شاكك ان التوكيلات مشاركة تجار الخليجي وهما اللى رفعوا الاسعار

العربية بقت تنزل مصر نوعين

خليجي و وكيل

وتلاقي الخليجي متسعر قبل الوكيل

والوكيل العادى يحط 10 فوق الخليجي ويديك ضمان


وانا شاكك ان التوكيلات هى اللى بتنزل الخليجي للتجار و بتنصص معاهم وبتقولهم اطلبوا سعر كذا


و هما ينزلوا سعر تانى تمن ضمان يعنى


وقبل كدة كان سعر الوكيل بيتغير على حسب الخليجي والعكس بيحصل و يشدك لة ويقولك فرق 10 بواكي ومش محتاج ضمان



حد شاكك غيري في المواضيع

لأن انا شايف ارقام العربيات بقت خرافية والناس بتتكلم في الربع مليون و ال300 الف كأنهم حاجة عادية


يا جماعة انا فاكر سنة 2001 نزلت معرض القاهرة الدولى للسيارات

كان الدولار ايامها ب 5 جنية


كانت الجولف4 ب 75الف
الكورولا ب 60 الف

الهيونداي الاكسيل ب 38الف

اللانوس ب 41الف
السيفيا ب 41الف

ال بي ام 318 ب 121الف
الفيكترا ب 75الف


يعنى مثلا زيادة 50% في سعر الدولار يغلى العربيات 300% ؟؟؟

ولا دى لعبة

والله هوه تقريباً مبقاش فى رادع للأسعار غير إن الناس تبطل تشترى
لكن ده مش هيحصل لأن المواصلات العامه تعبانه جداً و ... إلخ

لكن معتقدش ان الوكيل هينزل للتجار ... لكن ممكن يلعب مع المستوردين الكبار فى انهم يظبطوا السعر مع بعض
وكا واحد ياخد حته من السوق.

ما هو برضوا موضوع ان تسعير العربية خليجي دة قبل سعر الوكيل يخلي الواحد يشك

واضح انهم قعدوا مع بعض قعدت عرب وشافوا بدل ما كل فريق يعض فى التاني ( وده كان فى مصلحة المشتري ) يتفقوا ويعضوا هما الاتنين في المشتري
وواضح انهم وزعوا على بعض التورته مستورد الخليجي يسند سعر الوكيل ده يؤدي الى نقص المبيع لكن فى نفس الوقت فرق مكسبة هيعوض ( يعني مثلا بدل ما كان بيبيع 10 عربيات مكسبه فى كل عربيه 5 الاف بقى هيبيع عربيتين او تلاته بمكسب 25 الف فى العربيه وهو كده الكسبان لانه كسب نفس المكسب بربع رأس المال فقط )
وفي الناحيه التانيه الوكيل بدأ يسيب لمستوردي السيارات الخليجي جزء من كحكة استيراد قطع الغيار
لو لاحظت ان قطع الغيار (النظيفة) ارتفع بغباء برضوا ( نفس اللى حصل في موضوع السيارات)

مسألة ان اسعار السيارات تنزل مستبعده حاليا طول ما وسائل المواصلات غير آدمية أو غاليه
ابسط مثال لو انت وواحد زميلك كمان حسبت مصاريف سفركم فى وسيلة مواصلات جماعيه من اسكندرية للقاهره هتلاقيها هتقف عليك اغلى من سفرك بعربيتك
من 20 سنة كان مصاريف استخدام التاكسي لو حسبتها أقل من مصاريف سيارتك ( بالترتيب : رأس مال"لو حطيته فى البنك هتاخد علية فوائد" + بنزين + صيانه + جراج)
حاليا مصاريف تشغيل السيارة اقل من المواصلات
وبالتالي طول ما مصاريف تشغيل السيارة اقل من المواصلات هيبقى الاقبال على شراء السيارات أكتر وسعرها هيزيد كمان

اقتباس:

