المشاركة الأصلية كتبت بواسطة ibrahimsaad
ههههههههههههههههههههههههه هههه
بص ياباشا الحقيقه الصعبه واللى اكتشفتها فعلا ان المنتدى هنا فى وادى والناس فى الشارع فى وادى تانى خالص
العربيه فعلا منتشره انتشار رهيب وكل يوم بتزيد عن اللى قبله رغم كل الكلام والمشاكل اللى فى المنتدى
لكن خلينا واقعيين شويه اسعار السيارات فى مصر لامثيل لها
يعنى علشان الواحد يحاول يركب عربيه محترمه ولتكن بها الحد الادنى من وسائل الامان وهنجيبها كورى مش يابانى مش اقل من 150 الف والناس مش معاها المبلغ ده وبتفضل تحوش سنين علشان تجيب حته عربيه كحيانه
طيب انا شخصيا لفيت المنتديات كلها وقارنت واستخرت بصراحه كانت النتيجه النهائيه هى الصنى رغم معرفتى بمشاكلها لكن هى كده متظبطه على كده اسم + وسائل امان + وسع داخلى + عاليه عن الارض + ايرباج ومانع سرقه وفرامل اى بى اس واى بى ا وكل ده ب 114 الف مااجيبهاش ليه حتى لو بتتجمع فى الهند ماهى فى النهايه تحت اسم نيسان الام وكل الشركات بتعمل كده مش عيب ولاحرام ولا هى بس حرام على نيسان
نيجى بقى لمشاكلها وحسن الاختيار
انا شخصيا لم يظهر معايا اى مشاكل حتى الان لا فى فرامل ولا ثبات ولا غيره والحمد لله وبالتاقلم معاها عرفت ازاى احافظ على التيل والفرامل لدرجه ان التيل عندى تقريبا زى ماهو رغم انى مشيت 5000 ك
المساله هى انك ازاى تحدد اختيارك للعربيه وتعرف امكانياتها وتاخد منها اللى انت عاوزها
انا مثلا بخصوص الثبات اللى بيقولوا انها خفيفه بعد 140 ك وايه يعنى ماهو انا اخرى اصلا 120 دا لو جبتهم اصلا
الفرامل والتيل الحمد لله مش بستخدمهم على الفاضى والمليان وفى الاشارات وبتجنب الاستخدام العنيف ليها علشان كده باخد منها اخلى شغل وقت مااحتاجها
استهلاك البنزين الحمد لله 280 ك فى الصفيحه على الطريق لغايه دلوقت
وسع داخلى وراحه
هى بس عيبها الصاج الضعيف وده موجود فى معظم الجديد بس مع المحافظه بتمشى
الخلاصه اعرف امكانياتاك وامكانيات عربيتك وعيش معاها على هذا الاساس
يعنى مثلا واحد صاحبنا لسه مستلم الصنى ولسه بيلين وكاسر العداد على 160 وانقلب بيها لما مسك فرامل على رمله هل هنا احمل العربيه العيب وهى لسه بتلين ؟
القصد فى ايدك انك تخلى العربيه معاك كويسه وبرده فى ايدك انك تخليها وحشه