فكرة وكلام الموضوع واقعية بنسبة كبيرة
عرض للطباعة
فكرة وكلام الموضوع واقعية بنسبة كبيرة
أحلى حاجة في نايل موتورز تلاقي عشرات المواضيع عن الجواز و هجوم كاسح على البنات اللي بتتخطب و الستات المتجوزة, و مواضيع تانية عن الزواج من أجنبيات و برضه هجوم كاسح على المصريات و اللي يقول لك خليها جنب أبوها و اللي يقول العزوبية أحسن :) طيب ما اللي عايز يتجوز أجنبية يتفضل و اللي عايز يفضل عازب براحته, ليه محسسني ان البنات عايزين يتجوزوكوا عافية مثلا؟؟ يمكن عشان زي ما كلنا شايفين الراجل المصري زوج مثالي و الطلب عليه كتيييييييييير :10D5C8w1107:
مش حكايه عافيه
الحكايه حكايه "تناكه علي الفاضي"
تتولد البنت من دول و امها تفضل توسوس في ودنها انها احسن واحده في العالم و العرسان هيبقوا واقفين طوابير علي باب البيت
المشكله ان الكذبه دي بتعيش فيها الاهالي كأنها واقع بالظبط
تتخبط في عقلك و تروح تتقدم تلاقي لسته طلبات زي شقه في منطقه راقيه جنب مامي, شبكه ب30 الف و اكتر, فرح في الانتركونتينينتال, و و و و
البنت برضه تفضل عاشيه في الكذبه دي كأنها حقيقه واقعه
تفضل تتنك علي العرسان
ده رفيع, ده اقرع, ده مش بيقبض الا 3000 جنيه و انا مصروفي لوحده 2000 جنيه
لحد ما تحمض في بيت ابوها و الحاج يفضل يصرف عليها لحد اخر العمر
و تيجي تتكلم عن الحقائق دي و لا تقول اتجوز اجنبيه
تعامل معامله الكفار لو وقعوا في ايد داعش
:waaaht::waaaht::waaaht:
الى بتيقدملها كتير دى بيبقى جايلها عرايس صالونات ما بيبقاش شافها قبل كده اساسا ولا شاف عيلتها و لو كان يعرفها قبل ما يدخل بيتهم ماكانش دخله
انا عن نفسى شوفت حوالى 25 بنت و رفضتهم كلهم و خطبت مرتين و انا الى فركشت و ما اترفضتش غير مرتين تقريبا من ضمن ال25 بنت دول طبعا موضوع الرفض من ناحيتى مش تناكله او غرور لكن فعلا انا مبكونش شوفت البنت قبل كده ولا اعرفها و الزياره الاولى بتخلينى مش متقبل الموضوع فبمشى و مش برجع تانى على العموم فى مصر يعتبر محدش بيتجوز غصب عنه على الاقل من الرجاله و مع ذلك بيحصل مشاكل برضه و خلافات و طلاق و بلاوى سودا
معلومه على السريع نسبة العنوسة فى مصر ايا كان سببها حوالى 40% يعنى من كل 10 بنات فى مصر فيه 4 مش هيتجوزوا ده غير المطلقات
طبعا الراجل أهله مش بيبقوا مفهمينه انه مفيش زيه و ان يا سعدها يا هناها اللي هو يقبل يعيشها خدامة تحت رجليه :) و طبعا هو لما بيتشرط و لا بيقول تخينة و رفيعة و بيضا و سودا و لا دي تافهة قوي و لا دي فاهمة قوي بيبقى من حقه لأننا متفقين ان المصري معروف بقوته و بجبروته و البنات واقعين فيه :)
بس مش فاهمة الحقيقية دهشتك اللي في الأخر دي من ايه اذا كنت بنفسك بتقول ان البنت بتفضل تتنك؟؟
و تاني الراجل اللي عايز يتجوز أجنبية محدش منعه :)