مطلوب فيرنا اوتوماتيك مو 2010 فما فوق عداد قليل من القاهرة
عرض للطباعة
مطلوب فيرنا اوتوماتيك مو 2010 فما فوق عداد قليل من القاهرة
ارجو افادتنا بمكان شرائك لهذه السيارة و الف مبروك وربنا يكفيك شرها و يعطيك خيرها
اخوك اتقتل تدوير, كل اللي في السوق ملعوب فية, او بيع غناوة, امبارح شفت موديل 13 وبيقول ماشية 9000 ةالعربية مغيرة فردتين والاستبن مهروس....عربية واحدة شفتها النهاردة هياللي كانت في الجون,موديل 2012 ماشية 24 الف مفيهاش الهوا, وصاحبها جاطط ليها اضافات كتير بتاعت 5 بواكي, بس افش علي 84 باكو, حولت معاه بكل الطرق يمشيها علي 80 ودة كل اللي كان معايا فعلا,, من غيظي منة اتخنقت معاه ههههههههههه, اصل كان فارسني اني معرفتش اخلص فيها
دة الرابط بتاعها علي كونتاكت
سيارات مستعملة | هيونداي | فيرنا | 1600 سي سي | موديل سنة 2012 - ContactCars.com
وربنا يوفقك ويوفقني ونلاقي جاجة كويسة
ربنا يخليك يا باشا و الف مبروك و ربنا يباركلك فيها.. انا اصلا قعد مدة طويلة اقارن علشان ارسى على اختيار الفيرنا و كانت الاسعار عليت للاسف.. ممكن حضرتك تقولنا خلصت بكام عشان رينج الاسعار كبير فى ناس طالبة فوق 85 و لو ممكن تقولنا برضة هل جبتها من السوق و لا مواقع
اشتريت بتاعتي والحمد لله من 3 اسابيع ومستمتع بيها جدا
التفاصيل هنا
http://www.nilemotors.net/Nile/437696-a.html
كنت في مدينه بشوف فيرنا و صاحبها قايب انها فابريكا و لما روحت لقتيها تقريبا مغيره صدر و كابوبت راشش
المهم فتحت كونتاكت و كان اعلان نازل 2010 اوتو فابريكا عامله 25 الف كيلو قولت اروح ابص عليها
عربيه وحده ست كبيره و بنتها هي اللي بتسوقها مشاوير صغيره و مركونه علطول و هما كانو رايحين يحجزو كيا ريو
المهم اتفرجت علي العربيه فعلا زيرو في حاجات كده هتحسها زي مثلا دخول مفتاح الكونتاكت بيدي صوت كده زي الزيرو لكن لو ماشيه كتير بيبقي دخول المفتاح ناعم و كمان فتح و غلق الابواب و و التاره و زراير النور الحاكات دي لو مستعمله كتير هتنعم لكن العﻻبيه دي فعلا كانها لسه زيرو من المعرض و اكياس الفابريقه علي الفوجات
الست قالتلي ان في معرض هيخدها منها ب 72 و تدخلها في الريو بس خظي ان المعرض ما كانش عنده اللون اللي عايزنو فقالو يبوعها و بشتروها من معرض تاني المهم خلصتها علي 71