الموضوع: العربية سخنت و كانت هتولع !!

شكرا جزيلا

اسف للتأخير في عرض حل المشكلة لظروف الشغل

في البداية روحت لبتاع راديتير مبدأيا غيرت غطاء القربة وبعد الغسيل والكبس لقى فيه تسريب مياه من تحت الموتور فبعتني لميكانيكي يشوف السبب

روحت للميكانيكي ، لقى التسريب من طبة المياه في الموتور
بعد موال كبير غيرها و غير سير الدينامو عشان شقق و خد مصنعية 80 ج
و بعد اما عرف انها سخنت مني جامد و المياه فضيت قال ربنا يستر انها ما تكونش جابت جوان و لكن بعد اما دورت العربية قال ان الجوان تمام

بس انا قلقت من حكاية الجوان عشان انا بسافر بيها و روحتله يوم تاني يغيره و بالمرة غيرت جوان غطاء التاكيهات و ثيرموستات الكوعة و فلتر البنزين و أخد مصنعية 120 ج

ورجعت لبتاع الراديتير غسل الدورة تاني و طلع منها بلاوي و حطيت مياه موبيل و اخد مصنعية 50 ج وثمن المياه 80 ج


اسعار قطع الغيار :

غطاء قربة المياه 35 ج الماني !!!!!!! و كان فيه كوري بـ 25 ج
طبة مياه 10 ج
سير دينامو 60 ج

جوان وش السلندر كوري 70 ج
جوان غطاء التاكيهات الماني 65 ج
فلتر بنزين gm 50 ج
ثيرموستات الكوعه 60 ج

واخيرا احب اعرف رأيكم في سعر قطع الغيار و المصنعيات عشان كل اللي حصل ده في الغردقة يعني ناس اول مرة اتعامل معاها
شكرا

شايف الاسعار عادية
المهم الشغل يكون سليم