---

المشاركة الأصلية كتبت بواسطة sha2e

واضح انهم قعدوا مع بعض قعدت عرب وشافوا بدل ما كل فريق يعض فى التاني ( وده كان فى مصلحة المشتري ) يتفقوا ويعضوا هما الاتنين في المشتري
وواضح انهم وزعوا على بعض التورته مستورد الخليجي يسند سعر الوكيل ده يؤدي الى نقص المبيع لكن فى نفس الوقت فرق مكسبة هيعوض ( يعني مثلا بدل ما كان بيبيع 10 عربيات مكسبه فى كل عربيه 5 الاف بقى هيبيع عربيتين او تلاته بمكسب 25 الف فى العربيه وهو كده الكسبان لانه كسب نفس المكسب بربع رأس المال فقط )
وفي الناحيه التانيه الوكيل بدأ يسيب لمستوردي السيارات الخليجي جزء من كحكة استيراد قطع الغيار
لو لاحظت ان قطع الغيار (النظيفة) ارتفع بغباء برضوا ( نفس اللى حصل في موضوع السيارات)

مسألة ان اسعار السيارات تنزل مستبعده حاليا طول ما وسائل المواصلات غير آدمية أو غاليه
ابسط مثال لو انت وواحد زميلك كمان حسبت مصاريف سفركم فى وسيلة مواصلات جماعيه من اسكندرية للقاهره هتلاقيها هتقف عليك اغلى من سفرك بعربيتك
من 20 سنة كان مصاريف استخدام التاكسي لو حسبتها أقل من مصاريف سيارتك ( بالترتيب : رأس مال"لو حطيته فى البنك هتاخد علية فوائد" + بنزين + صيانه + جراج)
حاليا مصاريف تشغيل السيارة اقل من المواصلات
وبالتالي طول ما مصاريف تشغيل السيارة اقل من المواصلات هيبقى الاقبال على شراء السيارات أكتر وسعرها هيزيد كمان

---

غير متفق تماما
لو روحت أسكندرية دلوقتي بالميكروباص هتدفع 30 جنيه رايح و 30 راجع ... غير هناك ممكن نقول هتدفعلك كمان 30 مواصلات لو في منها تاكسيات
يعني نقول كله 100 مثلا
وانت رايح اسكندرية بعربيتك
بنزين رايح جي لو ماشي محترم جدا حوالي 50 لتر يعني يعني حوالي 130 جنيه
محسبناش الصيانات ... استهلاك تيل فرامل وزيوت وكاوتش ووووووووووو
اللي توفرهولك العربية انك من تحت بيتك لتحت بيتك ... وبتوفر عليك لو هتستني ميكروباص او حاجة
ولو معاك عدد هتوفر معاك شوية ... مع العلم ان الاستهلاك في كل حاجة في العربية بيزيد ...من اول استهلاك البنزين

الغريب بقي ان الناس اللي معاها عربيات اصلا هي اللي بتجدد !!!!
منين منطق انا بوفر فلوس المواصلات وبشتري نفسي ومنين ابيع عربيتي اللي جايبها من سنتين واجيب باضعاف تمنها عربية جديدة موديل السنة
احنا هنا بنشتري وخلاص
الفيرنا من اول ما كانت ب 64 لغاية ما بقت ب 82 والناس مابتقولش لأ .... مع ان زمان كانت مستوردة من كوريا .... حاليا هي مصري بمكونات مصري والمفروض ارخص !!!
اللي بيحصل دلوقتي مش ان الدولار غلي
ده غباء شعب واستغلال تجار

اقتباس:

---

المشاركة الأصلية كتبت بواسطة Eng.Geo

غير متفق تماما
لو روحت أسكندرية دلوقتي بالميكروباص هتدفع 30 جنيه رايح و 30 راجع ... غير هناك ممكن نقول هتدفعلك كمان 30 مواصلات لو في منها تاكسيات
يعني نقول كله 100 مثلا
وانت رايح اسكندرية بعربيتك
بنزين رايح جي لو ماشي محترم جدا حوالي 50 لتر يعني يعني حوالي 130 جنيه
محسبناش الصيانات ... استهلاك تيل فرامل وزيوت وكاوتش ووووووووووو
اللي توفرهولك العربية انك من تحت بيتك لتحت بيتك ... وبتوفر عليك لو هتستني ميكروباص او حاجة

---

واضح انك مكنتش مركز في كلامي خالص :)
اولا : الميكروباص حسب ما بسمع انه دلوقتي بقي بـ 40 جنيه ولو شغل التكيف و LCD ممكن يزيد كمان يعني رايح جاي بس 80 - 100 جنية بخلاف المواصلات الداخليه داخل القاهره والاسكندريه يعني الاجمالي حوالي 150 جنية

