معلش هتعبكم معايا لو معايا فى حدود 35 او 37 ممكن اجيب عربيه ايه واهم حاجه عندى تكون قطع غيارها مش غاليه وموفره فى البنزين وتكون اعلى من 1100cc اصل انا معايا 128 وعايز اعليها
عرض للطباعة
معلش هتعبكم معايا لو معايا فى حدود 35 او 37 ممكن اجيب عربيه ايه واهم حاجه عندى تكون قطع غيارها مش غاليه وموفره فى البنزين وتكون اعلى من 1100cc اصل انا معايا 128 وعايز اعليها
بس يا باشا انتا عندك في حدود السعر ده
سيت ابيزامن موديل 94
عندك كيا برايد
عندك هينداي ايكسل ولو زودتهم شويه ممكن تجيب اكسنت 98او99
و شوف كدا لو مفيش حاجا منهم عجباك نجبليك تاني و علي حسب استخدامك بردوا و احتياجك ليها
اولا شكرا على ردك بس ممكن صور لو ينفع للعربيات ديه ولو فى عربيات هاتش باك يبقى احسن اصلى بحب العربيات الصغيره وشكرا كتير ليك
شوف سكودا فيليشيا
بجد عربية حمالة أسية
العفو يا باشا احنا اخوات
بس يا باشا كل الي عندك هاتشباك ماعدا الهيونداي و ضيف عليهم :
1- اوبل كورسا من94-99او2000تقريبا
2- سكودا فليشيا بس والله اعلم اعرف ناس كتير بيشتكوا من انها بتسخن
3-ستروين zx عربيه حلوه بس تقيله في اعادة بيعها
الصور إن شاء الله هحاول اجبهالك وانتا بردو حاول تدور عليهم بردو
kia pride sedan
شكرا لمجهودكم الكبير وانا بحاول اتفرج على طول على انواع العربيات وكمان ممكن الميزانيه تفتح لغايه 42 او 43 الف معلش عارف انى تعبك وعلى العموم انا لسا مبتدا فاانا عايز رايك كدا انهى الاحسن وكدا يعنى وربنا يخليكم
لو عايز سيدان أنا بافضل سويفت لأنها عملية جدا و قطعها رخيصة و متوفرة
بما إنك تفضل الهاتشباك
أرشح لك واحدة من التلاتة دول
1- أوبل كورسا
2- سكودا فيليشيا
3- كيا برايد
وأنا شخصيا كان معايا سكودا فيليشيا
ومكانتش بتسخن ولا حاجة
وكانت عربية متينة بصراحة و كنت ببهدلها كتير
شوف أنت مستريح لأى عربية والقرار لك
Hyundai Accent 99 aw 2000 bas haat el1300 CC 3ashaan elsyana bta3etha ar5as
wmashakleha a2al wkol elmechanicya byfhamo fiha
a3taljha takad takooon mon3ademma
bas elmohem tela2y wa7da nedeefa fe3lan
ماتفكرش كتير
اوبل كورسا موديل 95 او 97 1200 سىسى 1 كامه احسن من الفليشيا
معلش دا اخر طلب هو ايه رايكم ف الفيات بونتو عشان ربنا يسهل بقى واختار وشكرا للاهتمام
طالما وصلت43 الف
يبقى لانوس او سيينا مو 99
وبلاش هاتشباك
w fe ibiza model 98 el shakl el gded...w s3raha fe el range ely enta mehadedo
رأيى الشخصى بدام عديت الاربعين يبقى لا نوس
فيها كل الاوبشن الى ممكن تحتاجة.
و لو لسه بتتكلم فى ال35 او 37 يبقى ابيزا 99 فيها تكييف و بور هى حاجاتها غاليه شوية علشان المانى بس اوسع من الكورسا مع حبى و احترامى للكورسا طبعا بس الابيزا اوسع بكتير
الفليشيا طبعا عربيه ليها احترامها و وضعها بس مشكلة حرارة ناس كتير اتكلموا فيها و الدريكسيون تقيل.
اخر حاجة البونتو مسمعتش حد اشتكى منها نهائى :)
شوف يا باشا انا انصحق بالموفره لو كانت مشاويرك بسيطه يعني مش سفر اكتر من 250ك يبقي تعمل زي ما انا عملت انا جيبت ماتيز 99 فابريقه بالكامل يعني هي جت ب 37 بس تمنها فيها انا بقولك اني لفيت كتيرجدا وشوفت السوق ماشي ازاي
انا راي في حدود 43 ممكن تجيب :
1- فيات بونتو من 2000 الى 2003 1300سي سي تكيف وباوروجميع الكماليات وعربيه هاتشباك شيك جدا
2-فيات سينا من 2000 الى 2003 فيه منها 1400 و1600 سي سي ولكن يفضل 1400 علشان البنزين ودي جميع الكماليات عربيه سيدان صغيره
3-دايو جوليت 99 او 2000 ودي برده هاتشباك وشكلها جميل وجميع الكماليات و1500 سي سي وقطع غيار متوفره ورخيصه واوسع من البونتو
وبلتوفيق إن شاء الله