7teen 7agr we rasho shweyt raml we zlat
3ashn law mt2lbtesh fil bla3a ta7'odel 7agar
we el 3rbya t3om mnk 3ashn ykedo el alba
7asbi allh we n3m el wakil
-
الموضوع ده عبارة عن تراكم إهمال وسرقة من أول المقاول لحد عامل النضافة ... وحسبي الله ونعم الوكيل .. ربنا يصلح حال الناس في البلد بتاعتنا
-
يعني زي ما بيخدو رخصنا لما بنخالف المفروض ناخد تعويض علي الاضرار اللي بتحصل للسيارت بتعاتنا
-
"لو ان دابة فى عثرت فى العراق لُسئلت عنها : لما لم تعبد الطريق لها يا عمر"
هكذا قال سيدنا عمر بن الخطاب
حسبى الله ونعم الوكيل
Content Relevant URLs by
vBSEO 3.6.0 PL2