كنت عاوز اخد رأيكوا يا جماعة في العربيتين دول
نيسان سنترا 2014 هاي لاين
هوندا سيتي 2014 هاي لاين
مين فيهم افضل من حيث الاداء و الاعتمادية و مدى جودة خدمة ما بعد البيع
و ياريت لو حد جرب واحدة فيهم يقول رايه بحيادية
و لكم جزيل الشكر مقدما
عرض للطباعة
كنت عاوز اخد رأيكوا يا جماعة في العربيتين دول
نيسان سنترا 2014 هاي لاين
هوندا سيتي 2014 هاي لاين
مين فيهم افضل من حيث الاداء و الاعتمادية و مدى جودة خدمة ما بعد البيع
و ياريت لو حد جرب واحدة فيهم يقول رايه بحيادية
و لكم جزيل الشكر مقدما
بص أنا حتي الاّن ماشفتش سنترا خالص ماشية في الشارع ... اّخري كان في معارض لما عملتلها الدرايفنج تست ... أعتقد السيتي أحلي و أحسن في كل حاجة و لكن الوسع في صالح السنترا
هية المفروض السنترا نازلة تنافس السيفيك مش الستى
بس بما ان السعر متقارب هية دخلت معاها فى المقارنة
ولسة العربيتين جداد فى السوق ومحدش جربهم , انة يديك عنهم انطباع تقدر تبنى على قرارك
استنى شوية , لحد مالعربية تبدأ تنتشر
السينترا حجم و وسع افضل
أعتقد إن هوندا سيتى الشكل الجديد الموجود حاليا موديل 2014
مش موديل 2015 وده اخر موديل فعليا موجود ونزل مصر غالبا من شهرين بس
وانا شوفت العربيه فى الفطيم فى التجمع الخامس ومندوب المبيعات اكد لى انها موديل 2014
وده معروف عن الهوندا تحديدا بينزلوا موديل السنه دايما متأخر .
وحابب تتأكد ممكن تكلم التوكيل على الرقم المختصر 19811
وبدون أى تأثير منى على إختياراتك ومقارنتك
الهوندا عربيه إعتماديه ولها طابع مميز مش هتحس به غير لما تركب هوندا
أنا معايا سيتى موديل 2008 الشكل القديم او قبل القديم كمان على اعتبار ان فى شكلين دلوقتى بعدها
بما فيهم الشكل الجديد الحالى
وكنت شاريها زيرو و بشكل عام راضى تماما عن إختيارى
أنصحك إنك تنزل تتفرج على العربيه كويس وتقعد فيها وتشوف تقارير عنها ونفس الكلام
بالنسبه للسنترا مع مراعاه انك لازم تحط عامل مهم جدا وانت بتقارن وهو التوكيل
وانا من خلال تجربتى مع توكيل هوندا من 2008 لحد النهارده بقولك توكيل محترم جدا جدا .
وموفق إن شاء الله فى الأختيار
السلام عليكم
حبيت اشارك واحكي تجربتي مع هوندا سيتي 2013
انا في الكويت وفكرت من سنة اشتري سيارة استعملها في الكويت وانزلها بعد 4 او 5 سنين ان شاء الله لفيت كتير على نيسان وتويوتا وكيا ورينو وعملت مقارنات كتير وفي الأخير اشتريت هوندا سيتي 2013 ex السيارة ماشاء الله اعتمادية واقتصادية ومع جو الكويت التكييف ماشاء الله والعزل والسحب عشرة على عشرة وبالنسبة للأبعاد والمساحات الداخلية بس تقل 7 سم في العرض عن السيارات ال 1600 c c وبرغم انها 1500 c c لكنها 118 حصان ده غير ال i vetc ومواتير هوندا معروفه مش محتاجه كلام
اما بالنسبة لسينترا انا عملت test drive بس لقيتها بطيئة في طلعتها وعزمها ضعيف لانها بالرغم من انها 1600 c c لكنها 113 حصان نفس الفلوانس
وربنا يوفقك للإختيار الصائب
متااااااااااااابع
انا بصراحة ميال للسيتي اكتر من السنترا بس حابب برضو اعرف ايه اخبار الفتيس cvt اللي في السنترا و عربيات تانية كتير زي الفلونس و القشقاي و يا تري عزل الضوضاء بيتأثر مع الزمن ويقل عن الاول ولا بيفضل ثابت
أنا أفضل هوندا سيتي
أعتقد السيتى إعتماديه أكتر من السينترا
السينترا موتورها بتاع التيدا مع أن حجم أكبر فأعتقد أن ده ممكن يأثر على السحب.