[url=http://www.hor3en.com/vb/showthread.php?t=42355]جزاك الله كل خير ... كتر خيرك
طيب بس انا كمان في الاستنشاق في الوضوء انا مبقدرش ادخل ميه جوه منخيري واسحب السحبه وانضفها كده بحس وداني بتصفر ودماغي صدعت على طول فيادوبك بدخل الميه على اول منخيري .
وبالنسبة للصلاة احياناً ببالغ في فتحت رجليا في القيام ( وانا واقف ) علشان احجز مكان مناسب ليا في السجود لان انتا عارف الناس سبحان الله عليهم وعلى طبعهم الجامع واسع وفاضي والدنيا واسعه وتلاقيهم يزنقوا في بعض تزنيقة. ويحشرك كده في السجود لدرجة انك ممكن تلاقي كوعوا وهو ساجد خابط في صدرك. او زاغدك كده من الجنب (( طيب ما توسع يا ابن الحلال وفسح كده شوية )) وسع خلي ربنا يوسع عليك !!
حتى الى الان انا بعاني. من حتت البني ادم الي بيجي يصلي جنبك. لازم تلاقي رجليه وصباع رجلوا الصغير ضارب في رجليك وصباع رجلك الصغير وفي منهم الي بيبقى واقف. ومن كتر الورع والخشوع والايمان مش حاسس ولا دريان ياعيني انوا واقف على رجلك وعلشان كده ببالغ في فتح رجليا وانا واقف علشان اقدر اصلي براحتي واخود رحتي في السجود والوقوف. فهل كده انا على خطاء ؟ ... وتحياتي وشكراً ليك .
المفضلات