سيدى الفاضل انا كنت عملت كام موضوع بالخصوص ده، و لسه عندى موضوع جاهز للعرض بس مش عارف اعرضه عشان رفع الصور للموقع مش شغال عندى... المهم هلخص عليك الموضوع سريعا لغاية ما ربنا يكرمنى و اقدر ارفع الموضوع التفصيلى للزيوت مع الـ 301
بص يا سيدى
1- الـ 301 بتحطلها اى زيت يتوافق مع المواصفة ديه PSA B71 2290 وديه اللى المصنع موافق عليها كأول اختيار
2- الزيوت اللى مطابقة للمواصفة ديه كلها بلا استثناء 5/30 مفيش منها 5/40
3- المواصفة "في رأى الخاص و ده اللى اثبته بالأرقام في بحثى اللى مش عارف ارفعه :) " كل الفكرة فيها ان المصنع عاوز زيت يكون "low SAPS" و ديه خاصيه في الزيت بتخليه لما يتحرق منه جزء اثناء الاستخدام ميطلعش فوسفورس و سلفر يضر البيئة و يبوظ لحضرتك علبة البيئة اللى فالشكمان و حساسات معالجة العادم و ده عشان أوروبا مهتمة جدا بالتلوث... و القصة ليست لها علاقة بين فرق اللزوجة بين ال5/30 و الـ 5/40... و اصبر عاليا لما ارفع الموضوع بالكامل و انتا هتشوف بنفسك اسطورة اللزوجة بين الـ 40 و الـ 30 بالحساب و الأرقام و الرسم البيانى و بالمقارنة بين 5 زيوت
4- لو عاوز تمشى زى الكتاب و تحط زيت معتمد و تحافظ على مجموعة العادم كلها يبقى لازم تلتزم بالمواصفة و اللى فيها الزيوت الاتى ذكرها :
1- total Quartz INEO Ecs
2- Mobile 1 ESP
3- Shell Helix Ultra AP-L
4- Castrol Magnetic 5w-30 C2
احسن منحنى لزوجة في دول هو موبل بمعنى انه اكثر لزوجة من الباقين... مع العلم انهم جميعا 5/30 لكن فرق بين معامل اللزوجة و منحنى اللزوجة.... دول اللى هتلاقيهم في مصر فقط
خارج مصر هتلاقى shell helix ultra Extra 5w-30 او له اسم اخر shell helix ultra ECT 5w-30 مطابق للمواصفة و احسنهم جميعا على الاطلاق بدون تعب او نقاش و للأسف انا كلمت شركة شل مصر و قالولى انهم مش هينزلوه :(
اما لو عاوز تخرج بره مواصفة المصنع "زى حلاتى" و تحط زيت هيأثر على المدى في مجموعة العادم... فأنا افضل Shell Helix Ultra 5W-40 PurePlus Technolgy قصة تانية خالص.... بالادق عربية تانية خالص... سحب و هدوء و توفير وقود و تبريد ممتاز.... الخ
ولك الاختيار
و الله اعلم
محمد كمال
المفضلات