سؤال فى ماتور 1600 ابيزا 94 ؟؟

**Magdy-Ibiza** · 21-09-2014 03:34 PM

السلام عليكم
والله انا عندى مشكلة دايما معا الابيزا كل ما اشترى واحده بيظهر فيها نفس العيب بس بعد شهر تقريبا و برجع ابيعها و بخسر فيها كتير و تعبت والله .. و مش عارف ايه حلها

البدايه العربيه عندى لما بدورها الصبح بتطلع دخنه بسيطه جدااا من الشكمان و مبقدرش حتى اعرف سوده و لا بيضاء و بعد ما تسخن خاالص الدخنه بتروح .. لما جيت افتح الغطاء البلاستيك اللى فوق غطاء التكيهات بلاقى فى دخنه بسيطه بس ملحوظه ....
المشكله ان فى كل مره الميكانيكى يقولى عايزه طقم شنبر او حسب حالة الموتور نعمل عمره او نغيره !!!!!
ممكن دا يكون عشان الزيت لازم اغيره ولا ايه انا تعبت والله

الحاجه التانيه اجيب منين بوجيهات اصليه المانيه ( اسمها NGK ؟؟ )
و عاوز طرمبة بنزين استيراد اجيبها منين و بكام ؟؟
جلب المارش منين و بكام ؟؟؟؟

مع اعتزارى لكثرة اسئلتى

**lamada** · 21-09-2014 03:42 PM

ما بلاها الابيزا

**hossamalsadik** · 21-09-2014 07:44 PM

اولا أنصحك بمكانيكى كويس ويكون متخصص فولكس
المشكله ممكن تكون عندك حساس أكشف كمبيوتر ده لو ماتورك انجكشن وكمبيوتر وكده

بوجيهات NGK وكيلها شركة التوفيق وليها فروع
18ش قدرى- السيدة زينب
موبيل 01227686896 -23917679
الفرع الكبير فى المعادى 25168172
5شارع الحريه متفرع من شارع النصر المعادي الجديده خلف مدرسه العروبه
طرمبة البنزين شوف الموضوع ده
http://www.nilemotors.net/Nile/427322-99.html

جلب الماش أنصحك تروح لواحد زى محمد لطفى فى عابدين هيرجعهولك زى الجديد والشارع الى فيه فيه كذا واحد ومتخصصين اصلاح الدينموهات والمارشات
http://www.nilemotors.net/Nile/3875072684-post63.html

موضوع الزيت
ماتورك عامل كام كيلو وبتستعمل زيت ايه ؟
هل فى تبخير للزيت ومقداره اد ابه ؟ يعنى كل كام كيلو بينقص اد ايه ؟

**Magdy-Ibiza** · 22-09-2014 10:40 AM

و كمان لو حبيت اغير السيور - زى سير الكاتينة و سير الدينمو و الفلاتر لازم اشيل اللى عندى و انزل بيه عشان اجيب زيه و لا اجيب مقاساته منين ؟؟

**sala7** · 22-09-2014 12:30 PM

المشاركة الأصلية كتبت بواسطة Magdy-Ibiza

السلام عليكم
والله انا عندى مشكلة دايما معا الابيزا كل ما اشترى واحده بيظهر فيها نفس العيب بس بعد شهر تقريبا و برجع ابيعها و بخسر فيها كتير

و تعبت والله

.. و مش عارف ايه حلها

البدايه العربيه عندى لما بدورها الصبح بتطلع دخنه بسيطه جدااا من الشكمان و مبقدرش حتى اعرف سوده و لا بيضاء و بعد ما تسخن خاالص الدخنه بتروح .. لما جيت افتح الغطاء البلاستيك اللى فوق غطاء التكيهات بلاقى فى دخنه بسيطه بس ملحوظه ....
المشكله ان فى كل مره الميكانيكى يقولى عايزه طقم شنبر او حسب حالة الموتور نعمل عمره او نغيره !!!!!
ممكن دا يكون عشان الزيت لازم اغيره

ولا ايه انا تعبت والله

الحاجه التانيه اجيب منين بوجيهات اصليه المانيه ( اسمها NGK ؟؟ )
و عاوز طرمبة بنزين استيراد اجيبها منين و بكام ؟؟
جلب المارش منين و بكام ؟؟؟؟

مع اعتزارى لكثرة اسئلتى

خلينا في الجزء المهم (الجزى الميكانيكي)

- الجزىء اللي يخص دخنة الاكزوز اللي حضرتك ما بتلحقش تشوفها .. احتمال الكبير يعني 95% دي دخنة سودا ، ده لو حضرتك عاوز تعرف لون الدخنة طبعا العمل عند الله .. بس ده الارجح من وجهة نظري
و ده حلها تنظيف كربريتر في السيارات الاقدم صنعا و تنظيف بخاخات عن طريق Ultrasonic في السيارات الاحدث اصدارا
لان الدخنة السوداء دليل على حرق كمية من الوقد اكثر من اللزم في وجود نسبقة قليله من الاوكسجين

بالنسبة لاختبار نظري للموتور
- تفتح غطاء المكنة و يطلع بخر ده طيعي جدا موجود في العربيات موديل 2015 اللي لسه هتتصنع اول ما المصنع يقفلك العربية و لسع عدادك اصفار .. اطلع مشوار 5 كيلوا ووقف العربية و افتح غطاء تزويد الزيت هتلاقي بخر ( يطلع بقا خفيف يطلع تقيل ) المهم انه لازم يطلع .

- عاوز تعرف الموتور بتاعك لسه بخيرة او في منتصف عمره او بيخلص .. (بمجرد النظر) عن طريق فتح غطاء الزيت

- و العربية دايرة بعد مشوار .. افتح غطاء التزويد و خليه حر على فوهة التزويد لو الغطا قعد يطبل كدا هيكون مجرد (valve seal) و يتغير ، مع تغير الزيت و عمل فلش ع السريع و الموتور يرجع يمشي عادي بغض النظر عن عمر الشورت بلوك او العربية ماشية كام .. لان فيه عربيات بتمشي 800 الف كيلو و الموتور لسه بخيره

- نفس الخطوة السابقة بس شيل الغطاء خالص لو طرطشت زيت .. يبقا سعتها نفتح المكنة و نشوف ايه اللي هيتعمل

هل هنغير رنج و نخرط كرنك و نغير سبايك ؟
هل هنغير بس جوان الوش و نمسح عتب و نركب رنج ؟
هل هنغير بستون منقر مع rode و رنج بس ؟
هل ... ؟
هل ... ؟
هل ... ؟

الميكانيكي اللي بيقولك طقم شمبر او بدل ماكنة بدون ما يفك و يفتح المكنة ده قوله اقفل محلك و روح اشتغل كفتجي احسن
الميكانيكي اللي بيكشف على المكنة و هي مقفوله و يقولك كدا على تشخيص عبقري زيه .. سيبك منه

تحياتي