الموضوع: حد لية فى البورصة؟

المشاركة الأصلية كتبت بواسطة ahmed4000

ارجو بلاش نصائح من نوعية اشترى وقت الهبوط الحاد
لان فى 2008 حصل هبوط حاد وحتى الان الناس معوضتش فلوسها
فالشراء فى الهبوط لما يكون مؤقت غير كده ممكن احكيلك من هنا للصبح على اسهم خسرت 80% من قيمتها

برده نصيحة الشراء فى الاكتتاب مش مضمونة لانها ممكن تصيب (نادرا) وعادة بتخيب ولو بصيت على العشرين اكتتاب اللى حصلوا حتلاقى ان 18 منهم لسه خسرانين لغاية دلوقتى

انا اقصد هبوط حاد عكس اتجاه السوق يعنى لما السوق يبقى طااااااااااااااااالع ومرة واحدة يتهبد هو ده وقت الشراء لانه بعد يوم او اتنين بيرد تانى جامد ( وهنا الناس بتعمل فلوس ) .
ووقت الثورة لما البورصة قفلت شهرين وبعدين فتحت كانت الدنيا خربانة خالص لمدة اسبوع وبعديها الدنيا طااااااااااارت خالص وفضلت معرضة شوية وبعد مرسي السوق طاااااااااااااااروكمان السيسي طاااااااااااار برضه .
لكن 2008 دى كانت ازمة الرهن العقارى العالمى وديون دبى ودى كان العالم كله بينهار يعنى السوق كان واخد اتجاه هابط ( عكس اللى انا كنت بقوله ) .

ولو تفتكر كان فى يوم فى 2007 اسمه التلات الاسود فى اليوم ده السوق نزل 10 % والجلسة قفلت وكان فى حالة من الخوف والهلع ومعظم الناس كانت بتبيع لكن اللى كان بيشترى قدامهم كسب فى نهاية اليوم من 25 الى 50% ( فى جلسة واحدة فقط ).

شوف ومن غير طول كلام

=ختخسر كتير جدا.... لحد ما تتعلم

=افضل شئ .. انك تتعامل كمستثمر طويل الاجل .... شريك يعني .. ازاي
شركة قوية فعلا .. سعرها بسيط اقل من 5 جنيه
تلبد فيها وتشتري على قد ما تقدر
مثل شركة اوراسكوم اتصالات او عامر جروب
دي شركات قوية وبتحقق يوميا تداولات عالية جدا من الخمسه الكبار يوميا

تنط فيها وتنساهم
ليييييه
لانها بتمر مرحلة تجميع من البنوك والمؤسسات المحلية والاجنبيه
وبعدين السهم اللي بجنيه ده
ممكن باذن الله يوصل 4 او 5
على المدى الطويل

المضاربه محتاجة ملايين عشان تحقق ربح ملحوظ
ومش اي حد يلعبها
في اواخر 2008 و 2009 فيه ناس انتحرت بسبب البورصة
باعت شقتها ودهبها وهدومها ودخلوا عشان 100 الف يبقى 200 او 500 الف
وطبعا عايزه ساحر مش بورصة

فلوسك قليله خليك شريك في شركة قوية احسن

تحياتي