هى كل عدسة يركبلها زينون ؟ لأ .. امال اية ؟
بسم الله الرحمن الرحيم
اللى خلانى اكتب الموضوع دة
انى نفسي ادية لكل واحد مركب زينون في مصر مش على عدسة مخصوص للزينون او حتى رمية في اى فانوس ومنور حوالية كأنة انفجار ضوئي بيحصل.
انتم عارفين يا جماعة ان بلاد برة .. اللى بيركب زينون كدة زيينا مش على مواصفات بيتحبس ؟
ارجوكم محدش يقول اصل البلد كلها غلط ومش موفرة نور فأحنا نعمل اية
ارجوكم الكلام دة غلط ... وحتى الناس اللى ساكنة برة في الارياف وساكنة في الجبل لما بييجوا يركبوا بيركبوا صح وعلى اسس
والكلام دة نقيسة على كل حاجة في حياتنا ... مش لازم البلد او الحكومة تدينا بالمعلقة كل حاجة .. لو في ايدينا نعمل الصح يبقي نعملة مش في ايدينا يبقي بلاش نعمل الغلط
صح ولا اية
المهم .. تخيل انك عالطريق و اللى جى فاقع الزينون في عينيك ذى كدة
http://nileup.com/up/uploads/nilemotors_14112305241.jpg
http://nileup.com/up/uploads/nilemotors_14112305242.jpg
الكام ثانية اللى هو عدى فيهم عماك تماما غير بعد ما يعدى كمان عينيك بتاخد فترة علي ماتتعود
تخيل انك سايق على 100 وغمضت عنيك 10 ثوانى ... ربنا يستر
الخواجات عملوا اية ؟ عملوا عدسة حتى للمبات العادية ... عشان حتى اللمبات العادية لا تؤذى احد
في عربيات كتير ومن زمان بتنزل بالعدسة الهالوجين دى
ذى الكارينز والسيراتو و الريو والالنترا .....
ودى اسمها
Halogen Projector Lens
http://nileup.com/up/uploads/nilemotors_14112306391.jpg
و دة نورها
http://nileup.com/up/uploads/nilemotors_14112349371.jpg
http://nileup.com/up/uploads/nilemot...112306392.jpeg
و دة من غير عدسة وواضح جدا التشتت والانعكاسات
http://nileup.com/up/uploads/nilemotors_14112307421.jpg
لية العدسة جميلة
لأن فيها حاجة اسمها Cut Off Line
اية الكت اووف لاين ؟ ذى واقي جوة العدسة بيمنع الضوء يطلع لفوق ويدخل مباشرة في عينيك ويعميك
غير ان العدسة نفسها لمة الضوء كله في الدايرة الصغننة دى ومجمعاة عالارض قدامك
يعنى مفيش تشتيت او ضوء ضايع ولا في نور يعميك ولا فية فقد لقوة النور
بالبلدى كدة بتاخد كل قوة اللمبة عالارض قدامك.
الفكرة ان كل لمبة لها تصميم ... وتصميم الهالوجين غير تصميم لمبة الزينون
وبالتالى حجم عدسة الهالوجين مختلفة عن الزينون
و ال cut off line في الهالوجين مختلف برضوا عن الزينون.
فكمثال دة مثلا نور الزينون على عدسة مخصصة للزينون
واسمها
HID projector Lens
http://nileup.com/up/uploads/nilemotors_14112340471.jpg
حتلاقي ال كت اووف لاين
واضح جدا هنا
شوف الحيطة فوق الضوء وتحت الضوء ... النور كل قوتة متركزة كلها فى الحتة اللى انت عايزها
مفيش هدر للقوة مفيش تشتييت للضوء كل نور لمبتك متركز فى المكان الصح
دى صور العدسة عندى في الجراج بالليل
نشوف بقي الصورة دى
http://nileup.com/up/uploads/nilemotors_14112340472.jpg
هنا انا ملون بايدي الحتت اللى المفروض بيكون المواجهة لك جي فيها
كلها ضلمة ! وبالتالى هو شايف كويس جدا ومرتاح ولو في عائق يقدر يتجنبة في سلام.
طب اية اللى يحصل لو ركبنا الزينون في عدسة مخصصة للهالوجين ؟!! ذى ما معظم الناس اليومين دول مركبين
حيحصل كدة
http://nileup.com/up/uploads/nilemotors_14112342941.jpg
http://nileup.com/up/uploads/nilemotors_14112342942.jpg
تشتيت موجود .. لان تصميم اللمبة مختلف ...
عشان كدة لما تيجي عربية نازلة بزينون فابريقة ذى الباسات البي ام مرسيدس مثلا
انت بتبص فيها وبتبقي مبسوط وتقول اية الجمال دة
ولو جة واحد مركب زينون في سيراتو الجديدة او الريو الجديدة ام عدسة بتحس برضوا بازعاج
الفكرة مش ماركة عربية
الفكرة ان الزينون دة راكب في عدسة مخصوصة لة
وان الزينون دة راكب في عدسة مش بتاعتة اصلا ... عشان كدة برضوا بتحس بازعاج
عشان بقي اوصل لحد الكت اووف بتاع العدسة المخصوصة للزينون . . وقفت قدام العربية عشان اشوف امتى النور بتاعي حيعمي اللى جى في المقابل
فضلت اوطي لحد ما نزلت علي ركبي و بقي مستوي نظري تحت العدسة
يعني لو عملت خط مستقيم straight line من مستوي نظري حيبقي الخط ماشي لحد كلمة مصر اللي في لوحة النمر.
لية بقول كدة ... عشان لو الطريق غير مستو .. مطلع مثلا و اللي جي نازل و الضوء جة علي وشة
برضوا مش حتعمل glare لعينية ... لان اخر او limit ال cut off لازم تبقي العدسة نفسها فوق مستوي نظرة ... مش ال light beam كمان
.
.
اتمني تكونوا استفدتم من الكلام دة .... و تحاولوا تفهموا غيركم ... انة يحاول يركب عدسة صح و نور صح
خصوصا ان العدسة المخصوص للزينون دلوقتى رخيصة جدا ولكل انواع اللمض والعربيات.
http://nileup.com/up/uploads/nilemotors_14112347071.jpg
والف شكر للمتابعة...
