الموضوع: عشرة اسباب لعدم الزواج من مصرية

عزيزتي البنت المصرية ....... اليكي يا فتاتي اهم 10 اسباب الشباب المصري دلوقتي بقى بيدور على جواز برة البلد (او زهد في الجواز خالص)


1- النكد : كل حاجة تحصل لازم تتخانقوا و لازم تكسبوا باي تمن ....... حتى لو عارفين انه رافض لاسباب مقنعة (او في بعض الاحيان خارج ارادته) ...... او بتستخدموا الخناق لتفريغ شحناتكم النفسية (بتفشوا غلكم في الراجل) و هو اصلا مش ناقص


2- ظابط مباحث : الراجل مش عايز يتجوز واحدة مصممه انه يفتح اللوكيشن عالفيسبوك عشان تشوف هو فين ....... و لا عايز واحدة كل نص ساعة تتصل تشوفه بيعمل ايه ........ و لا في كل خروجة مع اصحابه لازم يديكي التقرير المتين


3- محاسب ضرايب او مكتب مراجع حسابات : الراجل مش عايز واحدة تحاسبه في فلوسه بالمليم و اشتريت ده بكام و ليه و معاك كام و مرتبك كام و هتقبض امتى
ملحوظة على جنب : الكلام ده بافتراض انه قايم بدوره كراجل و بيصرف عليكي و عالبيت و مش مخليكي ناقصك حاجة ...... و برضه بافتراض انه بيصرف عليكي بطوله ...... مش مرتبه على مرتبك لان ساعتها ليكي الحق تعرفي الفلوس رايحة فين لان ليكي فيها فلوس


4- انا مش ATM : الراجل مش عايز يخش بيت ناس - سواء معارف او عن حب او صالونات - و يكتشف ان معيار تقييم اهلك ليه هو الفلوس و الشقة فين و كام متر ...... الراجل عايز واحدة تقبله او ترفضه عشان راجل و لا لأ ..... اخلاقه و دينه و مبادءه (و شكله - ده حقك طبعا) ....... بس اما نلاقي ناس بتترفض من اول قعدة لان الشقة في عمارة قديمة او الشقة صغيرة ....... خليكي جنب بابا يا روح بابا


5- انا مش ابوكي : ايوة ...... انا مش ابوكي ....... انا مش ملزم استحمل قرفك و زنك و عياطك عالفاضية قبل المليانة ...... خلي بالك ....... ابوكي ممكن يرمي نفسه قدام قطر عشانك ....... و قبل ما حد يخش بالهيستيريا النسائية ....... برضه انا موافق ان الزوجة مش ام و مش مطالبة تشيل قرفك اللي بترميه في كل مكان في الشقة ......


6- انتي مش امي : انا لو عايز اعيش مع امي كنت فضلت عايش مع امي ..... فبلاش تفضلي تعامليني كأنك امي ....... تأنيب و تقطيم و قرف ..... اما اجي اقول لك عندي مشكلة في الشغل ..... اكيد اكيد يعني ..... مش ناقصك تقولي لي تستاهل ما انت اللي شغلك اي كلام (حتى لو دي حقيقة ....... انا جاي عايز دعم معنوي) .....


7- علاقة التوام الملتصق بالاهل : الزوجة المصرية معروف ان عندها اهلها نمرة 1 و جوزها نمرة 2 (و بينزل لنمرة 3 بعد العيال) ...... اساسا المفروض جوزك و بيتك نمرة 1 ...... و مش معنى كده تنقطعي من اهلك ....... بس مكالمات ساعتين تلاتة يوميا عشان ال status report لامك عن كل منديل كلينكس اترمى في الزبالة و كل بيضة اتسلقت مالهاش لازمة ........ الزيارات بالاسبوع مالهاش لازمة ....... تسيبي جوزك كل شوية و تروحي لهم مالهاش لازمة ....... لو مغتربين .... ما تخربيش بيت امه مكالمات دولي ...... و ما تسافريش 3 شهور و تسيبيه لوحده .......


8- علاقة جوزك باهله مش خيانة ليكي ... و امه مش ضرتك : الظريف انك بالرغم من انك توام ملتصق باهلك .... تقريبا كده عايزة جوزك يقاطع اهله .....


9- ودنية : كلمة توديكي و كلمة تجيبك ...... و كل حكاياتك عند صاحباتك و كل قراراتك من دماغهم ....... و مش لازم صاحباتك ...... احيانا الاغراب ....... اللي مش مصدقني يخش فتكات و يشوف ازاي قرارات مصيرية بتتاخد بناءا على راي بنات عمرها ما شافتهم


10- بتبصي لغيرك و دايما تقارني : فلانة جوزها مهنيها ......علانة جوزها بيخرجها كل يوم و يجيب لها هدايا ........ شبكة فلانة احلى من شبكتي ...... شقة علانة اوسع ..... عريس فلانة مسافر برة بمرتب كذا ........ الخ ........ اهمدي شوية


و اخيرا و ليس اخرا ........ دول مجرد غيض من فيض ........ و فيه اسباب تانية كتير جدا ....... فبلاش بقى تعملي فيها عبده البرئ ...... و كل ما تسمعوا عن مصري اتجوز اجنبية ...... يا اما تقولوا ليه و ازاي ........ يا اما تقولوا تلاقيه اتجوزها لانه مش لاقي يتجوز مصرية و لا عشان هي تصرف عليه ........ الجواز برة واحد بيحب واحدة و بيتجوزوا ان شالله في اوضة ايجار باي عفش ....... و بيبنوا حياتهم مع بعض ....... الجوازة برة ما بتقفش عالقايمة ........ و لا العفش ........ و لا السجاد منين و بكام .......... اما تعرفوا تعملوا كده ابقوا اتكلموا