| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 11

  1. #1

    الصورة الرمزية ahmed_su

    رقم العضوية : 9524

    تاريخ التسجيل : 25Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي الوصايا العشر لشراء سيارة في مصر! - Facebook Twitter whatsapp انشر الموضوع فى :

    hasad">

    الوصايا العشر لشراء سيارة في مصر!

    بالرغم من أنه «لا خاب من استشار» فإن هذه القاعدة ثبت فشلها في مصر لأكثر من سبب، أولها أننا شعب يعشق إصدار الفتاوي تحديداً في الأمور التي يجهلها، وثانيها أننا نخطئ كثيراً في اختيار من نستشيره حيث نحرص علي استشارة كل من هب ودب إلا المتخصصين، والسبب الثالث هو أن كل شخص يعتبر نفسه «فاهم في كل حاجة» ومن رابع المستحيلات أن يخذلك عندما تستشيره ويقول لك «ما أعرفش».

    ينطبق هذا الكلام علي معظم الأمور في حياتنا اليومية، فإصدار الفتاوي عن جهل يبدأ بالصحة ويمر بالسياسة والاقتصاد وكرة القدم ولا ينتهي عند شراء سيارة جديدة.


    في البداية يسأل الراغب في الشراء كل من يمر بهم ويبدأ في جمع فتاوي وآراء ونصائح أقل ما يقال عنها أنها مضللة، وتزيده هذه الفتاوي حيرة وتخبطاً ليدخل في مرحلة الشد العصبي حيث يفاجأ بفتاوي جديدة من نوعية» الحق هات لك عربية علشان أنا سمعت إن العربيات هتغلي الشهر الجديد» ومع ازدياد الضغط العصبي يدخل المشتري في مرحلة التبلد بعد أن يطارده كل من سبق أن طلب رأيهم بتعليق» هو أنت لسه ما جبتش العربية»!! خلال هذه الفترة يكون المشتري قد استمع للوصايا العشر التي يقدمها له الجميع والتي قد يقوده الالتزام بها إلي التراجع عن الفكرة..

    - قائمة العيوب.. وهي تضم كل العيوب الموجودة في السيارات المتداولة في مصر، الطريف أن هذه العيوب تتنقل عبر الأفواه بنفس تكنيك الشائعات، فالشخص الذي يحدثك عن عيوب السيارات الصينية لم يقد في حياته سيارة صينية واحدة لكنه عرف عيوبها من شخص آخر غالباً هو أيضاً لم يسبق له أن استقل واحدة.


    سيقولون لك إن العربيات الكوري خفيفة ولا تحتمل الحوادث، وسيقولون لك إن السيارات ال 4*4 اتزانها ضعيف علي الطرق السريعة، وسيقولون لك إن السيارات اليابانية قطع غيارها غالية، والألمانية قطع غيارها بتسخن بسرعة، وهناك سيارة تكييفها ضعيف، وهناك سيارة أصحاب توكيلها «حرامية»، وهناك سيارة عيبها أن شنطتها صغيرة، وهناك سيارة عيبها أن «شكلها سيارة حريمي»، وهناك سيارة عيبها أنها «عربية ورق لو خدت خبطة خفيفة هتطبق كلها» وهناك سيارة عيبها «إنها متجمعة في مصر»، وهناك سيارة عيبها إنها «ناشفة شوية»، وهناك سيارة عيبها «إنها بتاكل بنزين ».

    وهكذا تبدأ رحلة البحث عن سيارة بالاستماع إلي جميع أنواع العيوب الموجودة في السوق، ليستقر في يقينك أن كل السيارات التي تمتلئ بها شوارع القاهرة «معيوبة» وأن كل سائقيها في خطر وأن هناك احتمالاً وهو أن تتعرض لعملية نصب إذا فكرت في شراء سيارة جديدة.

    يغيب عن بالك أن حركة شراء كل هذه السيارات المعيوبة لا تتوقف بل في ازدياد وتعتقد أنك أذكي شخص في القاهرة لأنك «لحقت نفسك قبل ما تتدبس في عربية بتاكل بنزين أو تكييفها ضعيف أو قطع غيارها غالية»، ويغيب عن بالك أيضاً أنه لا توجد سيارة كاملة وإلا لتحولت مدينة الحرفيين إلي مدينة مهجورة من زمان!


