مشكلة مع جار عامل مزرعة كلاب في مكتبه في العمارة

**A_H_M_A_D** · 22-09-2014 01:25 PM

المشاركة الأصلية كتبت بواسطة ghamrawy

سم الكلاب

فكرت في الحل ده بس بصراحه مستحرمه لأن دي روح برضه ملهاش ذنب , الذنب على اللي بيربيها

بالإضافه ان الراجل ده مجنون اصلا و انا مضمنش رد فعله لو عملت حاجه زي كده , أخاف على ولادي منه

المشاركة الأصلية كتبت بواسطة احمد المصرى

اعتقد ان سم الكلاب هيحل المشكله بس مش عارف حلال ولا حرام فى الحاله دى بس فعلا الناس بقوا ولاد كلب واحد بيربى كلاب فى شقه سكنيه بس السؤال هل هو يرضى يعيش فى العماره دى والكلاب موجوده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أكيد هو لو في موقف معكوس مكانش رضي , وأي بني أدم طبيعي ميرضاش بالقرف ده

المشاركة الأصلية كتبت بواسطة amr011111

سمعت مره ان فيه عصابات بتسرق الكلاب عن طريق انهم فى موسم التزاوج بيجيبوا عربيه فيها كلبه وتنزل تستدرجهم للعربيه
فهتلاقى كذا حل فعلاً عند مربى الكلام

صعب جداً عشان هو مابيفتحش الباب غير وهو موجود جوه وطبعاُ هايحس بأي محاوله لخطفهم

**exelence** · 22-09-2014 01:34 PM

لو عاوز تعمل محضر فى القسم يستحسن يبقى معاك ناس فى العمارة علشان تبقوا مجموعة
لو مفيش يبقى تشوف اى دواء او عقار يخلى الكلاب تبقى مسعوره يقوموا يعضوه و نرتاح منه و من قرفه الراجل ده

**A_H_M_A_D** · 22-09-2014 02:41 PM

المشاركة الأصلية كتبت بواسطة exelence

لو عاوز تعمل محضر فى القسم يستحسن يبقى معاك ناس فى العمارة علشان تبقوا مجموعة
لو مفيش يبقى تشوف اى دواء او عقار يخلى الكلاب تبقى مسعوره يقوموا يعضوه و نرتاح منه و من قرفه الراجل ده

هحاول معاهم في موضوع المحضر , ولو اني عارف ان محدش هاييجي معايا وهاروح لوحدي في الأخر

وبالنسبة لموضوع ان الكلاب تبقى مسعورة فالولاد مش ناقصين رعب منهم , دول على كده ومربيلهم الرعب اومال لو اتسعروا كمان يبقى محدش هاينزل من البيت أصلاً :)

**a7medsh3rawi** · 22-09-2014 02:50 PM

هو حضرتك خايف منه ولا ايه ؟
معلش يعنى ... راجل قليل الادب ومش محترم
وكمان سايب باب شقته مفتوحه عينى عينك كدا

هتصور الشقه بالكلاب
وتطلع على محامى وتوريله الصور وهو هيقولك المفيد

يعنى البلد دى ما فيهاش حكومه تشوف مصالح الناس
وفين البلديه ومجلس المدينه يعملوا مخالفه للشخص دا
ولازم يكون معاه تصريح والمكان غير مناسب تماما
والشقه السكنيه فى القانون المصرى للاستخدام الآدمى فقط

**أحمد صبرى** · 22-09-2014 02:54 PM

طبعا هو لا يليق من صاحب الشقة أنه يحولها إلي مزرعة كلاب، ووجود الكلاب في العمارة ضرره بجانب ترويع السكان أعتقد أنها تمنع الملائكة من التواجد في العمارة - وده بيزود من المشاكل والشجار ونزوع البركة عموما

هو غالبا البلاغ مش حيجيب نتيجة .. فالحل للخلاص هو قتلها، فنبحث هل يجوز أم لا؟
[SIZE=4][COLOR=#766762]حكم قتل الكلب:

http://fatwa.islamweb.net/fatwa/inde...ng=A&Id=113386

والأفضل تقرأ كتير في الموضوع قبل الإقدام علي مثل هذه الخطوة - وهنا أسئلة كثيرة عن الموضوع:

[url=http://fatwa.islamweb.net/fatwa/index.php?page=FatwaCategory&CatId=1150]

**أحمد صبرى** · 22-09-2014 02:57 PM

وإن لم يسترح قلبك أو لم تقف علي إجابة شافية يمكنك إرسال سؤال بحالتك بالتفصيل للموقع:

http://fatwa.islamweb.net/

وفي نفس الموقع يوجد الفتاوي الحية للسؤال مباشرة

وخد بالك قبل خطوة القتل هذه لأنه ممكن يشك فيك باعتبارك الوحيد اللي كلمته

**أحمد صبرى** · 22-09-2014 03:29 PM

[SIZE=4][COLOR=#766762]انت خلتني أقرأ كتير في الموضوع وهو مش بتاعي ..:)

حكم من قتل كلبا اتخذه صاحبه للحراسة

[url=http://fatwa.islamweb.net/fatwa/index.php?page=showfatwa&Option=FatwaId&Id=263260]

**A_H_M_A_D** · 22-09-2014 06:18 PM

شكراً استاذ أحمد صبري على اهتمامك
لكن موضوع قتل الكلاب ده انا مش عايز الجأ اليه لاني مستحرمه ده اولا وثانيا لاني بكده هافتح باب عداوه كبير معاه ومش بعيد يتعرض بالأذى ليا وللأولاد كنوع من الانتقام

**Omar Mahmoud** · 22-09-2014 07:24 PM

المشاركة الأصلية كتبت بواسطة احمد المصرى

اعتقد ان سم الكلاب هيحل المشكله بس مش عارف حلال ولا حرام فى الحاله دى بس فعلا الناس بقوا ولاد كلب واحد بيربى كلام فى شقه سكنيه بس السؤال هل هو يرضى يعيش فى العماره دى والكلاب موجوده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حرام يقتل الكلاب لانه كدة قتل نفس

بالنسبة للمشكلة الراجل قليل الادب ياخد علي دماغه هو و اللي يتشددله اللي زي دول تكلمهم بأدب يقلوا ادبهم تهزقهم يبقوا زي الجزم و ده عن تجربة لمواقف زي دي

**J A G U A R** · 22-09-2014 07:40 PM

بس معقوله العماره كلها مش فارق معاها الكلاب والقرف ده وحضرتك بس المعترض على الوضع ده !!
اصل لو هما معترضين لازم يشوفو حل ومش هايسكتو

اصل لو اتجمعتو كلكم مع بعض اكيد هاتشوفو حل عكس لما تكون بمفردك

وحاول تسأل حد من العماره وشوف رأيه فى الوضع ده