حد يقولى أعمل أية ؟؟ ضميرى بيأنبنى

**أبو يوسف** · 21-09-2014 06:22 PM

انا الحمد لله شاطر جداً فى البيع والشراء
علشان كدة لينا واحدة معرفة وجارتنا قصدتنى فى خدمة
نوع الخدمة : تبنى ثلاث أدوار فى البيت عندها وتجهزهم حتى النقاشة علشان تسكنهم
وقالتلى الموضوع هياخد حوالى شهرين واتفقت معايا انها تدينى الفين جنية بشرط انى اجبلها الحاجة بتمنها
وفعلاً انا عملت كدة , لكن دلوقتى بقالنا 8 شهور والشقق لسة مخلصتش
والموضوع زاد عند حده , يعنى بروح مشاوير كتير جداً بالعربية بتاعتى غير المكالمات التى لا حصر لها كل يوم
لدرجة انها ساعات بترن عليا وانا أكلمها وبنزين ووقت , فأنا قلتها أن الالفين جنيه قليل جداً , بس رفضت
وقالتلى احنا متفقين , بس انا كنت فاكر انها هتقدر اللى انا بعمله معاها دة انا كنت بدفع مواصلات وتليفونات وبنزين وقلت هى هتقدر , ودلوقتى الموضوع فاضل عليه شهر كمان , فسألت واحد صاحبى قالى خلاص انت بقالك قد اية قولتله 8 شهور , قالى يعنى قول الشهر براتب 1000 جنيه وطلع الباقى من باقى الشغل
فأنا قعدت مع نفصى لاقيت 8000 جنيه كتير فقلت خلى فى الشهر 500 جنيه يعنى 4000 جنيه يعنى انا فاضلى 2000 جنيه كمان ممكن اطلعهم م أى شغلانه تانية وهى مش هتعرف بس ضميرى مأنبنى جداً جداً
ولو معملتش كدة يبقى انا ظلمت نفسى بقالى 8 شهور يعنى انا كدة دفعت من جيبى , حد يقولى أعمل أية ؟
عربية , ومواصلاات , وبنزين , وتليفونات مش اقل من 50 جنيه كل شهر , كل دة كان من جيبى على اساس انها هتقدر وتحسبنى على الكلام دة لانه كان برة الاتفاق انى اروح اى مشوار
دة غير طلبات كتيير جدة خارج الاتفاق

**sakr_skoda** · 21-09-2014 06:36 PM

العقد شريطة المتعاقدين وعاوز نصحتى بلاش واديك اتعلمت درس حينفعك فى المستقبل انما صاحبك دا ورائيه الله يسامحه****

**gade2** · 21-09-2014 06:41 PM

صديقى ابو يوسف
ان اميل لرأى زميلنا sakr_skoda لان انتم اتفقتم على شهرين ودلوقتى بقالك 8 شهور
يعنى برده انت ماخرها ( انا عارف ان انت مش مقصر) بس الحق حق
وربنا يباركلك ويمكن يكون دا اختبار ولكن انصحك انك تغيير شويه من المصاريف يعنى تجمع المشاوير تقليلا للبنزين ولو رنت عليك تفتح وتكلمها

**nab!l** · 21-09-2014 06:45 PM

مستغرب لحضرتك جدا
ازاى تكون شاطر جدا فى البيع والشرا وتقع الوقعة دى !!
حضرتك مين قالك ان 3 شقق لحد النقاشه تاخد شهرين ؟
لو هى قالتلك كده عرفت منين ؟ ممكن تكون هى عارفه وبسطتلك الامور فى البدايه مثلا ؟ الله اعلم... ولو انت اللى قلت كده حسبتها ازاى
انا حاليا بشطب وبشوف الويل وبقالى فتره كبيره
بس للاسف خلاص لازم تكمل الى اتفقتو عليه ومتحطش ايدك على حاجة وبعد ما تخلص اقعد واتكلم معاها واحده واحده يمكن تتهاود وتزودك
ولو حاسس انك خلاص مبقتش قادر تكمل قولها احنا اتفقنا على شهرين بسسسسسسس لكن كده انا اتظلمت
ممكن هى لما تلاقيك وقفت الشغل تضطر تتنازل شويه عشان تخلص مصلحتها
هو حضرتك مجربتش الجرى ورا عمال التشطيب ولا ايه !!

**S O P H O S** · 21-09-2014 09:11 PM

فراي حضرتك غلطت فتقدير المدة
وحاليا دفعت ثمن الغلطة دي من وقتك
فبلاش تاخد حاجة بدون موافقة صاحبة الامر
ده رأي الشخصي

**fares_311** · 21-09-2014 09:44 PM

السلام عليكم
حسب ما فهمت من كلامك يبقى انت ليك بس الفين زي ما تم الاتفاق في الاول رغم ان الموضوع اخد 8 شهور بس ده لا يعطيك الحق انك تطلع حقك الباقي من اي شغلانه اظن حيكونوا فلوس حرام....مفيش قدامك غير تتكلم معاها بالعقل وهيا وزوقها لو نفع نفع ولو لأ أديك اتعلمت مش ببلاش طبعاً

**أبو يوسف** · 21-09-2014 09:45 PM

طب انا كدة ظلمت نفسى , لانى كنت بصرف من جيبى

**hugan** · 21-09-2014 10:27 PM

الشغل مافيهوش كسوف ولا خجل
ياما تزود المبلغ حسب مانت عايز
ياما تقول لها انك كده مش هاتقدر تكمل

-

-

الموضوع: حد يقولى أعمل أية ؟؟ ضميرى بيأنبنى

LinkBack

أدوات الموضوع

عرض

-

-

-

-

-

المواضيع المتشابهه

حد يقولى أعمل ايه

ضميرى معذبنى يمكن ماتو

ضميرى معذبنى

خلاص مش قادر ضميرى معزبنى

الكلمات الدلالية لهذا الموضوع

المفضلات

المفضلات

ضوابط المشاركة