BMW 318 e46 2001 OR Octavia A5 2008

مساء الخير عليكم جميعاً

أنا كنت محتاج آرائكم و نصائحكم لو سمحتك علشان دماغي لفت من كتر التفكير

دلوقتي أنا معايا 100000 قابلين للزيادة ل 110000 و محتار أجيب إيه

كان معايا بومة 2013 و راحت في حادثة .. الحمد لله .. مكنتش حاببها صراحة

و طبعاً مش هلاقي جديد بالمبلغ اللي معايا

جديد بمعنى حاجة تملى عيني بعد اللانسر

فدورت في المستعمل .. و بعد كلاكيع كتييييييير

صفصفت على كام موديل

بيجو 307 موديل 2008+

أوكتافيا a5 2008

رينو ميجان 2 موديل 2008

و مازدا 3

بس في واحد هنا شفته في المنتدى سأل و واحد تاني ( شكله خبرة ) رد عليه قاله هات BMW 3-Series e46

فدخلت البيمر في السباق .. بس مما قرأته على المنتديات الأجنبية إن صياناتها مكلفة و بتصرف كتير و ده شئ مش محبذه صراحة فعاوز أرسى على بر
تنصحوني بإيه ؟؟

موديل 2001 يبقى بلاش بي ام هتصرف عليها كتير وهتتعبك لان مصاريف تشغيل البي ام عالية وهتلاقي العربية دي عايزه شغل كتير منك فعلشان كده بلاش تكاليف زيادة معاها

رأيي يروح للاوكتافيا ان شاء الله

من الإختيارات دي أوكتافيا وانت مغمض

اوكتافيا a5

سيفيك 2008

لو أمكن تدوني خلفية مبسطة عن سبب إختياراتكوا

علشان أنا موسوس حبتين :d

اقتباس:

---

المشاركة الأصلية كتبت بواسطة abd el latif

لو أمكن تدوني خلفية مبسطة عن سبب إختياراتكوا

علشان أنا موسوس حبتين :d

---

عربيه اعتماديه وقويه واعطالها قليله وناس كتير بتفهم فيها وقطع غيارها منتشره ورخيصه

دى كلها مزايا عن العربيات التانيه

أوسع شنطه و أعلي ارتفاع عن الأرض و صاج ناشف جدا و قطع غيار متوفره من الأخر عربيه تسد معاك

طيب دلوقتي أنا سواقتي هادية و لطيفة عارف إن الأوكتافيا تنفعني في ده

إنما لما أحب أجري بقى و أشد مثلاً فهل الأوكتافيا هترفع راسي ؟؟

علشان اللانسر كانت فاشلة في الحتة دي .. فمتعقد منها حبتين

أخبار الأوكتافيا كأداء رياضي إيه

آه و حاجة أخيرة متأسف

الأسعار أخبارها إيه

لأن الأسعار على كونتاكت كارز متفاوتة جداً

فمش عارف أحصرها في سعر معين أنشن عليه

زي ما قلت معايا 110000 غير قابلين للزيادة

اقتباس:

---

المشاركة الأصلية كتبت بواسطة abd el latif

طيب دلوقتي أنا سواقتي هادية و لطيفة عارف إن الأوكتافيا تنفعني في ده

إنما لما أحب أجري بقى و أشد مثلاً فهل الأوكتافيا هترفع راسي ؟؟

علشان اللانسر كانت فاشلة في الحتة دي .. فمتعقد منها حبتين

أخبار الأوكتافيا كأداء رياضي إيه

---

الاوكتافيا وزنها تقيل علي موتور 102 حصان مش هتديك أداء رياضي . بس هتديك ثبات رهيب لحد أقصي سرعه . احساسك بالأمان هيغنيك عن التسارع

اقتباس:

---

المشاركة الأصلية كتبت بواسطة abd el latif

آه و حاجة أخيرة متأسف

الأسعار أخبارها إيه

لأن الأسعار على كونتاكت كارز متفاوتة جداً

فمش عارف أحصرها في سعر معين أنشن عليه

زي ما قلت معايا 110000 غير قابلين للزيادة

---

دا مبلغ مناسب تجيب بيه حاجه كويسه جدا

اقتباس:

---

المشاركة الأصلية كتبت بواسطة Adnfalcon

دا مبلغ مناسب تجيب بيه حاجه كويسه جدا

---

يعني هلاقي 2008 هاي لاين بالسعر ده ؟؟

لأن قريت إن موديلات 5 - 6 - 7 فيها مشكلة في الفتيس .. فالف بودي أو حاجة كده و حاجة متعلقة بتغيير زيت الفتيس في صيانة الـ 60 ألف

و إيه الحاجات اللي أبص عليها مبدئياً علشان بعد كده آخد العربية أروح أكشف عليها

زعلتني في حتة الأدء الرياضة ده لأنهي ساعات بتهف معايا أجري على طريق إسماعيلية :waaaht:

البي ام مش عربيه موظف بيستخدمها كل يوم

Sent from my SM-N900 using Forum Runner

اقتباس:

