الاحلال، فرصة ذهبية لمن يملك مبلغ قليل ويريد ان يمتلك سياره

**sab3aawy** · 25-10-2008 01:14 PM

الاحلال، هو سحب لوحة الأرقام الموجودة على سيارة تاكسى قديمة ووضعها على سيارة على الزيرو

يتم فتح هذا الباب بين حين وآخر لتجديد دم سيارات التاكسى فى القاهرة ، وحاليا باب الاحلال مفتوح على مصراعيه والاحلال شغال زى النار بسبب المهلة ل3 سنوات لسيارات التاكسى موديلات ماقبل 1985 للاحلال بسيارات جديدة

كيف يتم السيناريو، يقوم من يريد احلال سيارته التاكسى بسيارة زيرو باستبدال لوحات الأجرة الخاصة بها بلوحات ملاكى من خلال المرور مع الحصول على لوحات الأجرة مرة اخرى لوضعها على سيارة زيرو، اما ما يحدث حاليا فهو ان كثيرين من السائقين ممن لا يستطيعون احلال سياراتهم التاكسى يبيعون سياراتهم بسعر يزيد عن سعر السيارة المستعملة بحوالى 20 ألف جنيه(وهذة ال20 ألف جنيه هى القيمة السوقية للوحات الأجرة حاليا) فيشتريها مشترى لكى يحصل على لوحاتها ليعلقها على سيارة زيرو، ويعيد طرح السيارة القديمة للبيع بلوحات ملاكى ، ونظرا لانتشار هذة الظاهرة حاليا فان سيارات ما قبل 1985 مطروح منها كميات كبيرة باسعار زهيدة، صحيح انها سيارات تاكسى وطلعان عينها لكن وجود هذة السيارات ضغط على سعر المستعمل فى فئة تحت 30 ألف، حتى ما كان منها ملاكى طول عمره، فانا رأيت فى الاسبوعين الماضيين سيارات 128 تباع ب 12 ألف وب 13 ألف و15 ألف ، وبولونيز ب 14 ألف ، و 131 ب 19 ألف

انا شايف ان دى فرصة لمن يريد البداية بأية سيارة انه ممكن يحصل على سيارة بسعر معقول فى الفترة الحالية بدلا من جنون اسعار المستعمل الذى شهدناه فى الفترة السابقة

**GoldenManEye** · 25-10-2008 01:51 PM

يا ترى القانون ده هيطبق على الميكروباصات الأجرة!

يعنى المكروباص قبل 85 مينفعش يترخص؟ ولو مينفعش هيتباع إزاى؟

يعى التاكسى يتقلب ملاكى .. طيب الميكروباص يتقلب إيه!!

**shanodaa** · 25-10-2008 02:28 PM

المشاركة الأصلية كتبت بواسطة GoldenManEye

يا ترى القانون ده هيطبق على الميكروباصات الأجرة!

يعنى المكروباص قبل 85 مينفعش يترخص؟ ولو مينفعش هيتباع إزاى؟

يعى التاكسى يتقلب ملاكى .. طيب الميكروباص يتقلب إيه!!

الحكومه تعتبر التاكسي وسيله رفاهيه
لكن الميكروباس وسيله ذل
والاتوبيس وسيله اعدام

**ibrahimsaad** · 25-10-2008 02:58 PM

كلام حضرتك مضبوط ياباشمهندس سبعاوى

لكن كده الملاكى اصبح كثير وده هيبخس اسعار اللى عاوز يبيع علشان يجيب زيرو

طب واللى عايز يبيع بقى من اصحاب الملاكى يرمى عربيته ولا يعمل ايه فى هذه الحاله ؟

**Abdm** · 25-10-2008 03:10 PM

أنا شايف يا جماعة نحاول نتريس شوية ونهدى عند بيع أى سيارة مستعملة الآن لغاية ما الآوضاع تتظبط والموجة دى تعدى ولا انتوا أية رأيكم .

**ibrahimsaad** · 25-10-2008 03:52 PM

المشاركة الأصلية كتبت بواسطة Abdm

أنا شايف يا جماعة نحاول نتريس شوية ونهدى عند بيع أى سيارة مستعملة الآن لغاية ما الآوضاع تتظبط والموجة دى تعدى ولا انتوا أية رأيكم .

هو ده عين العقل

فربما يحدث بالامور امور وبعد البيع مانقدرش نعوض او حتى نجيب زيرو وخصوصا ان الحاله العالميه ضبابيه اللون

**ams** · 25-10-2008 05:05 PM

الفرصه دلوقتى فعلا بيجو 504

**gade2** · 25-10-2008 08:38 PM

خير خير يبقى اخيرا هاشترى عربيه وانا فى الجامعه احمدك يارب

**Osama_soliman** · 25-10-2008 11:47 PM

ده فعلاً حقيقى

ليا ناس اصدقائى منهم من باع 15 ألف و12 الف وربما اقل

**limo** · 26-10-2008 06:45 PM

بوادر القانون الجديد للمرور الخاص بتحديد سنه موديل التاكسى بداء بوادره تظهر
الفرنا بقت كتير جدا فى مجال التاكسى
شوفت عربيه تويوتا كورولا 2007 تاكسى ابيض واسود فى وسط البلد
ومن يومين شوفت عربيه اوبترا فى مدينه نصر ابيض واسود وفى نفس اليوم بليل شوفت عربيه صنى تاكسى ابيض واسود فى مدينه نصر
الافيو والسيراتو والنيو اكسنت بقيت اشوف منهم برضو تاكسى
شكل العربيات ده كلها يشرف فعلا بدل العربيات العتيقه الى كانت عندنا

الموضوع: الاحلال، فرصة ذهبية لمن يملك مبلغ قليل ويريد ان يمتلك سياره

LinkBack

أدوات الموضوع

عرض

الاحلال، فرصة ذهبية لمن يملك مبلغ قليل ويريد ان يمتلك سياره - انشر الموضوع فى :

-

-

-

-

-

المواضيع المتشابهه

نصيحه هامه جدا لكل من يملك سياره مكيفه

فرصة لك من يملك الرانجلر الأمريكانى

فرصة ذهبية وبالتقسيط....

فرصة ذهبية وبالتقسيط....

الكلمات الدلالية لهذا الموضوع

المفضلات

المفضلات

ضوابط المشاركة