-
العربيه سخنت
السلام عليكم
لسه جاي من بره دلوقتي وانا في السكه لقيت مؤشر الحراره بقي بين الشرطه اللي في النص واللي فوقيها
بطلت علي طول وفتحت القربه المايه فارت
زودت مايه ولقيت فيوز المراوح والفوجات سايحين
فكيت الاتنين بالعافيه ونضفت مكانهم شويه
ادور علي حد عنده فيوز مفيش
خلعت فيوز تاني مش عارف بتاع ايه وركبته لحد ماروح بس
والقربه كمان اتخرمت من فوق كانت عامله نافوره مايه صغيره
دلوقتي بالترتيب اعمل ايه في القربه تتغير ولا تتلحم؟
الغطا مسربش مايه يبقي سليم؟
ايه علاقه سيحان فيوز المراوح بالفوجات؟
اتطمن علي الموتور والجوان ازاي؟
معلش طولت عليكم
-
القربة تتغير
الغطا ممكن يكون سليم
فيوز الفوجات ممكن يسيح لو انت مركب فيوز مقاس كبير ولمبات الفوجات عالية وممكن تكون محتاجة كتاوت وفيوز الماوح ساح من الحرارة اللى ولدها فيوز الفوجات
تطمن على الماتور عن طريق التاكد من ان الزيت مش مطحن او ان مفيش تسريب مياة تانى
-
الحمد لله أنها جات سليمة وكويس انك خدت بالك من العداد
* القربة لازم تتغير بواحده استيراد وبلاش لحام لانه هايضرب من الضغط العالي ودرجة الحرارة العاليه
* انت بتقول الغطا مابيسربش مياة , أنه غطا فيهم , القربه ولا الرادياتير ؟
علي العموم ماينفعشي تحكم علي غطا الاتنين الا لما تكون الدورة سليمة مافيهاش تسريب
* أعمل كبس كويس للدورة عند واحد بيفهم عشان تعرف اذا كان في تسريب ولا لا
الكشف بالعين المجردة مش كافي
*سيحان فيوز المراوح بالفوجات بيكون من ماس كهربائي مش من الحرارة العالية
ويمكن ده السبب اللي خللي المروحة تقف وبالتالي الحرارة زادت والمياه غليت في الدورة
*اتطمن علي الموتور والجوان ازاي؟
الصبح هاتلاقي طلعة العربيه بطيئة جدا جدا وسحبها ماينفعشي ببصلة والزيت بقه عامل طحينة
وشييك علي مستوي زيت الموتور بالمره ليكون حصل بخر من الحرارة العاليه
-
شكرا يارجاله علي ردودكم
اقصد غطا القربة اللي سليم لان القربة اتشرخت بسبب السخونيه والغطا مسربش والمايه مفارتش غير لما فتحت الغطا
القربة اجيبها جديده ولا استيراد وبكام
وفيوز الفوجات 15 احط 20 علشان يكون اقوي ويستحمل ؟
وبرضة فيوز المراوح 30 بس الكهربائي من فترة حطلي فيوز مكانه 40
ارجعه تاني 30 ولا اجيبه 40
الزيت فعلا نقص شوية كان علي الماكس وبقي في النص بين الماكس والمينيمم بس سليم الحمد لله
والماية للاسف زودتها من الحنفيه هشتري جركن مايه خضرا وازود منه
-
القربة تجيبها جديدة
ماتغيرش فى امبير الفيوزات وماتسمعش كلام الصنايعية الفتايين زى ما مكتوب على غطا العلبة من برة هات الفيوزات بنفس الامبير
Sent from my samsung GT-I9152 using Forum Runner
Content Relevant URLs by
vBSEO 3.6.0 PL2