فورد فوكاس 2014 و لا لانسر شارك 2014 من حيث المصاريف

**drengine** · 22-09-2014 10:43 AM

بسم الله
اولا انا عارف انه فيه عربيات تانية كويسة في نفس الفئة السعرية بس دول اكتر اتنين انا استريحتلهم و حبتهم و مقتنع بيهم
ثانيا المقارنة ما بين شارك اعلى فئة و فوكاس 3 فئة (سبورت)
ثالثا انا يهمني جدا في المقارنة تكون بناءا على running cost
يعني اهم حاجة بنزين كام 92 و لا 95 - بنفس الاداء - عشان انا قراة في الجروب انه الفوكاس بيطحتلها 92 بس الاداء بيقل
اسعار الصيانات الدورية- اسعار قطع الغيار - توفر قطع الغيار- توفر القطع الغير اصلية و الاصلية خارج الوكيل- امكانية عمل صيانة خارج الوكيل
اعطال الكمبيوتر الناتجة عن التكنولوجيا العالية
الاعتمادية على العربية - مجيش في يوم ادور العربية القيها ما بتدرش و يطلع مشكلة في حساس - احتمالية حدوث ذلك
و ارجو ايضا الوضع في الاعتبار لو شاب يبدا حياته و مقبل على الزواج - فموضوع المصاريف ده مهم اوي
و ارجو لو تقيم كل نقطة من 10 مثلا بالنسبة للسيارتين
و شكرا

**max13** · 22-09-2014 11:04 AM

فى فرق كبير بين العربيتين وطبعا الفوكس افضل . بس اعادة البيع الفورد هتخسر كتير . والعربيتين 92 عادى . افضل حاجة انت تسأل فى التوكيلين عن قطع الغيار والصيانات بنفسك . انا ممكن اقولك صيانات الشارك . صيانة الالف 460 . العشرة 700, العشرين 1000, الثلاثين 700 , الاربعين 2000 .

**AhmedNaeem** · 22-09-2014 11:38 AM

الانتين قطع غيارهم غالية وصيانة مكلفة نسبيا
بس انت لو ركبت الفوكس هتعجبك اوي ومش هتفكر في الياباني ولا الكوري
وربنا يوفقك في الاختيار

**denjouan83** · 22-09-2014 01:42 PM

انا معجب جدا بالاتنين , فوكاس احلي و اشيك و مش منتشره , بس الانسر بدون مشاكل و عربيه عاليه و اعتماديه و اعاده بيع محترمه ,, مقارنه صعبه بس الي يحددها طبيعه شخصيتك و دخلك ,, لو متهتمش باسعار و اعادع بيع يبقي فوكاس ,, لو يجوبك جايب تمنها يبقي شارك .. ده رايي

**S O P H O S** · 22-09-2014 03:41 PM

الاسهل الشارك & الافضل الفورد
مجرد رأي ..

**J A G U A R** · 22-09-2014 08:14 PM

لو مش فارق معاك صيانه وقطع غيار وتوكيل دوس فى الفوكس
غير كده شارك

**2CODE** · 23-09-2014 01:33 AM

فورد طبعا

**mhmdabdo** · 23-09-2014 04:38 AM

الفوكس فيتيس dsg بمشاكله المعروفه في فولكس فاجن وعشان كدا نادرا ما حد بيطلع العربيه دي وقعت
واخر مره سالت عليها كانت بنغس الفيتيس مش عارف يمكن نزلو الفيتيس القديم العادي
الشارك صيانتها عاديه مش مرتفعه بدون مشاكل

**drengine** · 23-09-2014 10:31 AM

هوا الفتيس شيفت بور و بدبل كلاتش - تكنولوجيا مختلفة كان في مشكلة في الرعات البطيئة - عايز رجل حساسة قوي بس هما عدلو كل ده من اول عربية في 2014 و كمان العربيات القديمة