-
سؤال لسكان مصر الجديدة
السلام عليكم ورحمة الله وبركاته
انا ساكن فى فيصل وعندى شغل بنادى هليوبوليس بمصر الجديدة لمدة اسبوع
ناس قالت انزل محطة مترو شارع الاهرام واتمشى
وناس قالت انزل محطة مترو سراى القبة وخد مواصلة
وناس قالت انزل المظلات وخد مكروباص روكسى بيعدى من امام النادى
انا مش عارف اصدق مين
فاية اقرب طريق خصوصا ان عندى شغل الساعة 8 صباحا
يعنى غالبا هنزل الساعة 6 صباحا
وشكرا
-
ولو فى طريق تانى اقرب او اقصر ياريت حد ما يبخلش عليا بية
-
ولا واحد من دول قريب الا لو بعدهم حاتاخد تاكسى
لو عاوز توفر تنزل كوبرى القبة و تركب 35 او 35 بشرطة او 400 او 500 بشرطة او اى حاجة رايحة صلاح الدين ينزلوك قدام بوابة النادى
-
انزل محطة كلية البنات وعدي الشارع وخد اي حاجة بتمشي قدام النادي بس المشكلة ممكن متلاقيش اتوبيسات كتير في المكان ده
-
اقرب محطة للنادي هي كلية البنات دي معلومة اكيدة
-
انزل محطة مترو شارع الاهرام واتمشى ..... 5 أو 7 دقايق
هاتطلع من محطة المترو تاخذ شارع جانبى لشارع الثورة تمشى شارع بغداد حتى قصر الرئاسة (كل ده من 5 لـ 7 دقايق مشى)
-
شكرا ليكم يا جماعة
ان شاء الله هجرب محطة مترو الاهرام
Content Relevant URLs by
vBSEO 3.6.0 PL2