السلام عليكم،
ياريت لو حد عنده خلفيه عن سبب وعلاج التشويش فى كاسيت لانسر بومه الاصلى وكثيرا صعوبه البحث عن محطات fm
عرض للطباعة
السلام عليكم،
ياريت لو حد عنده خلفيه عن سبب وعلاج التشويش فى كاسيت لانسر بومه الاصلى وكثيرا صعوبه البحث عن محطات fm
لو الإرسال كويس وفية تشويش كنت هاقولك وصلة فردة أرضى ... لكن بما إن فية تشويش وما بيعرفش يجيب محطات يبأة دة عيب إريال والله أعلم
واحد صاحبي كان عنده العيب ده في عربيته وجاب ايريال الكتروني من التوفيقيه وركبه جوة التابلوه مش ظاهر..
الايريال الالكتروني ده اللي بتشوفه في التاكسيات وبياخد كهربا يقوي بيها الإرسال
هو عبارة عن مربع مستطيل كدة طالع منه حتتين طوال من الجنبين يلقطوا الاشارة وفيه لمبة بتنور وهو شغال
اعذرني مش عارف اجيبلك صورة ليه بس انت اسأل عليه هو معروف أوي ومش غالي :)
غير الاريال بتاع الكاسيت وهيبقة تمام
السلام عليكم
حبيت أشارك
اظن قصدكم على ده
Source ELECTRONIC CAR ANTENNA on m.alibaba.com
ماهو تغيير الايريال هو الحل..
بس مش كل العربيات ايريالها سهل التغيير واحيانا بتحتاج تفك فرش السقف..
واحيانا حسب نوع وموديل العربية مش بتلاقي ايريال زيه اساسا..
فالحل العملي والاسهل هو الايريال الالكتروني ده وكمان أفضل انه فيه دايرة تقوية للاشارة
غير انك كدة كدة بتركبه مخفي جوة التابلوه ولا حد بياخد باله منه ولا كأنك غيرت حاجة :)