هو الي بيحصل في (( الجامع )) ده مهزلة ولا عاااادي ؟ { صورة }

بص حضرتك على الصورة دي كده
وجاوبني ده شيء عادي ولا مش عادي ؟

https://scontent-b-ams.xx.fbcdn.net/...28&oe=54838131

من الطبيعي بعد مالواحد مايخلص صلى يقعد يسبح ربوا شوية ولا يمسكلو حتت مصحف يقرى فيه انشالله حتى أياتين ... ولا حتى يقوم يهز طولوا يصليلوا ركعتين لله ... او حتى يقعد كده يتأمل ويتدبر في حالوا وحال الدنيا ماهو التأمل برضوا عبادة !

لكن الي مش طبيعي بالنسبة لي ( انا بتكلم عن نفسي ) انا مش شايف ان ده طبيعي مش عارف بالنسبه لك انتا ايه. ... فبقولك الي مش طبيعي. ان بعد الصلى ابص الاقي واحد مطلع الجورنال وقاعد يقرى الاخباااار في قلب الجامع ( بيت الله ) ... والي مش طبيعي لمن اشوفوا قاعد فوق كراسي كبار السن والعجزة وحاطط رجل على رجل ... ومش طبيعي لمن الاقي الموبايل بتاعوا يضرب ويرن ويرد عليه في قلب الجامع ويسمع الناس مكلمتوا .

@@@@@@@

السؤال هنا هل ده بالنسبه لكم عاااادي وشيء مقبول ؟. وهل الجامع مكان مناسب لتصفح اهم عناوين الصحف والدردشة والوتس اب والبي بي إم واجراء المكالمات ... هل انتوا شايفين الجامع هو نادي للأهالي ... طيب الاخ الي بيقول عادي بص كويس على الصورة وقلي ناقصة ايه ... عارف ناقصه ايه !! ناقص مع الكراسي والجورنال والموبايل حتت سوجارة او شيشة تفاح ولا حتى عنب وفنجان قهوة. علشان نقرى الاخبار كده ونمخ مخ فيها ... ومش بعيد حد من المصليين يروحلوا ويقلوا والنبي بس يا استاذ عاوز اشوف حظك اليوم بس في اخر صفحة. او لو خلصت الجورنال ابقى ناولهولي اتسلى فيه شوية لغايت صلاة العصر :)

على فكرة مشكلتي مش مع هذا الاستاذ الي اول مره اشوفوا في الجامع والمنطقة لكن مشكلتي مع ناس كتيررررر كده ... بيوقفوا يدردشوا في الجامع وفيه الي مدخل سندويتشات وياكول جوا الجامع وكل مصلي داخل الجامع تبص تلاقي يقولوا بسم الله !!!

انا مازلت مش عارف ده كدددددده عادي وطبيعي ولا لأ !!!

الكلام دة مش صحيح اخى الفاضل

اليوم بغد ما صليت الظهر ولسة جاى اقعد اقرا قران لاقيتهم عايزين يقفلوا الجامع وحتى مكان الوضوء علما ان الجامع كبير ومش زاوية صغيرة

المفروض المساجد متقفلش خالص
الجامع مش للفروض الخمسه بس

اه وبتحصل معي عزيزي ( الفجر @) وعزيزي @ احمد لكن انا بعزرهم لمن يكونوا عاوزين يقفلوا الجامع. خشيت السرقات ... ما انتا عارف في ناس بتدخل تسرق اجهزت الصوت والميكرفونات وفيه الي بياخود كولدير الميه فلذلك بقوم واقول يالله خليهم يقفلوا الجامع. بس الي في الصورة ده بعد الصلاة على طول يعني يا دوبك لسه مخلصين صلى والي غاظني منوا هيا حتت الموبايل تصور مع هدوء الجامع وتلاقيه بيزعق ويقول ألووووووووو أيوووووووووه. انا هنا قريب ... بتقول اااااااايه. طيب ماشي. ... ماشي ... ماشي ... مفيش مشكلة. هههههه وكل ده جوا الجامع :)

