تحياتي للجميع
محتار بين الكورولا 2015 و بين البيجو 3008
مع العلم ان بقطع في اليوم مش اقل من 120 كم
شكرا
عرض للطباعة
تحياتي للجميع
محتار بين الكورولا 2015 و بين البيجو 3008
مع العلم ان بقطع في اليوم مش اقل من 120 كم
شكرا
اعرف ان موتور ال3008 هو موتور ال 508 163 حصان اقوى من الكورولا بكتير
ال3008 عالية عن الارض
فى المقابل الكورولا عربية بياعة و عليت عن الموديلات اللى قبل كدة
قبل ما اشتري ٣٠٠٨ كنت حاجز الكورولا ٢٠١٤ هاي لاين بالاوفر برايس وكنت علي وشك الاستلام ، بالصدفة لقيتها مع زميل بالعمل وسوقتها براحتي وبصراحة ماستريحتش خالص لا في ارتفاع العربية عن الارض ولا في قعدتها بشكل عام ، علي الرغم ان لما قريت مواصفات العربية أعجبت بيها جدا ،
بعد ذلك لغيت الحجز وملقتش حاجة اشتريتها بنفس المبلغ عن اقتناع ، الي ان وجدت ٣٠٠٨ في اباظة الغردقة وكان في حجز تست درايف ، واختارتها بدون تردد هي تستحق كل قرش مدفوع فيها ،
يكفي وضعية الجلوس المريحة ، ومتعة القيادة بالماتور التربو ١٦٣ حصان مع الثبات العالي في اي مناورة ، مع كابينة داخلية فخمة بتصميم يثير الإعجاب مصنوعة من خامات عالية .
حاولت ان انقل تجربتي لك ، ونصيحتي لازم قبل ما تشتري اي عربية تعمل تست درايف كويس ومهم جدا اقتناعك الداخلي .
طبعا جانب اخر قطع الغيار الشائع عن البيجو انها أغلي ، وهذا خطأ ، عن تجربة البيجو ٣٠٠٨ او حتي ٥٠٨ أرخص كقطع غيار من الكورولا وده محتاج منك ترجع للتوكيلين في الأسعار ( عن قطع الغيار الأصلية من التوكيل )
بالتوفيق في الاختيار ، وتحياتي لك .
الكورولا عربيه اعتماديه وبتاعه سفر وبهدله
الكورولا الانسب مش هقول الافضل
تحياتي للجميع
شكرا علي المشاركة بس انا سمعت ان البيجو مشكلتها انها عاوزة بنزين 95
هل دة صح ام اشاعة
شكرا
الكورولا إعتمادية وموفرة أكتر في البنزين وأحسن في إعادة البيع
ال 3008 موتور أقوي والعربية أعلي وأتقل من الكورولا وأوسع والخامات أحسن
الإختيار ليك
في المنافسة معاهم: كيا سبورتاج - هيونداي ix35 - هوندا سيفيك
كورولا تكسب
طبعا بيجو 3008
والله انا شايف الاشيك بيجو 3008 من ناحيه كل حاجه ؟ بس فى الاعتماديه واعاده البيع والمضمونه الكورولا خصوصاا فى السفر وصيانتها فى كل مكان واعاده البيع وانت مستريح ؟ شوف انت عاوز شكل ولا عاوز اعتماد وحاجه مضمونه متتعبكش ؟ القرار ليك
يا باشا مفيش مقارنة أصلاً
البيجو تكنولوجيا رهيبة متفوقة عن التويوتا بسنين و فخامة رهيبة
و كفايه فرق ٤٠ حصان !!!!!
و الفخامة من جوة
و قطع غيار ارخص
ناقص ايه تاني
كفايه شكل الكورلا العجيب الغريب من ورا !!!!
بيجو 3008 او 508
ال 3008 احسن بكتير في الخامات والثبات والموتور والصالون والشكل وقطع الغيار ومبتستهلكش بنزين كتير انا معاية ورقة بقطع الغيار بتاعتها هحاول اكتبهملك قريب لان الورقة في العربية
الخلوص بتاع ال 3008 عن الأرض كام سم
كمقارنه اجماليه ال ٣٠٠٨ افضل لكنها تعتبر suv ... تصميم حديث / خامات افضل / موتور اقوى / اوسع / مواصفات امان اوروبى .....
و لو سيدان ال ٥٠٨ الفيس ليفت اختيار موفق ايضا ...
تحياتى ...
3008 بكل تأكيد
خصوصاً بعد الفيس ليفت اللى موجود دلوقتى
مافيش احسن من المرسيدس
انا ناوي عليها باذن الله قارنتها بسيارات كتير كوري زفت مهما كان لا سبورتاج ولا بتاع الكوري فايبر وصاج حق الكانز ومفيش سمكره ومعظمه مشدود مسامير بلاستيك شايفهم كتير في الحراج مصدومين النترا وسبورتاج وتوسان كانهم علب كانز بيبسي
الياباني هوندا غااااليه وتويوتا فاااضيه الكرولا 2005 افضل من 2015 بكتير في العضم والمتانه دي ركبتها احسها ورق والله بس علامه تجاريه ومكينه علي جسم ورق
النيسان الفئه الي نفسها هيه الجوك وماتصلح لعيله بسبب الكنبه الخلفيه يعني مهما كانت ممتازه هتتندم كل مره تركب عيلتك معك لان اخرها اربع افراد مش خمسه
اما الفئه الاوسع من نيسان تلقاها في مكاين 200 سي سي
البيجو 3008 او 2008 خيارين لنفس الفئه وكلهم ممتازين واكتر اقتصاد بالبنزين حتي لو اجبرك تستعمل 95 .المساحه الداخليه لما ركبتها تحفه بمعني الكلمه وفخامة كرسي السائق كانك راكب لاندكروزر ولا لكزيس جيب.وتستاهل كل قرش فيها
عيبها انها غاليه شويه لكن بوجود طراز 2008 خلاها تنافسيه جدا
وازا معك دراهم زياده فطراز 3008 فل كامل بالشاشات والحساسات والنفيجيشن والسقف البانوراما ملوش حلو .دي ناوي اجيبها بازن الله تعالي قريب خلال الشهر دا
البيجو احسن طبعا لكن مشكلتها سعر اعاده البيع أظن مع انتشارها هيظبط
كورولااااااااااا يا باشا واتكل على الله والله اعلم
بدون تفكير بيجو عن تجربة .. الكورولا عايشة على السمعة القديمة التي اكل عليها الضهر وشرب