ينفع اسافر او اهاجر لأي دولة اوروبية او خليجية وانا حاصل علي الشهادة الاعدادية

**aborawash alam** · 20-09-2014 05:07 PM

انا حاصل علي الشهادة الاعدادية بس قررت اسيب التعليم و اشتغل والحمد لله ربنا كرمني بشغل خاص كويس في مجال الكمبيوتر ويكسب كويس الحمد لله.يا ترا لو فركت اسافر او اهاجر فيما بعد لدولة اوروبية مثلا او خليجية هينفع ولا لازم اكون حاصل علي مؤهل عالي ؟يعني مهم اكمل تعليمي الي مش هعمل بيه حاجة ولا اكبر دماغي .مع العلم اني مشغول علي الاخر ومتزوج .معلومة اخيرة سني صغير علي فكرة 21 سنة .ارجوو من الناس اليها ليها خبرة ترد علية وجزاكم الله خيرا.....

**hitman235** · 20-09-2014 07:08 PM

مافيش قدامك غير الجرين كارد و انت وحظك و دى مالهاش علاقه بالشهاده و بتعتمد على الحظ فقط غير كده لازم مؤهل عالى و تخصص مطلوب كمان
او انك تقدم على هجره لكندا مثلا فى مهن يدويه مطلوبة زى حلاق او فنى لحام او سباك بس لازم تثبت انك اشتغلت الشغل ده قبل كده و ليك خبره فيه

**mr_vampire** · 20-09-2014 08:36 PM

كمل تعليمك قبل مانتدم.

نصيحة لوجه الله

**Ahmed_Rahem** · 20-09-2014 08:56 PM

للهجرة بيحتاجوا شهادة فى مجال العمل - او الخبرة - يعنى انت بتشتغل فى مجال الكمبيوتر، انا واحد معرفكش، اتاكد ازاى من خبرتك، يكون معاك شهادة فى مجال عملك، سواء شهادة جامعية او شهادة مهنية.
عايز تسافر يبقى خبرة عملية فى مجال معين مدعم بشهادة (جامعية او مهنية).

غير كدة هتدور على مهنة يدوية - نجارن سباك، الخ...

**أحمد كمال** · 20-09-2014 09:58 PM

المشاركة الأصلية كتبت بواسطة hitman235

مافيش قدامك غير الجرين كارد و انت وحظك و دى مالهاش علاقه بالشهاده و بتعتمد على الحظ فقط غير كده لازم مؤهل عالى و تخصص مطلوب كمان
او انك تقدم على هجره لكندا مثلا فى مهن يدويه مطلوبة زى حلاق او فنى لحام او سباك بس لازم تثبت انك اشتغلت الشغل ده قبل كده و ليك خبره فيه

قرعة الجرين كارد لازم ثانوية عامة عالاقل

**zorg** · 20-09-2014 10:17 PM

بص بقى من بحثى عشان انا بقالى سنين ببحث
انتا بتتكلم عن هجرة يبقى تنسى الخليج الخليج عندهم انتا تيجى تشتغل تاخد فلوسك ومع السلامة و القلب داعيلك
نتكلم عن كندا واستراليا واوروبا
من الاخر انتا مذكرتش انتا شغال ايه فى الكمبيوتر بس من بحثى فى الموضوع ده عشان تهاجر لازم عرض عمل واغلب الشركات هناك بتطلب انه يكون معاك بكالريوس مش دبلومة وانتا لامعاك ده ولاده يعنى مفيش غير اعدادية
وكان فيه واحد هندى عنده خبرة 9 سنين فى مجال الit ومش عارف يروح بسبب فكرة انه مش معاه مؤهل عالى
وواحد فلبينى صديق ليا اعرفه لسة بيحاول
وخلى بالك ان كل الجنسيات بتقدم مش انتا وحدك فهما ايه يجبرهم عليك
اوروبا نفس الحكاية
طيب الحل ايه قدامك؟
مفيش غير الاستثمار - الاستثمار اما فى شرق اوروبا او جنوب شرق اسيا
دول شرق اوروبا اللى فى الاتحاد الاوروبى مش جنة بس فى الغالب بتطلب استثمار اقل من غرب اوروبا وكندا وكده الحل انك تروح تستحمل كام سنة لحد ماربنا يكرمك بالجنسية او اقامة دائمة وتتفتح لك ابواب دول تانية انضف او تعجبك الدولة اللى انتا روحتها وتستقر فيها
الحل التانى دول جنوب شرق اسيا هتبقى ارخص فى الاستثمار عن شرق اوروبا
---
الحل الاخير انك تبقى فنى محترم فى حرفة مطلوبة وتثبت خبرة وتجيب عرض عمل وساعتها تقدم هجرة
--
الحل الباقى الدراسة وده اعتقد انه هيبقى معقد بالنسبة لك

**أحمد كمال** · 20-09-2014 10:30 PM

المشاركة الأصلية كتبت بواسطة hitman235

حضرتك صح انا تقريبا نسيت الشرط ده انا فاكر انها مش شرط مؤهل جامعى بس انا ما دققتش فى الحد الادنى بس عموما الشهاده الجامعيه ما تفرقش انا مهندس و اعرف مهندسين زمايلى قدموا بقالهم 5 سنين و اتفقوش لأن الموضوع كله حظ

أيوة بس لو كسبت و طلعت غير مطابق للشروط المطلوبة بتاخد كتف و بيدخل واحد من الاحتياطي مكانك

**Mohamedxx1** · 20-09-2014 11:32 PM

المشاركة الأصلية كتبت بواسطة mr_vampire

كمل تعليمك قبل مانتدم.

نصيحة لوجه الله

+1

الموضوع: ينفع اسافر او اهاجر لأي دولة اوروبية او خليجية وانا حاصل علي الشهادة الاعدادية

LinkBack

أدوات الموضوع

عرض

-

-

-

المواضيع المتشابهه

عايز اسافر تركيا ينفع ولا لا؟

ينفع اسافر دلوقتي بالعربية الجديدة من غير نمر ولا لازم تجاري ؟

الموتسكل الهوجن 7 ينفع اسافر بيه 100كيلو كاملين

ينفع اسافر بعربيتي البيتلز اسكندريه بحالتها دي اعمل ايه

حد جرب النزول برا من دولة خليجية؟؟

الكلمات الدلالية لهذا الموضوع

المفضلات

المفضلات

ضوابط المشاركة