للأسف ده حال جوامع كتير نتيجة لضعف الرقابة من الأوقاف والنتيجة الإرهاب الي احنا عايشين في وسطه

لا مش طبيعى خالص ..
والمشكله لو حاولت توجهه برفق وابتسامه بتسمع مالايرضيك... ده المصلى العادى

انا مره فى صلاه جمعه والامام كان بيعك فى احاديث وقال حديث اسرائيليات وميصحش فبصيت له وابتسمت وطبعا كل من فى المسجد تكبير .. وبعد الصلاه بكلمه برفق وبقول له حديث الضب ده تخريجه صحيح.. لقيته بص لى بنظره صعب اقولهالك ولقيته بيقولى هو انت دارس ايه ضحكت وقل له انا كملت لحد كى جى تو... ومش ده رد سؤالى انت بتجاوبنى بسؤال ..يامولانا مايصحش .. ردوده كانت قمه الاستفزاز قلتله وبناقص المسجد اللى انت فيه ياشيخ.الكلامده كان من فتره كبيره... بجد اللى زى الاستاذ فى الصوره واللى زى الخطيب ده وبعض المصلين الا مارحم ربى بيبعدنا عن المساجد وتحسهم عاملينها ملك خاص او وسيه

ادعي ان ربنا يهديهم

انا دخلت قلت هلاقى جريمة
اية المشكلة فى دة يعنى اومال الطلبة الى بتذاكر فى الجوامع بقا تقول عليهم اية
وبعدان اخد اذن الراجل دة قبل ماتصورة انت شلت ذنب على فكرة لانك بتشهر بى كدة
كان من باب اولى انك تروح تكلم معاه مع انى مش شايف انة غلط افضل من انك تصورة وتعمل موضوع كامل عنة

مش مركز فالصورة اوي هو نايم ؟

اقتباس:

---

المشاركة الأصلية كتبت بواسطة الاستاذ

انا دخلت قلت هلاقى جريمة
اية المشكلة فى دة يعنى اومال الطلبة الى بتذاكر فى الجوامع بقا تقول عليهم اية
وبعدان اخد اذن الراجل دة قبل ماتصورة انت شلت ذنب على فكرة لانك بتشهر بى كدة
كان من باب اولى انك تروح تكلم معاه مع انى مش شايف انة غلط افضل من انك تصورة وتعمل موضوع كامل عنة

---

هو تفاصيل وشو باينه ؟
هو واحد شبه مليون واحد لا اسم ولا عنوان ... وفكرت اني اصوروا مش للتشهير معاذ لله ولكن علشان الي يفكر يعمل زيوا. يعرف ان هيتقال عليه ايه وان التصرف ده مستنكر ومستهجن .

اما موضوع الطلبة الي بتذاكر في المسجد ده طبيعي ومن زمن الزمن وعمرنا ما استنكرنا وجودهم لان دول بنسميهم طلاب علم ... وحتى لو الامام حب يقول كلمة. بعد الصلاة ولا خطبة ولا حتى سكان الحي يتجمعوا علشان يحلوا مشكلة كمان شيء طبيعي وحتى لو بيعملوا ازعاج للمصلين أهو بنبلعها. وبنقول ربنا يقويهم ... لكن لمن الاقي واحد جي يتسلى ويشوش على المصليين ويعملنا دوشة في الجامع وقاعدلي في الجامع على كرسي وفاتحلي جورنال وحاطط رجل على رجل ... فهل منظره ده قاعد في بيت ربنا ولا قاعد في كافتريا وقهوة الشرق !!!