    2- خد بالك ليضحكوا عليك... يستفزك الناصحون بهذه الجملة لتتحول بعدها إلي مريض بالوسواس القهري يدخل معارض السيارات وبداخله يقين أن أصحاب المعارض مسجلون خطر في مباحث مكافحة جرائم النصب.

    وأهم ما يقصده الناصحون بجملة «خد بالك» هو خد بالك من موديل السيارة الجديدة لأنه توجد موديلات مصنعة للخليج وأخري لمصر، والموديلات الخليجية أرخص سعراً لأسباب يشرفني أن أقول أنني «ما أعرفهاش»، وتمييز الموديل الخليجي من المصري قد يصعب علي المواطن العادي من الوهلة الأولي لكنه «موضوع ما يستخباش»، حيث إن كل سيارة لها ملف مسجل به كل مواصفاتها ويكفي أن تسأل صاحب المعرض وسيقدم لك إجابة يستحيل تزييفها.

    نصيحة التمييز بين الموديل المصري والخليجي أشبه بنصيحة «خد بالك ليبيعوا لك الشقة علي أنها علي الكورنيش وهيا جوه ».

    - بلاش الألوان الميتاليك... هذه نصيحة من شخص لم يجد ما يقوله لأنه لا يفهم في السيارات لكنه يود أن يظهر وكأنه يفهم في الألوان، فيردد مقولة استمع إليها في طفولته وترسخت في وجدانه وهي أن «الألوان الميتاليك بتحرر، أو أن الدهانات الميتاليك بها مادة «لا يعرف اسمها طبعاً» وهذه المادة تمتص أشعة الشمس بقوة.


    - بلاش تشتري في أول الصيف... وبلاش تشتري بعد الصيف... وهذه نصيحة للشخص الذي يفكر في شراء سيارة مستعملة، والنصيحة بعدم الشراء قبل الصيف سببها ارتفاع أسعار السيارات في هذه الفترة مع بدء الإجازات ورجوع المصريين من الخليج وارتفاع نسبة السفر للمصايف، هذا الرواج يرفع أسعار السيارات وبناء عليه تستمع إلي نصيحة استني لما الصيف يخلص.

    وتستمع في الوقت نفسه إلي نصيحة مضادة وهي «بلاش تشتري بعد الصيف» والسبب هو ارتفاع نسبة الحوادث في الصيف وأن «أغلب الناس بتتقلب بيهم العربيات وهما راجعين من المصيف» وبعد هذه الحوادث يقوم الناس باصلاح السيارات «أي كلام» وإعادة بيعها، لذلك ينصح بعدم شراء سيارة بعد الصيف لأنها غالباً ما تكون «مخبوطة ومرشوشة»، هذا بخلاف أن شهور الصيف تهلك السيارة!

    وملخص النصيحتين السابقتين نصيحة ثالثة وهي أن أنسب ميعاد لشراء سيارة في مصر هو «ليلة رأس السنة ».

    - لازم ترفعها في البنزينة... وهي نصيحة بديهية يتم تقديمها لك إذا فكرت في شراء سيارة مستعملة، وسيقدمها لك الجميع بداية من البواب مروراً بزميلك في العمل نهاية بصاحب السيارة التي ستشتريها منه «خدها بنفسك وارفعها في أي بنزينة»، وسيتم رفع السيارة أمامك وأنت تقف كفرس النهر لا تفهم شيئاً، أما الشخص الذي قام برفعها فهو مجرد عامل في محطة البنزين «مش دكتور عربيات يعني» ولن يقدم لك معلومة مفيدة أكثر من أن السيارة سليمة «بس هيا عايزة شوية شغل»، لتعود إلي صاحب السيارة الأصلي وتعيد عليه ما قاله لك العامل دون أن تغير هذه الرحلة «بكل ما فيها من رفع» شيئاً في الصفقة.

    - ما ترفعهاش في التوكيل... نصيحة إضافية يقدمها لك صاحب النصيحة السابقة وإذا سألته عن السبب سيقول لك بدون تردد« أصل التوكيل حرامية ».

