كورولا full option (تاني فئة) ولا سيراتو High line (اعلي فئة) ؟؟

انا في قمة الحيرة السيراتو هاي لاين فيها كل اللي نفسي فيه و شكلها يهبل و كماليات وفرش جلد و دلع و الوانها تحفةوهستلمها تاني يوم الكورولا Elegant بس حاسسها عواجيزي شوية كماليات اقل و خايف من ال CVT محبوش و خايف من اسعار قطع غيارها بس في نفس الوقت يهمني استهلاك البنزين جدا اعتقد هيكون في صالح الكورولا و يهمني قلة المشاكل عشان بعمل 120 كم في اليوم يعني نص عمري بقضيه في العربية و يهمني ال safety للاسف السيراتو مفيهاش ESP و الكورولا الوانها اللي فرشها اسود من جوة مش عجباني و الالوان الحلوة فرشها بيج فا هيتبهدل و حجز هستلمها بعد شهر و نص قالي
انا بجد مش عارف اعمل ايه السيراتو ركبتها مكنتش عايز انزل منها و بما اني بقضي وقت كبير جدا في العربية فاهستمتع بيها انما عقلي بيقولي الكورولا و VSC فا مش عارف !!! اتمني تفيدوني في استفساري و اهم نقط استهلاك البنزين كام L/100km اسعار قطع الغيار مش تيل و سيور دول امرهم سهل اللي يهمني كشافات و كبوت و الكلام ده عشان دول اللي بيقطموا الوسط لو لا قدر الله ربنا يعافينا و يعافيكو ؟؟ الثبات ؟؟ راحة الركوبة ؟؟ العفشة ؟؟ المشاكل ؟؟ نعومة العربية في السواقة ؟؟ ال Acceleration ?? و ارجوكوا محدش يقولي كورولا طبعا ارجو ابداء الاسباب التي تقنع عقلي !! :10D5C8w1107:

و الف شكر يا رجالة انا عارف اني طولت عليكوا بس الواحد واقع في حيرة مايعلم بيها الا ربنا المبلغ مش قليل

بص يا بيه

الفتيس الـ cvt ده حاجة حلوة مش وحشة أصلاً .. هأحكيلك عن تجربتي

أنا كان معايا لانسر بومة 2013 اللي كان فتيسها ستيبترونك 4 سرعات

كان بششششششع .. كنت بأكرهه جدااااا .. مفيش سحب إطلاقاااا

و خد عندك بقى لما التكييف بيشتغل بقى

فاكر مرة كويس كنت طالع الساحل راكب معايا 4 في العربية و شنطهم

و عربية بيكانتو معانا فيها 4 بشنطهم

و الولا بتاع البيكانتو كان بيطلع مني .. لدرجة إني دمي إتحرق

و سيبك من الستيبترونك ده علشانه كذبة كبيرة لأنك ممكن تغير بدوسة رجلك ع الدواسة

لحد ما ركبت اللاسر القديمة أم فتيس cvt .. عربية تانية خااااالص .. سحبها راااائع

أنا لا أعرف الكرولا ولا السيراتو .. أنا بس بأعلق على الفتيس الـ cvt لأنه بجد يستاهل و هتحبه .. أضمنهالك دي

لو حضرتك تحب أذكرلك ليه الـ cvt أحلى من الفتيس العادي أبو غيارات مستقلة

و ليه سحبه أفضل

أنا ممكن أديلك فكرة

اقتباس:

---

المشاركة الأصلية كتبت بواسطة Abd El Latif

بص يا بيه

الفتيس الـ cvt ده حاجة حلوة مش وحشة أصلاً .. هأحكيلك عن تجربتي

أنا كان معايا لانسر بومة 2013 اللي كان فتيسها ستيبترونك 4 سرعات

كان بششششششع .. كنت بأكرهه جدااااا .. مفيش سحب إطلاقاااا

و خد عندك بقى لما التكييف بيشتغل بقى

فاكر مرة كويس كنت طالع الساحل راكب معايا 4 في العربية و شنطهم

و عربية بيكانتو معانا فيها 4 بشنطهم

و الولا بتاع البيكانتو كان بيطلع مني .. لدرجة إني دمي إتحرق

و سيبك من الستيبترونك ده علشانه كذبة كبيرة لأنك ممكن تغير بدوسة رجلك ع الدواسة

لحد ما ركبت اللاسر القديمة أم فتيس cvt .. عربية تانية خااااالص .. سحبها راااائع

أنا لا أعرف الكرولا ولا السيراتو .. أنا بس بأعلق على الفتيس الـ cvt لأنه بجد يستاهل و هتحبه .. أضمنهالك دي

