عرض للطباعة
انا متابع المنتدي الجميل ده من زمان بس من بعيد لبعيد من غير مشاركات و مقبل علي شراء 113 بس كنت عايز اعرف ياتري مشاكل العفشه والفتيس والشكمان اتحلت في موديل 2009 ولا لأ ؟لاني هاشتري العربية ومش ناوي اغيرها قبل 5 سنين علي الاقل ( مشاوير قليله وقصيرة )
انا دورت كتير علي اجابة السوال ده هنا في المنتدي بس مالقيتش الاجابه ارجو من الاعضاء الكرام افادتي في الموضوع ده وياريت لو حد جاب 2009 يقولنا رايه ايه
والله انا لسه شارياها جديدة مفيش مشكلة فى الفتيس خالص النقلات ناعمة جدا والعفشة كويسة مش ناشفة زى ما سمعت قبل ما اشتريها لكن من ساعة ما سوقتها وانا بسمع صرخة كل ما ادوس فرامل ونور الفرامل ( الفوانيس الخلفية) بيعلق لسه معرفش ده من ايه انا بقالى يوم جايباها ولسه حتى مارخصتش
ربنا يبارك لك فيها يا جوليت
و منتظر الاجابة على سؤالك يا سيف لانى زيك بالظبط ناوى اشتريها إن شاء الله
و متوقع ان العيوب تكون اتظبطت
متشكر يا جوليتا علي ردك
والف مبروك علي العربية وربنا يباركلك فيها
والصفارة دي تلاقي الفرامل لسا ماطبعتش بس
ولفانوس هو بس الكهربا عايزه تظبط في فيوز بيفصل بس ولا حاجه
وانا منتظر زيك اهو يا neemmohamed بس واضح ان مفيش حد من الاعضاء عايز يكلف خاطره ويرد علي الموضوع غير جوليتا
لا شكر على واجب
والله يبارك فيك
بصراحة العربية لحد دلوقتى كويسة جدا معايا مفيش فيها مشاكل غير موضوع الفرامل ولسه مستمر بس هروح اشوفه فى التوكيل ان شاء الله غير كده العربية جميلة جدا بس طبعا يستحسن تسال حد بقالها فترة معاه لان انا لسه برضه المواضيع جديدة معايا واعمل استخارة واتكل على الله
تقريبا يا جوليت صوت الفرامل كده عشان ده نظام ABS هو صوته بيبقى عالي كده حتى في الماركات التانيه .. فمتخليش الموضوع ده يدايقك وابقي شوفيه في التوكيل بردو مع نور الفوانيس .. وربنا يباركلك فيها .. انا كمان بفكر جديا اني اشتريها .. بس محتار بينها وبين ال a213 لمجرد ان التانيه فيها شنطه بس مش اكتر .. فيا ترى شنطه العربيه دي ايه نظامها .. وهل في فرق كبير بينها وبين ال a213 ؟
sot elframel dah lazem fe kol el a113 we mafesh 7al leeh bs kda kda mesh mo2asser we 2oltelhom fe eltawkel we 2aloly howwa nzamo kda
نظامو كده ازاى يعنى الصفارة دى مش بتروح دى تبقى حاجة قلق اوى
وبعدين سمعت من واحد معاه 113 قبل كده ان وجود الصفارة مع الوقت عملوا تآكل فى الطنابير لان ده سببه ان تيل الفرامل نوعه ردئ جدا
انا متابع الموضوع ده علشان كنت ناوي أشتري واحدة للبيت(المدام ومشاوير الأولاد) بس انتم كده قلقتوني. طب محدش منكم جرب يغير التيل بواحد أنضف؟؟