    7- لازم تسوقها... نصيحة يشدد عليها قائلها وينبهك إلي أهمية أن تقود السيارة التي ستشتريها بنفسك لتعرف عنها كل شيء، إذا افترضنا صحة ما يقوله وإن تجربة السيارة ستجعلني أعرف عنها كل شيء فهذا يعني أن السيارة التي أفكر في شرائها لابد أن أظل أجربها لمدة لا تقل عن ستة أشهر «وبرده مش هاعرف عنها كل شيء... إذا كانت الناس بتتخطب بالسنتين والتلاتة علشان يعرفوا بعض... أنا هاعرف العربية كويس لما أجربها نص ساعة ؟!».

    الشيء الوحيد الذي يمكن أن تجربه في النصف ساعة المتاحة أمامك هي أن تجرب «هل بتعرف تسوق ولا لأ ».

    8- أهم حاجة أن الـResale بتاع العربية يكون كويس، والـ Resale هو إعادة بيع السيارة، وينصحك الأصدقاء بأهمية أن تشتري سيارة تستطيع أن تبيعها بعد قليل «علي أساس إنك بتغير عربية كل أسبوعين ».

    ونظرية الـResale الهدف منها أن تحقق أكبر مكسب ممكن عند إعادة بيع سيارتك «يعني تجيب عربية وتستعملها وتحرقها مشاوير وتستمتع بيها ولما تبيعها تكسب كمان» وهي فكرة إن صحت يصح معها إلغاء فكرة نفقة المتعة.

    9- روح سوق الجمعة أو هات الوسيط أو شوف ملحق السيارات بتاع الأهرام... وهي أضعف نصيحة يقدمها لك شخص تخبره بأنك تفكر في شراء سيارة، وهي نصيحة يمكن الرد عليها بجملة واحدة «كانت تايهة عني فين الفكرة دي ؟!».

    10- قائمة ال «بلاش» الثانية... وتضم «بلاش الكابروليه» علشان مش من عاداتنا، و«بلاش الأتوماتيك» علشان بيسخن العربية، و«بلاش المانيوال» علشان البلد بقت زحمة وبنمشي بالبطيء والدبرياش هيدمرلك مفصل الفخد، و«بلاش عربية واطية» علشان أي غطا بلاعة هيدمرلك «كرونة الزيت»، و«بلاش الألوان الفاتحة» علشان بتلم تراب، و«بلاش الألوان الغامقة» علشان الشمس عندنا بتخليها تبهت، و«بلاش تشتري من المعارض» علشان الأقساط عليها فوايد جامدة، و«بلاش تشتري من التوكيل» علشان حرامية، و«بلاش تشتري مستعمل» علشان المستعمل هيتعبك، و«بلاش تشتري زيرو» علشان البلد عندنا ما ينفعش فيها غير المستعمل.

    ملحوظة: بدأت رحلة البحث عن سيارة جديدة في نهاية 2007، صحيح أنني لم أوفق حتي هذه اللحظة في شراء سيارة لكنني علي الأقل وُفِقَت في كتابة هذا المقال.

    مقال لعمر طاهر - الدستور الاسبوعى

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  2. #2

    الصورة الرمزية amirhamed

    رقم العضوية : 9495

    تاريخ التسجيل : 24Apr2008

    المشاركات : 805

    النوع : ذكر

    الاقامة : Cairo

    السيارة: daewoo lanos 2008

    السيارة[2]: Daewoo lanos 2008

    دراجة بخارية: لايوجد

    الحالة : amirhamed غير متواجد حالياً

    افتراضي -

    بصراحة عندك حق في كل كلمة.
    دا زي مايكون حضرتك كنت معايا وانا بسمع النصائح دي قبل ما جيب العربية.


  3. #3

    الصورة الرمزية marsguy

    رقم العضوية : 1432

    تاريخ التسجيل : 14Jul2007

    المشاركات : 1,444

    النوع : ذكر

    الاقامة : Egypt

    السيارة: none

    السيارة[2]: Renault Fuence

    دراجة بخارية: none

    الحالة : marsguy غير متواجد حالياً

    افتراضي -

    الكلام ده واقعي جداً وأنا شخصياً مريت بيه وعشان كده قعدت أدور على عربيه لمدة سنه ونصف.

