السلام عليكم،
صباح الفل احلى شباب، العربيه محتاجه عندى 4 مساعدين ياريت نصائح وتجارب الأعضاء عن المساعدين الافضل والاقوى والانعم
عرض للطباعة
السلام عليكم،
صباح الفل احلى شباب، العربيه محتاجه عندى 4 مساعدين ياريت نصائح وتجارب الأعضاء عن المساعدين الافضل والاقوى والانعم
احسن حاجة مونرو بس نااشف شوية
لو عايز حاجة طرية شوية هات مايلى
أنا مركب مونرو. المساعد خطير في الإتزان والثبات ويستحمل التخبيط والتكسير...
لكن النعومة قليلة بالمقارنة بالمساعد الأصلي. يعني تقدر تقول بيدبدب في الشوارع المكسرة شوية.
طيب بالنسبه للاسعار للنوعين بعد اذنكم
الأربعة في المونرو مش حيكمل 3000 جنيه .. حوالي 2100: 2400 مش فاكر بالضبط
وتشتريه من هشام لهيطة في التوفيقية . حيديك فاتورة مختومة وضمان لمدة سنة. وحيقترح عليك تركبه بمعرفته علشان يضمن إنه ركب صح علشان الضمان يشتغل.
لو عايز تركبه بمعرفتك قوله أنك عندك عفشجي ثقة ودي مش أول مرة تركب فيها مونرو. مش حيغلس يعني.
أنا من كتر ما كنت مش مصدق لإن السعر قليل جدا مقارنتا بالأصلي قولتله حتأكد من إن المنتج أصلي ولو لقيته مش أصلي حرجعه وأشتكيك في الشركة المصنعة. الراجل صراحة قالي أنه حيعلق الفاتورة لغاية ما أتأكد وأرد عليه.
وفعلا بحثت في موقع مونرو لغاية موجدت (إكسيل فايل) الشركة منزلاه لكل أرقام (Part Numbers) الموديلات بتاعتها. ولقيت الرقم بتاع المساعد منهم ومنشأه أسبانيا.
للأسف معرفش النوع الثاني
المونرو من افضل المساعدين ، بس استريه من التوفيقية من هشام لهيطة ، دا اضمن مكان
المونرو من توكيل مونرو ذات نفسة
الجوز امامى ب 600
الجوز خلفى ب 600 بردة
لا زى ما هيا
سعر الاتنين 600
وفى كذا فرع فى واحد فى الحرفيين قدام محل الحرمين
وفى واحد فى شبرا جمب توم اند بصل
وفية الفرع الرئيسى فى 24 شارع عماد الدين فى وسط البلد ورقمة 25748025
اشكرك استاذ فادى دا لو كده يبقى سعرهم ممتاز مقارنه بالاصلى ولو دول بتوع 1600 تبقى فله ،، عموما الف شكر ياكبير
الي اعرفه هو ال kyb الياباني و اعتقد الفردة بحوالي 400 جنيه
و عفشجية كتير بيشكرو فيه