ثانيا : متوسط اي عربية 1600 من القاهره للاسكندريا بتاخد أقل من صفيحة لو انت ماشي 90-120 يعني من البيت للبيت تاني صفحتين بـ 104 جنية , 50 لتر لو انت بتجري 140 فما فوق ( الدايو 1500cc ماشيين 90-110 الصفيحة عاملة 375 كم والعربيه كان فيها 3 افراد )

ثالثا : انا فى اول مشاركة مكنتش حاسب الحساب على فرد واحد انا حاسب على فردين وده كلامي :

اقتباس:

---

المشاركة الأصلية كتبت بواسطة sha2e

ابسط مثال لو انت وواحد زميلك كمان حسبت مصاريف سفركم فى وسيلة مواصلات جماعيه من اسكندرية للقاهره هتلاقيها هتقف عليك اغلى من سفرك بعربيتك

---

لو حسبتها فرد واحد هتلاقيها مكافئة لتمن البنزين أو أقل
الفرد التاني المكافئ لمصاريف العربيه وصيانه وكل الحاجات اللى انت ذكرتها

اقتباس:

---

المشاركة الأصلية كتبت بواسطة eng.geo

الغريب بقي ان الناس اللي معاها عربيات اصلا هي اللي بتجدد !!!!
منين منطق انا بوفر فلوس المواصلات وبشتري نفسي ومنين ابيع عربيتي اللي جايبها من سنتين واجيب باضعاف تمنها عربية جديدة موديل السنة
احنا هنا بنشتري وخلاص
الفيرنا من اول ما كانت ب 64 لغاية ما بقت ب 82 والناس مابتقولش لأ .... مع ان زمان كانت مستوردة من كوريا .... حاليا هي مصري بمكونات مصري والمفروض ارخص !!!
اللي بيحصل دلوقتي مش ان الدولار غلي
ده غباء شعب واستغلال تجار

---

انا هقولك ليه
أولا : العربية دلوقتي معدتش سلعة استهلاكيه تشتريه السنادي وتبعها بتلتين تمنها أو اقل بعد سنتين زي زمان
دلوقتي انت ممكن تجيب العربيه تعد معاك 8 - 10 سنين وتبعها أغلي مما كنت شاريها :)

السبب ان الاقبال على شراء العربيات في تزايد لعدم توافر بديل (وسائل النقل الجماعي) ولو وجدت يا غير صالحة للاستخدام ولو "معقولة مش هقول مريحه " بتكون تكلفتها بنفس او اغلى من تكلفة عربيتك الخاصة

ثانيا : القسط
لو عرفت ان نسبة 80% تقريبا من العربيات الجديدة بتتباع قسط
وحتى لو معاك كاش ودخلت معرض هتلاقيه بيحاول يقنعك بالقسط ويحسبلك حسبه طويله عريضه كده لو دفعت مش عارف كام وحطيت الباقي فى البنك والارباح بتاعتها تزود عليهم كام وتدفع القسط وبنهاية القسط يبقى اتفضل معاك كام عشان يحاول يقنعك بالقسط (لان القسط بياخد عليه عموله أكبر)
ده بينعكس فى الشارع
نسبة 80% تقريبا من العربيات الجديدة اللى انت بتشوفها بيكون صاحبها بايع عربيته القديمة وبقيمتها دفع المقدم ويقسط الباقي على سنتين او تلاته
اول ما القسط بيخلص بيبيع ويدفع بتمنها مقدم عربية جديده ويقسط الباقي .....وهكذا
ودنيا ماشيا بالاسلوب ده بقالها سنين

المشكلة عبارة شبكة كبيرة مترابطه ومتشابكه كلها ببعضها لو كسرت حلقة واحده مش كفاية لازم الحل يكون أكتر من اتجاه مع بعض

انا اصلا عندي تمام الثقه ان سوق السيارات في مصر هو سوق منظم و متحكم فيه
و كل التوكيلات و المستوردين مظبتين مع بعض سواء من ناحيه الاسعار او المواصفات
و ده كله هدفه زنق الزبون و تحديد خياراته من حيث الفئه السعريه في عربتين تلاته
و الامثله علي كده كتييير