    انا كمان عاوز أفتي وأقولك "بلاش تجيب عربيه لو إنت مش محتاجها بنسبة 100%" قضيها تاكسي أو تاكسي العاصمه وما تقلقش على المصاريف.

    عشان برضه مصاريف العربيه المستعمله كتير.

    محمد سعيد
    "No act of kindness is ever wasted"


  4. #4

    الصورة الرمزية lolly136

    رقم العضوية : 12441

    تاريخ التسجيل : 07Jun2008

    المشاركات : 1,107

    النوع : ذكر

    الاقامة : nasr city

    السيارة: sunny 2005 / rio 2006

    السيارة[2]: cerato 2009 old shape

    الحالة : lolly136 غير متواجد حالياً

    افتراضي -

    wlahy msh 3rfa a2olak aih


    lazem ns2f kolena

    klam ra2e3 we wak3y


  5. #5

    الصورة الرمزية TaoTao

    رقم العضوية : 197

    تاريخ التسجيل : 25Apr2007

    المشاركات : 1,377

    النوع : ذكر

    الاقامة : Sheikh Zayed

    السيارة: كيا برايد سيدان

    السيارة[2]: Fiat Uno 45 (1997)

    دراجة بخارية: No

    الحالة : TaoTao غير متواجد حالياً

    افتراضي -

    مقالة جميلة جداً .. فعلاً الخبراء موجودين في كل حتة ومابيبخلوش علينا بخلاصة خبراتهم العميقة يعني تقول لواحد من الخبرا "أنا شفت عربية سيتروين Zx عجبتني كانت للبيع" يسألك "هي سيتروين دي إيه؟" تقوله "شركة فرنسية" يروح يديك خلاصة خبرته وعساره أفكاره وأبحاثه "بلاش الفرنساوي عشان قطع غياره غالية" كدة مرة واحدة وفوراً يديك القرار والنصيحة. مايعرفش أساساً شركة سيتروين ويجرؤ على إعطاء نصيحة .. (الحوار بحذافيره تم معي والنصيحة وُجهت لي شخصياً :))

    ده غير إن كل واحد له وجهة نظر غير التاني .. السوق كله تجار .. لأ فيه ناس عاوزة تبيع .. السوق لربط السعر .. وفيه ناس مستعجلة وممكن توقع عربية كويسة .. عربياته مقلوبة .. بس ممكن تاخد معاك سمكري .. السمكري أهم عشان أساسات العربية .. لأ الميكانيكي عشان حالة الموتور ..

    لغاية ما الواحد دماغه تلف ويصرف نظر أو يشتري أي عربية والسلام .. الواحد يقرا ويقيم بدماغه ومايرميش ودانه غير لخبير زي رجالة نايل موتورز كدة :)

    تامر حسين


  6. #6

    الصورة الرمزية calipha3

    رقم العضوية : 2481

    تاريخ التسجيل : 06Oct2007

    المشاركات : 452

    النوع : ذكر

    الاقامة : بلد المليون توكتوك

    السيارة: T90

    السيارة[2]: T54

    دراجة بخارية: هههه

    الحالة : calipha3 غير متواجد حالياً

    افتراضي -

    كلام ميه ميه كل بيفتي بعلم او بدونه عشان بس ميصحش يقول مخبرش وهو شره ايه حاجه ولو حتي عروسه عامل زي شراء البطيخ لحمره لقرعه :wacko:

    الجهل اساس الحكم
    و إحنا أسفين يا فلوطة ......


