اريد حل وسط

**samyyousef** · 24-09-2014 03:51 PM

بالنسبة لصاحب البوست
يجب ان نفرق بين موقفك و موقف جارك الذي احتُجزت سيارته..و موقف من ركن امام السلسلة
موقفك انت مثل موقف من ركن امام السلسلة..كلاكما اراد ان يستأثر بالمكان ..و كل بطريقته
اما من احتجزت سيارته..ففد تعرض لاساءة بالغة ممن ركن امام السلسلة..فماذا كان يفعل لو اضطرته الظروف لاقدر الله للنزول فجأة للذهاب الى المستشفى باحد افراد اسرته

**S O P H O S** · 25-09-2014 01:26 AM

مشكلة معظم الناس والحل عربية صغيرة تحجز بيها مكان
لو ده متوفر

**khaled_sabry** · 25-09-2014 01:44 AM

المشاركة الأصلية كتبت بواسطة sas5

اخى العزيز تسال عن علاقه ردى بمشكلتك
والعلاقه موجود اقرا المشاركه جيده - عايز تركن اركن في جراج مش الشارع لان الشارع مش مكان ركن سيارات - لو انت دورت على شقه بجراج مكنتش اتوضعت في هذه المشكله.
ارجو تفهم وجهه نظرى لان المشكله نحن الذين نصنعها بعد شراء شقه ندور نركن العربيه فيه - لماذ لانبحث عن شقه بجراج

هاتلى كام عماره بجراج فى المناطق الاتيه
المطريه - عين شمس - حلميه الزيتون - مصر الجديده - شبرا
المناطق السابقه تقريبا مساحتهم اكبر من نصف القاهره
انا اخترتلك المناطق اللى الاغلبيه فيها عمارات قديمه
لإن قانون الزام العمارات بجاراج مطبق من سنه 1984 و بالتالى جميع العمارات المبنيه قبل هذا التاريخ مستحيل تلاقى فيها جاراج و ماكنوش يعرفو يعنى ايه جاراج تحت الارض فى الوقت ده اصلا
و حتى بعد التاريخ ده مش كل العمارات التزمت بوجود جاراج الى وقتنا هذا (رغم الالزام القانونى)
الموضوع مش سهل زى 6 اكتوبر او التجمع او اى مدن جديده بشكل عام
انا شخصيا دلوقتى بدور على شقه فى ارض الجولف او مصر الجديده يكون ليها حصه فى الجاراج و مش لاقى

**M!SHO** · 25-09-2014 05:05 AM

انا بسبب موضوع الركنه ده ، فاضلي شويه وأتحول لابراهيم الابيض

الناس بتنزلني من البيت عشان اشيل العربيه عشان ده مكانهم ولا كأنه شارع ابوهم

يا ريت حضرتك تشيل الحديد عشان ده عذر أقبح من ذنب

انا ممكن اعذرك في حاله واحده انك عامل الحديد امام جراج عشان تعرف تطلع وتدخل