وهل دور العبادة . لغير المسلمين حتى بيحصل فيها الكلام ده ( انا اعتقادي الشخصي ) ان حتى لو راجل هندوسي اعتقد ان دار العبادة عندهم ليها قادسيتها و مكان للتعبد وللعلم وللتأمل مش اني اقرى جرايد واتصفح مجلات وارد على تيلفونات واتصالات واقعد ازعق في قلب المسجد وصدى الصوت يعمل شغلو. ثم لو الموضوع ده مقبول. يبقى ليه بنستغرب لمن نلاقي واحد بيلعب في الموبايل اثناء خطبة الجمعة مثلاً ... او تلاقي الناس بتصلي وواحد ماسك الموبايل وقاعد بيرغي فيه ويشوش على الناس والمصليين يا راجل يا طيب ده رسولنا الكريم نهى انك تقرى قران بصوت عالي علشان ما تشويش على مصلي اخر بيقرى ، فاهمني ياعزيزي. وعامةً رأيك برضوا احترموا وبقدروا واذا حضرتك شايف ان الكلام ده طبيعي خلاص يبقى طبيعي :) ... وتحياتي .

اقتباس:

---

المشاركة الأصلية كتبت بواسطة y a r i s

يمسكلو حتت مصحف

ولا حتى يقوم يهز طولوا يصليلوا ركعتين

---

استاذي الفاضل اسمح لي اعترض بشدة على الجمل المقتبسة فوق
كلمة حتت مصحف شايف فيها اهانة وتقليل كبير من قدر المصحف الشريف
وكلمة يهز طوله لا تتناسب مع مقام العابد المسلم في بيت الله

وعموما انا شايف قراءة الصحف في المسجد شيء مش عيب ولا حرام ويمكن جلوسه على كراسي كبار السن لمرض عنده او تعب لا نعلمه (ربنا يشفي كل مريض) وعن نفسي في مثل هذه المواقف دي بتبع الحديث الشريف (من حسن اسلام المرء تركه ما لا يعنيه) جزانا الله واياكم كل خير

اقتباس:

---

المشاركة الأصلية كتبت بواسطة y a r i s

اه وبتحصل معي عزيزي ( الفجر @) وعزيزي @ احمد لكن انا بعزرهم لمن يكونوا عاوزين يقفلوا الجامع. خشيت السرقات ... ما انتا عارف في ناس بتدخل تسرق اجهزت الصوت والميكرفونات وفيه الي بياخود كولدير الميه فلذلك بقوم واقول يالله خليهم يقفلوا الجامع. بس الي في الصورة ده بعد الصلاة على طول يعني يا دوبك لسه مخلصين صلى والي غاظني منوا هيا حتت الموبايل تصور مع هدوء الجامع وتلاقيه بيزعق ويقول ألووووووووو أيوووووووووه. انا هنا قريب ... بتقول اااااااايه. طيب ماشي. ... ماشي ... ماشي ... مفيش مشكلة. هههههه وكل ده جوا الجامع :)

---

يا ساتر يا رب
هي وصلت للسرقة من الجامع؟؟؟؟؟
بالنسبة للأخ اللي قاعد بيقرا مش عارف اقول إيه بصراحة

استاذ ياريس ..تعليقاتك ونقدك بقت كلها فى نفس الاتجاه ليه كده...زى موضوعك او ردك مش فاكر بتاع الحذو فى الصلاه.
. بتفكرنى بموقف صليت ورجعت قعدت على كرسى ورا..لقيت حج بيلقح كلام من عينه قاعد وانت بتصلى ده احنا كنا قدكم كنا ايه...انسب رد عليه مبصتلوش اصلا واعتقد ردى وصله كويس اوى.

اللى زى ده المفروض اتنين يشيلوه بالكرسى اللى قاعد عليه ده ويرموه بره المسجد وبالشفا

اقتباس:

---

المشاركة الأصلية كتبت بواسطة omar mahmoud

يا ساتر يا رب
هي وصلت للسرقة من الجامع؟؟؟؟؟
بالنسبة للأخ اللي قاعد بيقرا مش عارف اقول إيه بصراحة

---

طب ولما واحد من القائمين علي المسجد يقولي حط جزمتك قدامك يا استاذ عشان متتسرقش؟؟؟
الكلام ده في مسجد العمري في الاسكندريه
انا طول عمري اسمع عن سرقه الاحذيه لكن شوفت خوف الراجل عرفت مدي تكرار السرقه و انتشارها في المسجد ده

اقتباس:

---

المشاركة الأصلية كتبت بواسطة bro

استاذي الفاضل اسمح لي اعترض بشدة على الجمل المقتبسة فوق
كلمة حتت مصحف شايف فيها اهانة وتقليل كبير من قدر المصحف الشريف
وكلمة يهز طوله لا تتناسب مع مقام العابد المسلم في بيت الله

وعموما انا شايف قراءة الصحف في المسجد شيء مش عيب ولا حرام ويمكن جلوسه على كراسي كبار السن لمرض عنده او تعب لا نعلمه (ربنا يشفي كل مريض) وعن نفسي في مثل هذه المواقف دي بتبع الحديث الشريف (من حسن اسلام المرء تركه ما لا يعنيه) جزانا الله واياكم كل خير

---

اشكرك ولكن فقط للتوضيح. ... كلمة هز الطول مش معناها يا عزيزي قوم ارقص ... التانية اسمها هز الوسط لكن كلمة هز طولك يعني قووووم اتحرك ... زي ما تقول ابنك هز طولك وروح جبلي كوبايت ميه .

اما بخصوص اسخدام مصطلح حتت مصحف ايضاً كان مغزاه اني اقول امسكلك مصحف صغيررر مش صعبه ولا شيء كتيرر او شيء مستحيل خير لك من انك تقعد تقرى جريدة ... زي ما اقولك حط في عربيتك. حتت مصحف صغير كده يحميك من العين والحسد .. فحتت هنا. ليس تقليل من اهمية المصحف

وانا فعلاً اايدك من حسن اسلام المرأ تركه مالا يعنيه. لكن. : ماذا لو ان هذا الشيء بيشوش عليك وعلى المصليين ! ماذا لو شعرت بان الناس بتستخف او مبتحترمش بيوت الله ؟

والمشكلة مش فيه صدقني المشكلة الاخطر في الاجيال الي جيه لمن تلاقي راجل كبير قاعد بيقرى جرايد وبيتكلم بالموبايل في الجامع بصوت عالي ... يبقى مش هنستغرب في المستقبل. لو لقينا شباب بيلعبوا سيجا او بلاي استيشن داخل المسجد. فاهمني الموضوع كل مالواحد بيسكت كل ما يزداد سوء . ويبقى الغلط عادي ... وتحياتي

لا تعليق علي تصرفات الشعب ده

اقتباس:

---

المشاركة الأصلية كتبت بواسطة y a r i s

اه وبتحصل معي عزيزي ( الفجر @) وعزيزي @ احمد لكن انا بعزرهم لمن يكونوا عاوزين يقفلوا الجامع. خشيت السرقات ... ما انتا عارف في ناس بتدخل تسرق اجهزت الصوت والميكرفونات وفيه الي بياخود كولدير الميه فلذلك بقوم واقول يالله خليهم يقفلوا الجامع. بس الي في الصورة ده بعد الصلاة على طول يعني يا دوبك لسه مخلصين صلى والي غاظني منوا هيا حتت الموبايل تصور مع هدوء الجامع وتلاقيه بيزعق ويقول ألووووووووو أيوووووووووه. انا هنا قريب ... بتقول اااااااايه. طيب ماشي. ... ماشي ... ماشي ... مفيش مشكلة. هههههه وكل ده جوا الجامع :)

---

واضح من المكالمة التليفونية اللى رد عليها الباشا
انه عابر سبيل وغريب عن المنطقة وانه بينتظر من هاتفه
بعد اداء الصلاة بالمسجد وهو منتظره على باب المسجد وده موش عيب
مادام ملتزم بسلوكياته و يراعى حرمة بيت الله
كما نراعى حرمة بيوتنا
بيوت الله هى للجميع ولكن يجب مراعاة حرمتها وطهارتها
فلكل مكان حرمته كمنازلنا تماما

فممنوع حتى دخول المساجد لوكنت علىجنابة كبرى
تستوجب الغسل لانها مكان طاهر
والدين النصيحة وكان واجب ان تلفت انتباهه بلطف ولين

إسأل وزير الاوقاف .