حيرة شديدة ١٣٠ ل ١٤٠ ألف !!

**Zafacelessman** · 19-09-2014 06:07 PM

المشاركة الأصلية كتبت بواسطة 2CODE

في الفئة دي انا رأيي الشخصي ريو فئة جديدة من الوكيل abs و 2 ايرباج و ايموبلايزر واخر سعر سمعته للفئة دي كان 135 الف

وكده انت مسكت العصاية من النص ولا غالية اوي ولا رخيصة اوي وعربية فيها وسائل امان وعربية شيك وشبابية

موضوع الـ1400 والسرعة ده نسبي من واحد للتاني - شوارع مصر مش مستحمله جري اصلاً !!!!

لكن الموتور قوي وتكنولوجي جديدة 109 حصان علشان كده ادائه مقارب جداً للـ1600 ولعلمك استهلاكه هو هو استهلاك بنزين الـ1600 يعني متفكرش انك هتوفر بنزين اوي لأ العربية بتاخد نفس بنزين الـ1600 لان خرج الأحصنة كبير 109 حصان !!!!!

مش عارف ليه حاسس الريو ( مجرد إحساس ) أصغر و أضعف من الأر بي .. بس بصراحة مليانة كماليات ...
بس أنا شايف الريو A/T H/B DAP ABS عاملة ١٤٢٠٠٠ زي الأر بي الهاي لاين exclusive

هو ليه معظم الناس بترجح الريو عن الار بي ؟

**noapology** · 19-09-2014 07:51 PM

بص انا ركبت الريو الهاتشباك و الاكسنت ار بي سيدان
كتسارع االار بي احسن بس برضو الريو كويسه جدا

كنا راكبين 3 في الريو وبسم الله ماشاء الله جابت 190 مستريح علش طريق العلمين وكان ممكن تزود

انا عن نفسي لو هختار هجيب الريو اولا احسن كشكل وقعدتها احسن من الاكسنت

**ENG.MaRk** · 19-09-2014 08:07 PM

ما دام انت عايز هاتشباك يبقي ريو

**J A G U A R** · 19-09-2014 08:22 PM

ريو هاتشباك اكيد

**hanyyacot** · 20-09-2014 12:00 AM

الشارك افضلهم

**simon659** · 20-09-2014 01:08 AM

ينهاااااااااااااااااااااا ااااااااااااااااار ابيض
شارك يا باشا منغير تفكير يا استازي الفاضل العربيه سوقها لو السعر تمام مش اقل من 200 الف جنيه ماتور وشاسيه وفرامل وعفشه وراحه وكل شئ في نظري عربيه العمر بلاش تهريج الله يخليكو انت لو سوقت البيجو 301 والاكسنت والريو وتيجي تسوق الشارك هتترعب بجد فرصه تركب عربيه حلوه بجد

**toty_305** · 20-09-2014 11:56 AM

المشاركة الأصلية كتبت بواسطة Zafacelessman

مش عارف ليه حاسس الريو ( مجرد إحساس ) أصغر و أضعف من الأر بي .. بس بصراحة مليانة كماليات ...
بس أنا شايف الريو A/T H/B DAP ABS عاملة ١٤٢٠٠٠ زي الأر بي الهاي لاين exclusive

هو ليه معظم الناس بترجح الريو عن الار بي ؟

-هو ده كلام الناس العاقلين..أصلا الريو و ال rb نفس الشاسيه و طراز الموتور بس الريو أصغر نفس كل حاجة ميكانيكية...عربية واحدة فنيا

-ال rb 1600 أقوى و موفرة في البنزين...الريو كماليات أعلى و التقفيل من الداخل شكله أحسن

-انا عايز اقولك rb 124 حصان مش بتطلع على العجل 100 مثلا فما بالك 109 حصان...أصلا أي عربية جديدة هتجري عادي العبرة لما تقدم شوية و تمشي فوق 100 الف كيلو مثلا

-أنت تشتري الريو لسبب واحد أنها تغور من وش غبور الزفت )الهيونداي(

**Zafacelessman** · 20-09-2014 12:00 PM

المشاركة الأصلية كتبت بواسطة simon659

ينهاااااااااااااااااااااا ااااااااااااااااار ابيض
شارك يا باشا منغير تفكير يا استازي الفاضل العربيه سوقها لو السعر تمام مش اقل من 200 الف جنيه ماتور وشاسيه وفرامل وعفشه وراحه وكل شئ في نظري عربيه العمر بلاش تهريج الله يخليكو انت لو سوقت البيجو 301 والاكسنت والريو وتيجي تسوق الشارك هتترعب بجد فرصه تركب عربيه حلوه بجد

انا اللي مخوفني من الشارك حاجتين: قطع الغيار الغالية جدا مقارنة بالأكسنت ، و إن الأر بي أغلى فئة بتمن شارك أول فئة مانيوال ..

**Zafacelessman** · 20-09-2014 12:08 PM

المشاركة الأصلية كتبت بواسطة toty_305

-هو ده كلام الناس العاقلين..أصلا الريو و ال rb نفس الشاسيه و طراز الموتور بس الريو أصغر نفس كل حاجة ميكانيكية...عربية واحدة فنيا

-ال rb 1600 أقوى و موفرة في البنزين...الريو كماليات أعلى و التقفيل من الداخل شكله أحسن

-انا عايز اقولك rb 124 حصان مش بتطلع على العجل 100 مثلا فما بالك 109 حصان...أصلا أي عربية جديدة هتجري عادي العبرة لما تقدم شوية و تمشي فوق 100 الف كيلو مثلا

-أنت تشتري الريو لسبب واحد أنها تغور من وش غبور الزفت

انت تقريبا جبت من الآخر .. لأ مش تقريبا هو إنت فعلا جبت من الآخر :)
أنا بسمع أساطير عن سوء الخدمة في غبور .. تقريبا ده السبب الوحيد اللي مخوفني من الأر بي ، بس هل توكيل كيا أحسن بكتير من غبور ؟ انا انطباعي إن كل التوكيلات في مصر ( و كل خدمات ما بعد البيع و خدمة العملاء و المستهلك عموما ) مش كويسة .. معتقدش إن توكيل كيا هيكون ٥ نجوم برده

و شكرا بجد على آرائكم و مساعدتكم يا جماعة