  7. #7

    الصورة الرمزية shanodaa

    رقم العضوية : 11479

    تاريخ التسجيل : 25May2008

    المشاركات : 1,211

    النوع : ذكر

    الاقامة : العاشر من رمضان

    السيارة: لانوس 2008

    السيارة[2]: فيات 132 1975

    دراجة بخارية: لا

    الحالة : shanodaa غير متواجد حالياً

    افتراضي -

    كنت فين من زمان دخلت المعرض عجبتني السياره من كلام البائع دفعن ركبت ومشيت


  8. #8

    الصورة الرمزية mazagngi2010

    رقم العضوية : 14582

    تاريخ التسجيل : 11Jul2008

    المشاركات : 3,804

    النوع : ذكر

    الاقامة : Zagazig-Mariotia

    السيارة: LANCER 1998

    السيارة[2]: MAZDA323-ِALFAROMEO146

    دراجة بخارية: لاحول ولا قوه الا بالله

    الحالة : mazagngi2010 غير متواجد حالياً

    جروب مالكى وعاشقى لانسر كريستاله
    https://www.facebook.com/groups/lancer.egypt.1996.2000/


  9. #9

    الصورة الرمزية ahmed_su

    رقم العضوية : 9524

    تاريخ التسجيل : 25Apr2008

    المشاركات : 6,381

    النوع : ذكر

    الاقامة : Cairo

    السيارة: Tempra_1996

    السيارة[2]: Cerato _2008_Auto

    دراجة بخارية: NO

    الحالة : ahmed_su غير متواجد حالياً

    افتراضي -

    اقتباس المشاركة الأصلية كتبت بواسطة mazagngi2010 مشاهدة المشاركة
    معلش ياباشا مشفتش الموضوع والسيت بتاع الدستور كان واقع باستمرار علشان اجيب الموضوع :D

    Eng.Ahmed Ismail


    You Can't Never Ever to Keep a Nice Car in This Country....!!! S.O.S
    [sor2]http://www.wasit.net/alrowad/images/hit.gif[/sor2]

    كل شيء عن السيراتو

    _______________
    اللهم إن في تدبيرك مايُغني عن الحِيَل، وفي كرمك ماهو فوق الأمل، وفي حلمك مايسد الخلل، وفي عفوك مايمحُو الزلل..


    اللهم فبقوة تدبيرك وعظيم عفوك، وسعة حلمك ,وفيض كرمك، أسألك أن تدبرني بأحسن التدابير، وتلطف بي وتنجيني، مما يخيفني ويهمني..

    اللهم لا أضام وأنت حسبي، ولا أفتقر وأنت ربي، فأصلح لي شأني كله ولا تكلني إلى نفسي طرفة عين ولا حول ولاقوة إلابك


    ______________________
    [shfaf2]http://www7.0zz0.com/2011/11/29/23/575740455.gif[/shfaf2]


  10. #10

    الصورة الرمزية fekriano

    رقم العضوية : 6734

    تاريخ التسجيل : 02Mar2008

    المشاركات : 32

    الحالة : fekriano غير متواجد حالياً

    افتراضي -

    hasad">

    سبحان الله نفس اللي حاصل معايا و انا بدور على سياره من السنه اللي فاتت و عدا عليا كل ده و زيد عليه كمان واحد قاللي هات عربيه لانسر عشان تتديها لبتاع تأجير سيارات بس ده كان غبي وفي واحد فاللي هاتها بأير باج وواحد قاللي الأعمار بيد الله واحد قاللي هاتها بأيه بي اس وواحد قاللي متجريش أحسن واحد قاللي هات عربيه فخمه وواحد قاللي أي حاجه بأربع عجلات وواح قاللي هات موتسيكل رييس بس بصراحه أنا مقتنه بالبيجوو 307 بس شكلي مش هجيبها غير من فلوسي لأن أبويا متردد أكتر من أ] حد في الدنيااا



 
صفحة 1 من 2 1 2 الأخيرةالأخيرة

المواضيع المتشابهه

  1. الوصايا العشر لشراء سيارة في مصر !
    بواسطة mazher_m في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 24-07-2012, 01:07 AM
  2. الوصايا العشر لشراء سيارة في مصر
    بواسطة S.S.E في المنتدى فــــيات
    مشاركات: 19
    آخر مشاركة: 02-02-2009, 02:05 AM
  3. الوصايا العشر لشراء سيارة في مصر
    بواسطة mohd_k7 في المنتدى بيـــع و شــــراء
    مشاركات: 18
    آخر مشاركة: 09-01-2009, 08:02 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2