---

اقتباس:

---

المشاركة الأصلية كتبت بواسطة Abd El Latif

لو حضرتك تحب أذكرلك ليه الـ cvt أحلى من الفتيس العادي أبو غيارات مستقلة

و ليه سحبه أفضل

أنا ممكن أديلك فكرة

---

الف شكر علي اهتمامك يا باشا و اكون شاكر ليك جدا هو انا عندي فكرة عن طريقة عمله بس مجربتوش بنفسي و سامع عنه سمع مش قد كده انه مش ممتع خالص في السواقة و علي الجانب الاخر مجرب ال 6 سرعات في الالنترا و ماشاء الله فتيس محترم جدا وممتع و طلعة العربية رائعة وملوش مشاكل فا الواحد دماغه هتنفجر من التفكير :waaaht:

هما عندهم Test Drive ولا لأ ؟؟

ممكن يكون فيه الشفاء بالنسبة للتفكير الكتير ده :)

الموضوع اتكلمنا فيه كتير ما يخص فتيس cvt خلاصة الفتيس سحب بطئ وده لانه مش بيحرق نقلات وعدد نقلاته شبه لانهائية واستهلاك بنزين اقل من الفتيس العادي وبرضه ده بسبب انه مش بيحرق نققلات

لو انت مش بتاغ جري يبقى خلاص مش هيفرق معاك غير كده الcvt ابطئ من الفتيس العادي بدون ادني شك

اقتباس:

---

المشاركة الأصلية كتبت بواسطة Abd El Latif

هما عندهم Test Drive ولا لأ ؟؟

ممكن يكون فيه الشفاء بالنسبة للتفكير الكتير ده :)

---

للاسف لا توكيل تويوتا بيتنكوا بطريقة مستفزة !! حاطين واحد بس بتاع sales و الناس واقفة مستنياه و لما جالي بيقولي احنا لا بنعمل تخفيض ولا بندي دواسات ولا هدايا و مبنقسطش و بناخد كاش و بتدفع 50 الف جنيه !!! و تستلم بعد شهر و نص قلتله فيه ايه يا عم انت بتطفش ال customer بتاعك !! :angry35:

اقتباس:

---

المشاركة الأصلية كتبت بواسطة a7medalaa

انا في قمة الحيرة السيراتو هاي لاين فيها كل اللي نفسي فيه و شكلها يهبل و كماليات وفرش جلد و دلع و الوانها تحفةوهستلمها تاني يوم الكورولا Elegant بس حاسسها عواجيزي شوية كماليات اقل و خايف من ال CVT محبوش و خايف من اسعار قطع غيارها بس في نفس الوقت يهمني استهلاك البنزين جدا اعتقد هيكون في صالح الكورولا و يهمني قلة المشاكل عشان بعمل 120 كم في اليوم يعني نص عمري بقضيه في العربية و يهمني ال safety للاسف السيراتو مفيهاش ESP و الكورولا الوانها اللي فرشها اسود من جوة مش عجباني و الالوان الحلوة فرشها بيج فا هيتبهدل و حجز هستلمها بعد شهر و نص قالي
انا بجد مش عارف اعمل ايه السيراتو ركبتها مكنتش عايز انزل منها و بما اني بقضي وقت كبير جدا في العربية فاهستمتع بيها انما عقلي بيقولي الكورولا و VSC فا مش عارف !!! اتمني تفيدوني في استفساري و اهم نقط استهلاك البنزين كام L/100km اسعار قطع الغيار مش تيل و سيور دول امرهم سهل اللي يهمني كشافات و كبوت و الكلام ده عشان دول اللي بيقطموا الوسط لو لا قدر الله ربنا يعافينا و يعافيكو ؟؟ الثبات ؟؟ راحة الركوبة ؟؟ العفشة ؟؟ المشاكل ؟؟ نعومة العربية في السواقة ؟؟ ال Acceleration ?? و ارجوكوا محدش يقولي كورولا طبعا ارجو ابداء الاسباب التي تقنع عقلي !! :10D5C8w1107:

