أصلح كاميرا كانون فين؟

**aliabutaleb** · 25-10-2008 09:37 AM

السلام عليكم
عندي كاميرا
Canon PowerShot A560
فجأة لقيت الزوم بتاعها مش بيشتغل ولما باحاول اشغله الكاميرا بتهنج وبتقفل ولازم يتعمل لها رستارت
الكاميرا كان واحد صاحبي شاريهالي من الامارات من أقل من سنة
تعرفوا مكان محترم ممكن أصلح فيه الكاميرا؟
ويفضل انه يكون قريب من محافظة 6 أكتوبر العزيزة

جزاكم الله خيراً

**marsguy** · 25-10-2008 01:26 PM

بص يا باشا، الكاميرا بتاعتي Canon A520 باظت من كام سنه عشان واحد صاحبي إتدحرج على جبل رمال ناعمه جداً في سيناء والكاميرا كانت في جيبه.

الرمل دخل في كل حته تتخيلها في الكاميرا حتى بين الزراير، رحت التوكيل في أرض الجولف في مصر الجديده وطلبوا مني مبلغ كبير وكانوا عاوزين يسلموهالي بعد 3 أسابيع

فا طبعاً ما رضتش وسألت ناس عاملين جروب تصوير على الياهو ودلوني على واحد محترم أوي في ميدان الجامع في مصر الجديده، والحمد لله صلحها كويس ولسه شغاله لحد دلوقت.

الراجل ده ميزته إنه بيخاف على سمعته، يعني لو مش هايعرف يصلح الكاميرا هايقولك، ومش هايبوظها زياده.

هو في ممر صغير قدام جاد بتاع ميدان الجامع في مصر الجديده.

**sherif Anton** · 25-10-2008 08:30 PM

المحل اللي في ميدان الجامع ده فعلا ممتاز وراجل امين جدا وبيفهم جدا جدا جدا وفي نفس الوقت اسعاره معقولة جدا جدا ... انا دائما بأصلح عنده لو في مشاكل في اي كاميرا ومهما كان نوعها

**aliabutaleb** · 25-10-2008 09:46 PM

محمد وشريف جزاكما الله خيراً
كدة عندنا مكان في مصر الجديدة
هاشوف لو هو ده المكان الوحيد الأمر لله هاسافر لغاية هناك
أما لو حد من الاخوة قاللي مكان اقرب فهاتوكل على الله وهاروحه
معلش اصلي موسوس على الاخر من المسافات في القاهرة
ياريت لو تساعدوني باسم وتليفون المكان يبقى ممتاز أوي