---

المشاركة الأصلية كتبت بواسطة abd el latif

يعني هلاقي 2008 هاي لاين بالسعر ده ؟؟

لأن قريت إن موديلات 5 - 6 - 7 فيها مشكلة في الفتيس .. فالف بودي أو حاجة كده و حاجة متعلقة بتغيير زيت الفتيس في صيانة الـ 60 ألف

و إيه الحاجات اللي أبص عليها مبدئياً علشان بعد كده آخد العربية أروح أكشف عليها

زعلتني في حتة الأدء الرياضة ده لأنهي ساعات بتهف معايا أجري على طريق إسماعيلية :waaaht:

---

لو عايز 2008 هاي لاين ماشيه قليل و فابريكه ممكن اخرها 112 أو 115 ألف ولازم تكشف فالتوكيل بالجهاز . لو عايز جري اجري براحتك أنا عن نفسي من اسبوع سافرت من الأقصر للقاهره مباشره ل 6 أكتوبر ل طريق مصر الاسماعيليه ل بورسعيد والعربيه 5 أشخاص ومليانه شنط علي سرعات من 140 ل 170 بالتكييف عادي جدا
ورجعت الأقصر تاني بعد 4 أيام بإجمالي 2300 كم وقمه المتعه فالسواقه والثبات و احساس بالأمان لا يوصف

اوكتافيا

يا شباب أنا نزلت بصيت على كذا أوكتافيا 2008

الأسعار غريبة أوووي

يعني كمثال بأشوف على النت العربيات الفابريكة بتكون بـ 125 و أنت طالع

و لو حاجة نضيفة بتطلع فوق الـ 130

هل أفاصل في 20 ألف ؟؟ ولا إيه

هو اللي أنا أعرفه إن الفصال بيبقى في رينج 5 آلاف و كده

و 10 آلاف لو طلعت حاجة جامدة في العربية

إنما هأنزل من تمنها 20 ألف ؟؟؟؟

اقتباس:

---

المشاركة الأصلية كتبت بواسطة abd el latif

يا شباب أنا نزلت بصيت على كذا أوكتافيا 2008

الأسعار غريبة أوووي

يعني كمثال بأشوف على النت العربيات الفابريكة بتكون بـ 125 و أنت طالع

و لو حاجة نضيفة بتطلع فوق الـ 130

هل أفاصل في 20 ألف ؟؟ ولا إيه

هو اللي أنا أعرفه إن الفصال بيبقى في رينج 5 آلاف و كده

و 10 آلاف لو طلعت حاجة جامدة في العربية

إنما هأنزل من تمنها 20 ألف ؟؟؟؟

---

ابقي قابلنى لو باعو :)

اقتباس:

---

المشاركة الأصلية كتبت بواسطة j a g u a r

ابقي قابلنى لو باعو :)

---

طب أقوله إيه أبو 135 و أبو 140 ده .. العربيات 2008 هاي لاين فابريكة بره و جوا

أخش أديله الـ 110 على طول ولا أجيبهاله إزاي دي ؟؟

ولو إني متأكد إنه هيعبر عن إستياءه من مناخيره

اقتباس:

---

المشاركة الأصلية كتبت بواسطة abd el latif

طب أقوله إيه أبو 135 و أبو 140 ده .. العربيات 2008 هاي لاين فابريكة بره و جوا

أخش أديله الـ 110 على طول ولا أجيبهاله إزاي دي ؟؟

ولو إني متأكد إنه هيعبر عن إستياءه من مناخيره

---

العربيات اللى بتبقى معروضه على النت دى بتبقى زايده كتير جدا عن سعرها الاساسى ده غير ان اوكتافيا بطبيعتها الناس بتستهبل فى اسعارها

135 و 140 الف دول يجيبو فانتازيا 2010 اول فئه مش اوكتافيا 2008

طب لما أخش على أبو 135 ده أقوله إيه ؟؟

يعني أقوله هأخلص على 110 أو 115 على طول

ولا أنزل أكشف و أبص و بعدين أكلمه في السعر ؟

ولا أفكني منه خالص ؟

اقتباس:

---

المشاركة الأصلية كتبت بواسطة abd el latif

طب لما أخش على أبو 135 ده أقوله إيه ؟؟

يعني أقوله هأخلص على 110 أو 115 على طول

ولا أنزل أكشف و أبص و بعدين أكلمه في السعر ؟

ولا أفكني منه خالص ؟

---

اول ما تدخل عليه هاتقوله بكام هايقولك ب 135 هاتقوله اخرها معايا 110 او 115 حسب متستاهل ولو وافق روح اكشف عليها ولو سليمه اتكل على الله ولو موافقش يفتح الله وشوف غيره

بس بلاش تتعامل مع تجار
شوف واحد معرفه ولا حاجه

متشكر لحضرتك جداً

تعبتك معايا

هو الواحد ما بيتعلمش ببلاش بقى :)

اعتقد ان الاوكتافيا هى الافضل وعربية سحب عالى جدا واداء رياضى ممتاز وفخامة وكماليات عالية راى تتكل على الله وتجيب اوكتافيا