تقرير صيانة 1000 كم في تكنوسيرفس الإسكندرية Speranza Envy
السلام عليكم ورحمة الله وبركاته
تقرير صيانة الألف كيلومتر لاسبرانزا إنفي التقفيل المحلي في مركز تكنوسيرفيس - محطة الرمل , الإسكندرية
طبعا كنت حاجز قبلها ورحت قبل الميعاد بربع ساعة عشان أخلص إجراءات "أمر الإشغال" وأقولهم على ملاحظاتي ويخلصوا العربية بدري لكن للأسف الموظفين ماكنوش لسه وصلوا ومافيش غير مهندس الصيانة كان بيشرف على الصيانات ويستلم العربيات في نفس الوقت , كان فيه شوية لخبطة في الأول لكن الحمد لله التأخير ما طولش عن نص ساعة واستلموا العربية.
ملاحظاتي الأساسية للصيانة:
الأساسي في صيانة الألف تغير الزيت + تغير فلتر زيت + تربيط العفشة . 1- لمبة فرامل ( ABS ) منورة والفرامل ضعيفة.
2- الهاند بريك ضعيف جدا .
3- رشاش مياه المساحات منخفض ( بيضرب على تحت مش في نص الزجاج ) .
4- تقل في الفتيس وصوت ( تك ) لما يكون في حارته .
5- الدبرياج بعيد ( يعني زي النص نقل مشوار عشان توصل للاخر ) .
6- تأخر في صوت الكلاكس .
الي حصل كالتالي :
بتكون حاجز للصيانة من قبل كدا عن طريق الهاتف مع المركز . توصل بدري عشان الدور والزحمة وكدا , بتسلم رخصة العربية وتقول للمهندس ملاحظاتك . وهما بيعملوا الباقي كما يلي:
- رفع السيارة وتربيط العفشة وتغير الزيت بزيت 10000 كم نوع موبيل1 وتغير فلتر الزيت .
- الكلاكس تمام مفهوش اي مشاكل وتم التشييك على كهربة العريبة اللاج دا في اقصى اليمين من الطارة وغير كدا زي الفل
- لمبة abs تم التشييك عليها وتم توصيل السيارة بالكمبيوتر لمعرفة سبب المشكلة وتم حلها وتجربتها مع المهندس .
- الهاند بريك اتشد وفي فرق واضح تم عمل رجلاش للهاند بريك .
- رشاش المياه طبعا دا اي حد يعملوا بس مش عامل مشكلة كبيرة يعني بس بالمرة في الصيانة رفعه للمستوى المطلوب (كان محتاج يتسلك مش أكتر http://www.nilemotors.net/Nile/images/icons/icon10.gif).
- التقل في حركة الفتيس وصوت التك كل دا طبيعي عشان العربية هيا كد و مع الاستعمال والوقت هتتعود وهيلين .
- الدبرياج هوا نازل كدا ومافهوش مشاكل حسب كلامهم .. عموما انا اتعودت عليه كدا خلاص.
انطباعي عن مركز صيانة تكنوسيرفيس:
- المعاملة داخل المركز ممتازة الناس شايفة شغلها وبيشتغل في العربية قدامك وبتقدر تتابع معاهم أول بأول وطبعا أول ما يستلم العربية منك بيحط مشايات ورق ويغلف كرسي السواق عشان ما يتبهدلش.
- الانتظار كان ممل في الاستراحة 5 ساعات تقريبا لكن الاستراحة جيدة ومكيفة وفيها تلفزيون , ينقصها كراسي أكتر فقط. :whistling:
عموما الواحد كان بيسلي نفسه يتكلم مع الناس ونتناقش في العربيات وكدا وكمان شوية لف في محطة الرمل وكل شوية تدخل تشوف عربيتك وهما ينادوك يا أستاذ اتفضل استريح في الاستراحة يا باش مهندس مينفعش الوقوف والجو دا :shyy:
- الأمانة ناس شايفة شغلها على أكمل وجه والمهندسين بتابعوا ويراقبوا الشغل كانوا 2 مهندسين والباقي صنايعية بس محترمين وفاهمين شغلهم .
في طبعا شوية حاجات كدا يعني كان المفروض تتم زي غسيل العربية دا من بنود الصيانة في المركز ومكتوب على بانر في الاستراحة .. قالوا الكلام دا كان زمان ودلوقتي غسيل السيارة الخارجي بـ75ج والداخلي بـ75ج بردو وكذلك غسيل الماتور :011: ولما تكلمنا معاهم في النقطة دي والـSupervisor بقى في صفنا وهما ضربوا لخمة ازاي نغسل كل العربيات دي ومافيش وقت .. وهووووب الكهربا قطعت ههههههههه انقذهم من الموقف وعموما مش مشكلة ماكنتش عايز أتعطل أكتر من كدا :sleeping:
ما بعد الصيانة: العربية والحمد لله الفرق كان واضح بعد الصيانة صوت العفشة راح كان في صوت تزييق ( إيئ ) لما تاخد مطب اهالى دا اختفى تماما وكمان سحب العربية بقى احسن . واستهلاك البنزين قل بشكل ملحوظ .
تكلفة الصيانة 1000 كم = 490جم عشان من غير دفتر الصيانة في 70 ج مصنعية ولما تستلم دفتر الصيانة وقبل ما الشهر الى عملت فيه صيانتك يخلص تقدر تروحلهم تاني بالدفتر والرخصة وتاخد ال 70 ج .
معلومة اضافية زعلتني شوية تتفوق فيها الجيلي عن الانفي تغير السيور في الإنفي عند 40000 كم أو كل سنة ايهما اقرب وتكلفتها 1700 ج . وكمان اسعار قطع غيار العربية في التوكيل كانت غالية او مبالغة شوية المشكلة ان الكلام كله بالصيني واللغة دي انا بحاول اتعلمها عشان نعرف الحاجات دي بكام وببتجاب منين عشان الحكر الى في السوق دا :C_laugh[1]: انا بهزر على فكرا صيني ايه الى الواحد يتعلموا هوا احنا فاضين للكلام دا ربنا يسترها علينا ويكفينا شر الطريق.
شكراً لمتابعتكم وأعتذر عن الإطالة.
والسلام عليكم ورحمة الله وبركاته.
