مشكلة مع جار عامل مزرعة كلاب في مكتبه في العمارة

**الاسد المهاجر** · 22-09-2014 08:09 PM

المشاركة الأصلية كتبت بواسطة احمد المصرى

اعتقد ان سم الكلاب هيحل المشكله بس مش عارف حلال ولا حرام فى الحاله دى بس فعلا الناس بقوا ولاد كلب واحد بيربى كلام فى شقه سكنيه بس السؤال هل هو يرضى يعيش فى العماره دى والكلاب موجوده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

سم طبعا حرام ديه روح

**الاسد المهاجر** · 22-09-2014 08:10 PM

اعمل محضر هيجيب نتيجه او بلغ الصحه

**A_H_M_A_D** · 23-09-2014 09:31 AM

المشاركة الأصلية كتبت بواسطة a7medsh3rawi

هو حضرتك خايف منه ولا ايه ؟
معلش يعنى ... راجل قليل الادب ومش محترم
وكمان سايب باب شقته مفتوحه عينى عينك كدا

هتصور الشقه بالكلاب
وتطلع على محامى وتوريله الصور وهو هيقولك المفيد

يعنى البلد دى ما فيهاش حكومه تشوف مصالح الناس
وفين البلديه ومجلس المدينه يعملوا مخالفه للشخص دا
ولازم يكون معاه تصريح والمكان غير مناسب تماما
والشقه السكنيه فى القانون المصرى للاستخدام الآدمى فقط

لما كلمت محامي قالي لازم صاحب البيت يرفع قضية طرد ليه عشان بيستخدم الشقة في غير الغرض المخصص ليها , وصاحب البيت قالي انا مليش في سكة القواضي , انا رافع قضيه بقالها 17 سنة ولسه متحكمش فيها ومش هارفع قواضي تاني !!

قصة البلدية و الحي بقى بصراحه مرحتلهمش , بس انا اعرف انهم وظيفتهم الحي نفسه و الاشغالات اللي فيه واللي في الشوارع وملهمش دعوه باللي بيحصل جوه العمارات

المشاركة الأصلية كتبت بواسطة j a g u a r

بس معقوله العماره كلها مش فارق معاها الكلاب والقرف ده وحضرتك بس المعترض على الوضع ده !!
اصل لو هما معترضين لازم يشوفو حل ومش هايسكتو

اصل لو اتجمعتو كلكم مع بعض اكيد هاتشوفو حل عكس لما تكون بمفردك

وحاول تسأل حد من العماره وشوف رأيه فى الوضع ده

انا عايز اقول لحضرتك ان مش بس السكان اللي قرفانين ده كمان اصحاب المحلات اللي على الشارع مش طايقين الراجل ده من الريحه اللي طالعه من عنده , وفيه محل ادوات منزليه على باب العماره بيقولي انا الزباين بتطفش من عندي لما بيشموا الريحه اللي طالعه من مدخل العماره

المشاركة الأصلية كتبت بواسطة الاسد المهاجر

اعمل محضر هيجيب نتيجه او بلغ الصحه

اعتقد ان موضوع المحضر ده الحل الوحيد اللي في ايدي دلوقتي , بس ابلغ الصحة ازاي ؟ يعني اروح فين بالظبط ؟

**S.h.a.h.e.r** · 23-09-2014 12:56 PM

دا عميد جيش
في بلد الغاب - مفيهاش قانون
هتعمله ايه - ولا هتقدر تعمله حاجه - بالعكس هو ال ممكن يشتكيك
بلد بنت ........
كنت هقولك ارميلهم سم - بس حرام للكلاب

**حسام الغرباوي** · 23-09-2014 03:20 PM

الحل بسيط اوي لو عرفت تقنع صاحب العمارة

اقعد مع صاحب العمارة وقلو ان دي فرصة جاتلوا من دهب ...هو بيقلك انو رافع قضية من 17 سنة ومخلصتش ...قلوا واهي دي فرصة وجاتلك تطلعه خلال شهرين تلاته ...هقلك ازاي

قلوا القانون بيدي الحق لصاحب العقار في طرد المستجأر في حال استخدام العقار في غرض غير المخصص له ..ويروح يعمل بلاغ وتعمل معاينة للشقة

**marwaali** · 23-09-2014 03:25 PM

حضرتك اوعى تسم الكلاب او تشارك دى ارواح وملهاش ذمب هو احنا نسيب الى حططهم هنا ونمسك فى مخلوقات بريئة ملهاش اى زمب!!!!!!!!
حضرتك انت واصحاب المحلات دا اكل عشهم مش هيكونوا سلبيين ابدا واصحاب السكان المتضررين تكلموا الراجل دا لازم مجموعة رجاله واعملوا محضر جماعى بتعرضكم للاذى لو فشل الكلام معاه وبلغوا الصحه وباذن الله الموضوع يخلص على خير

**a7medsh3rawi** · 24-09-2014 04:18 PM

المشاركة الأصلية كتبت بواسطة a_h_m_a_d

لما كلمت محامي قالي لازم صاحب البيت يرفع قضية طرد ليه عشان بيستخدم الشقة في غير الغرض المخصص ليها , وصاحب البيت قالي انا مليش في سكة القواضي , انا رافع قضيه بقالها 17 سنة ولسه متحكمش فيها ومش هارفع قواضي تاني !!

قصة البلدية و الحي بقى بصراحه مرحتلهمش , بس انا اعرف انهم وظيفتهم الحي نفسه و الاشغالات اللي فيه واللي في الشوارع وملهمش دعوه باللي بيحصل جوه العمارات

انا عايز اقول لحضرتك ان مش بس السكان اللي قرفانين ده كمان اصحاب المحلات اللي على الشارع مش طايقين الراجل ده من الريحه اللي طالعه من عنده , وفيه محل ادوات منزليه على باب العماره بيقولي انا الزباين بتطفش من عندي لما بيشموا الريحه اللي طالعه من مدخل العماره

اعتقد ان موضوع المحضر ده الحل الوحيد اللي في ايدي دلوقتي , بس ابلغ الصحة ازاي ؟ يعني اروح فين بالظبط ؟

انا ما خدتش بالى نهائى انه عميد جيش متقاعد
حضرتك تروح حالا تشترى قفص فراخ مخليه وتأكلها للكلاب
واوعى تعمل بلاغ او محضر دا ممكن يضربك بالنار
وتطلع ارهابى
ايه اللى مزعلك حتى لو بيربى اسود ونمور
مهما كان برضه تسلم الايادى انت مش وطنى ولا ايه ؟
ازاى تتجرأ وتكلم سيادة العميد بالطريقه دى
دا الشارع كله والعماره بصاحب العماره مش قادرين عليه
يا باشا انت مواطن وظباط الجيش والشرطه هم أسياد البلد
واحنا مجرد ناس لا قيمه لنا ولا حول لنا ولا قوه