مشكلة غريبة فى الفتيس (جين 2 مانوال)

عرض للطباعة

21-09-2014, 09:41 AM
DESIGNER105

مشكلة غريبة فى الفتيس (جين 2 مانوال)

السلام عليكم ...انهاردة الصبح بدور العربيه عادى الفتيس مش عايز يتحرك ...محجز بطريقة غريبه حتت حديدة
..الفتيس منوال العربييه جين 2
لما ببطل العربيه الفتيس بيتحرك عادى جدا لكن اول لما ادور يقفش ..مبيتحركش خالص؟؟! طيب جربت ادور وانا جايب الاولانى ورجلى على الدبرياج طبعا ..لقيت العربيه بتتحرك منى ...خدو بالكو انا مشلتش رجلى من على الدبرياج.؟؟؟؟

طيب حولت اجيب اى غيار والعربيه دايره وانا على الاول والعربيه دايره.. محجر بردو ...حتت حديده.

حد عندو اى تفسير يا جماعى للبيحصل ده ...

ملحوظة من كام يوم كده الفتيس كان محجس الصبج بردو بس كان بيتحرك ولما العربيه بتسخن كان بيبقى عادى ..وبعديها اتزبط ....انا كنت فاكر الزيت ولما اتزبط بعديها مغيرتوش

لكن دلوقتى الى حصل ملوش علاقة بالزيت ...ولا ايه يا جماعه

وشكرا مقدما
21-09-2014, 10:19 AM
aymanshebl

متابع حاجة غريبة فعلا
22-09-2014, 01:26 AM
midomido123

اكيد مشكلة دبرياج طالما العربيه بتتحرك وانت دايس...... هات ونش واطلع بيها على التوكيل.... متحاولش كتير مع الفتيس بالعافيه لحسن حاجه تنكسر
22-09-2014, 08:11 AM
tutankhamoun

حضرتك عندك مشكلة من مشكلتين (في الغالب مش 100 % )

1 - مستوى زيت الفتيس قليل قوي و يمكن مفيش زيت أصلا .
2 - فيه مشكلة في الدبرياج (أسطوانة الدبرياج مثلا )

لازم تكشف على العربية بأسرع وقت ممكن و ما تتحركش بها خالص إلا لما تعرف المشكلة أيه و تحلها .
22-09-2014, 10:45 AM
DESIGNER105

شكرا يا جماعه على الردود...كلمت الميكانيكى قالى بص على على الزيت ..لفيت مفيش زيت خالص ...جبت زيت واعدت اكارك اشتغل ...بس الميكانيكى قالى كده فى حاجه فى مستر الدبرياج ...تانى يوم الصبح قبل مدور بصيت على الزيت لقيتو مليان ...بس بردو الدبرياج محجر ...اعدت اكارك دبرياج قام اشتغل ......!!

السؤال هنا هل ده ماستر الدبرياج ولا الدسك..ولا الفتيس نفسه ...وايه خلى الزيت اختفى لوحدو ...وليه رجع حجر تانى والزيت مليان واشتغل بعد ما اعدت اكارك ....انا رايح للميكينيكى بيها واشوف ايه الحل
22-09-2014, 10:46 AM
DESIGNER105

انا بكلم على زيت الدبرياج مش الفتيس ..الدبرياج زيت باكم مش سلك
22-09-2014, 11:37 AM
eng.m7md.ali

حاجة في الدبرياج لانها بتظهر والعربية دايرة بس ده معناه ان طول مالاسطوانة بتلف المشكلة موجودة
22-09-2014, 04:03 PM
J A G U A R

ايه اخبار السحب معاك قبل المشكله ..
23-09-2014, 10:35 AM
DESIGNER105

شكرا يا جماعه على الردورد ..المشكله طلعت من ماستر الدبرياج وغيرته والمشكله اتحلت .
23-09-2014, 11:02 AM
abdoumahros

الحمد لله

اقتباس:

المشاركة الأصلية كتبت بواسطة designer105

شكرا يا جماعه على الردورد ..المشكله طلعت من ماستر الدبرياج وغيرته والمشكله اتحلت .

الحمد الله ان المشكله اتحلت
بس ممكن اعرف سعر الماستر بكام ومنين
وشكرا
23-09-2014, 02:31 PM
DESIGNER105

ماستر الدبرياج ب135 جنيه من شارع المحطه فى الجيزه ...مصنعية الميكانيكى بتاعى خد 40 جنيه