العربية سخنت و كانت هتولع !!

**genius3060** · 19-09-2014 09:48 PM

السلام عليكم
امبارح كنت مسافر الغردقة و طول الطريق زي الفل الحمد لله بس اول ما دخلت الغردقة لقيت العربية بتكركر زي ما يكون فيها بنزين 80 ، ركنت و نزلت اشوف فيه ايه لقيت سخونية رهيبة طالعة من الموتور اول مافتحت الكبوت و كمان دخان طالع من ناحية البوابة ، دخلت العربية ابص على مؤشر الحرارة لقيته على اعلى حاجة
بطلت العربية واستنيت ساعة لغاية لما مؤشر الحرارة نزل قولت افتح القربة اشوف المياه لقيتها ناشفة تماما

دورت و زودتها مياه من الحنفية و مشيت بيها لحد الشغل و بعد ما بردت بصيت في القربة لقيت فيها الربع بس و المياه كانت بتغلي

ياريت حد يفيدني ايه سبب المشكلة قبل ما اروح لصنايعي و يفتي فيها
مع العلم :
1- في اول الصيف روحت لبتاع راديتير و حله وسلكه و نظفه و غسل دورة التبريد و سلكها كلها ووضع مياه خضراء
2- دي مش اول مرة اسافر بيها الغردقة ، انا بسافر بيها مرتين شهريا بس دي اول مرة تسخن و يحصل معايا كده
3- لما زودتها مياه لم يكن فيه اي تسريب

**K.Ossama** · 19-09-2014 10:02 PM

راجع على ثرموستات دايرة المياه (الكوعة)
غالباً بيعلق

**ahmedamgad18** · 19-09-2014 10:10 PM

احتمال كبير تكون المروحة عطلت ووقفت على العمل وبالتالى لايوجد تبريد للمياه
او تشوف الثرموستات وهى التى تتحكم فى عمل المروحة .
وقلنا ايه اللى حصل وان شاء الله خير

**Abo_Mazen** · 19-09-2014 10:13 PM

المشاركة الأصلية كتبت بواسطة k.ossama

راجع على ثرموستات دايرة المياه (الكوعة)
غالباً بيعلق

يادي ثرموستات الكوع ..يادي ثرموستات الكوع ..أنا عايز أعرف حاجه ..هو الخواجه عمل الثرموستات دي عشان يقرفنا يعني ولا عشان عربياتنا تولع ..يا جماعه أنا قلت الثرموستات دي ضررها أكبر من نفعها ..تلاقي اللي يدخل ويقلك لالالالالالالالالالالالال الالا..ده من غير الثرموستات العربيه ممكن تعمل عمره في خلال 2 شهر بس إلا الثرموستات ..إلا الثرموستات ..ده إنت تمشي من غير بنزين لكن ما تمشيش من غير ثرموستات

**genius3060** · 19-09-2014 10:56 PM

المشاركة الأصلية كتبت بواسطة k.ossama

راجع على ثرموستات دايرة المياه (الكوعة)
غالباً بيعلق

شكرا لتفاعلك
هي مكانها فين ؟؟
واشوفها شغالة وللا لأ ازاي ؟

**genius3060** · 19-09-2014 11:00 PM

المشاركة الأصلية كتبت بواسطة ahmedamgad18

احتمال كبير تكون المروحة عطلت ووقفت على العمل وبالتالى لايوجد تبريد للمياه
او تشوف الثرموستات وهى التى تتحكم فى عمل المروحة .
وقلنا ايه اللى حصل وان شاء الله خير

شكرا لتفاعلك

المروحة لقيتها شغالة لما شغلت التكييف ، هو ممكن المروحة تشتغل مع التكييف بس و متشتغلش لما العربية تسخن والتكييف يكون مقفول ؟

**J A G U A R** · 19-09-2014 11:18 PM

دوره التبريد فى الاوبترا الصراحه زباله
روح لحد بتاع ريداتير يراجع علي دوره المياه والتبريد ويكشف على تروموستات الكوعه

**K.Ossama** · 20-09-2014 12:28 AM

المشاركة الأصلية كتبت بواسطة genius3060

شكرا لتفاعلك
هي مكانها فين ؟؟
واشوفها شغالة وللا لأ ازاي ؟

اسهل طريقة إنك تلاقى نص خراطيم مياه الموتور سخنة والنص التانى باردة. جرب خرطومين بعاد عن بعض، واحد ناحية قربة المياه وواحد الناحبة التانية

**ahmedamgad18** · 20-09-2014 02:30 AM

المشاركة الأصلية كتبت بواسطة genius3060

شكرا لتفاعلك

المروحة لقيتها شغالة لما شغلت التكييف ، هو ممكن المروحة تشتغل مع التكييف بس و متشتغلش لما العربية تسخن والتكييف يكون مقفول ؟

اه ممكن مروحة التكييف تشتغل مع التكييف فى حين مروحة التبريد تكون فيها عطل .... كان بتحصل معايا فى الاكسنت كدا .
هى غالبا هتكون الثرموستات

-

الموضوع: العربية سخنت و كانت هتولع !!

LinkBack

أدوات الموضوع

عرض

-

-

-

المواضيع المتشابهه

العربية كانت متلتة الصبح و لما سخنت التتليت راح

العربية كانت هتولع امبارح

طلمبة البنزين سخنت بدون سبب و العربية كانت هتولع و ربنا ستر برجاء المساعدة

العربية كانت هتولع بيا

العربية كانت هتولع

الكلمات الدلالية لهذا الموضوع

المفضلات

المفضلات

ضوابط المشاركة