عرض للطباعة
السلام عليكم ورحمة الله وبركاته
بعد اذنكم انا معايا اوبترا 2009 اوتوماتك ... سحبها ضعيف جددددا الار بي ام بيعدي ال2 ونص وباحس ان دواسة البنزين مش مريحة ومش بترضي تزيد عن 100 وباحس ان صوت النوتور بيعلي ...
ومثلا لو هديت عشان مطب بتااااااخد وقت كتير عشان تمشي بسرعة
انا غيرت فلتر هوا وبنزين والبوجيهات واتطمنت علي السيور ياتري دي ممكن تكون مشكلة ايه؟؟؟ .... وشكرا جزيلا
اتاكدى من ضغط طرمبه البنزين و كبلات البوجيهات و الموبينه
بعد إذن حضرتك قبل ما تغيري شيئ تاني..
حضرتك بتقولي rpm 2.5 والسرعة 100 كم/س
أنا شايف الكلام دا كويس جدا في لحظة التسارع...
لأن متوسط سرعة السيارات 1600 العادية هي 90 كم/س عند 2 آر بي إم.
حضرتك لازم تفرقي بين حاجتين.
1) لو ماشية علي طريق مفتوح والعربية واخده سرعتها من غير حرق أو تسارع. دا حيدي ما يعادل 2 آر بي إم لسرعة 90 أو 95 كم/س
2) لو بتزودي السرعة من 60 إلي 100 مثلا.. حتلاقي الآر بي إم فوق 2 أو 3 والسرعة ماشية 70 - 80 - 90 - 100..... لغاية ما تخفي رجلك من علي الدواسة والسرعة تستقرحتلاقي الآر بي إم نزل للحد بتاع السرعة.
ياريت حضرتك تاخدي بالك من النقط دي. وتجربي العربية في طريق مفتوح الأول وتشوفي التسارع بتاعها منغير قرص.
شكرا لحضراتكم جدا ... بس المشكلة في الحقيقة اني لما بدوس بنزين دايما حتي لو العربية ماشية علي 20 الاقي العداد عدي ال2 وباسمع صوت الموتور بيعلي ... طب يا تري دي ممكن تكون مشكلة زيت لان العربية مرة سخنت مني اوي لان الرادياتير كان بيسرب وانا مخدتش بالي
تسريب الزيت ميعملش كده
ملبستيش مطب جامد او حاجه ..
اه فعلا خدت مطبين جامد من يومين للاسف... دة انا طول مانا دايسة بنزين العداد عمره مبينزل عن 2 حاتجنن
لو المطبين حكو جامد فى العربيه من تحت خلى حد يبص على الشكماناقتباس:
المشاركة الأصلية كتبت بواسطة أميرة بهجت
طب هو كدة الشكمان ممكن تكون مشكلته ايه عشان ايقي عارفة بس..
ممكن تكون علبه الشكمان اتخرمتاقتباس:
المشاركة الأصلية كتبت بواسطة أميرة بهجت
وفى سوسته بتربط الشكمان بالماتور ممكن تكون اتكسرت
بس لو العربيه محكتش جامد يبقى الشكمان سليم
تمام .... شكرا جزيلا
حضرتك
روحي او كلمي المهندس هاني
http://www.nilemotors.net/Nile/28764...r-enghany.html
تحياتي
شكرا جزيلا ... بس مين المهندس هاني
بس دة بعيد عني جدا .. انا ف حدائق الاهرام
ممكن حضرتك تكلميه
الراجل مش بيتاخر علي حد
حينصحك ويشوف مدي جديه شكوتك
تمام ... متشكرة لحضرتك