و الف شكر يا رجالة انا عارف اني طولت عليكوا بس الواحد واقع في حيرة مايعلم بيها الا ربنا المبلغ مش قليل

---

الفتيس ال cvt بتاع الكورولا مطور و معدل وواسمه cvt-i و ده التسارع بتاعه هايل و مفيش اي مشكلة في التجميع نهائيا و استهلاكه للبنزين رائع
الكورولا تتفوق في وسائل الامان و السيراتو في الاوبشنز بس ده مش معناه ان الكورولا فاضية بالعكس دي متروسة اوبشنز.
قطع الغيار صدق او لا تصدق الكورولا ارخص و اخر رقم سمعته في الفانوس الليد سيراتو 6500 جنيه و الله اعلم في الكورولا ب 3400 .
الثبات كورولا تتفوق بفارق بسيط و تعزز بال vsc+ في المواقف الخطرة للسيطرة الكاملة علي العربية .
راحة الركوب و العفشة متقاربين بس يمكن السيراتو انشف شوية عشان الجنط ال 17
Acceleration زي بعض
نعومة العربية تقريبا زي بعض .
الاختيارين ممتازين و يتبقي الراحة النفسية و بالتوفيق

اقتباس:

---

المشاركة الأصلية كتبت بواسطة 2code

الموضوع اتكلمنا فيه كتير ما يخص فتيس cvt خلاصة الفتيس سحب بطئ وده لانه مش بيحرق نقلات وعدد نقلاته شبه لانهائية واستهلاك بنزين اقل من الفتيس العادي وبرضه ده بسبب انه مش بيحرق نققلات

لو انت مش بتاغ جري يبقى خلاص مش هيفرق معاك غير كده الcvt ابطئ من الفتيس العادي بدون ادني شك

---

هو انا بحب استمتع بالسواقة يعني مش عايز الفتيس يبقي ممل
طب ايه راي حضرتك في باقي النقط برضه ؟

اقتباس:

---

المشاركة الأصلية كتبت بواسطة Mohamed.Hany

الفتيس ال cvt بتاع الكورولا مطور و معدل وواسمه cvt-i و ده التسارع بتاعه هايل و مفيش اي مشكلة في التجميع نهائيا و استهلاكه للبنزين رائع
الكورولا تتفوق في وسائل الامان و السيراتو في الاوبشنز بس ده مش معناه ان الكورولا فاضية بالعكس دي متروسة اوبشنز.
قطع الغيار صدق او لا تصدق الكورولا ارخص و اخر رقم سمعته في الفانوس الليد سيراتو 6500 جنيه و الله اعلم في الكورولا ب 3400 .
الثبات كورولا تتفوق بفارق بسيط و تعزز بال vsc+ في المواقف الخطرة للسيطرة الكاملة علي العربية .
راحة الركوب و العفشة متقاربين بس يمكن السيراتو انشف شوية عشان الجنط ال 17
Acceleration زي بعض
نعومة العربية تقريبا زي بعض .
الاختيارين ممتازين و يتبقي الراحة النفسية و بالتوفيق

---

و الله يا باشمهندس مستني رايك عشان دايما بستفاد منك خصوصا في الكورولا ربنا يكرمك
كده حضرتك طمنتني بالنسبة لل CVT و اسعار قطع الغيار و ال stability
استأذنك بس تقولي اي اسعار لقطع غيار تعرفها للكورولا زيادة في الاطمئنان يعني كبوت اكصدام شبكة تيل اي حاجة .. و اخر حاجة بتعمل مع حضرتك كام L/100km في الوحمة و كام في الطرق المفتوحة ؟ عشان ده يفرق معايا جدا عشات اللنزين ليه ميزانية شهرية مشاويري طويلة جدا
و اخر حاجة ايه اعلي سرعة حضرتك جبتها و هل كانت راسية و ثابتة ولا حسيتها مش راسية ؟
و شاكر جدا ليك علي مجهودك