عربيتي نصر 127 حاسس ان سحبها بقي ضعيف شوية ....... ايه السبب ؟

دلوقتي السرعة التانية بتجيب سرعة 40 لما باكون دايس بنزين جامد........ و الترس التالت بقي يجيب 60 بالضغط الجامد علي البنزين يا اما حتجيب سرعة 50 بس!!
كان العادي بتاعي انها تجيب سرعة 60 و 70 علي السرعة الثالثة مع عدم الحرق الجامد....... مش عارف ايه السبب ؟ لاني اشعر ان اسطوانة الدبرياج سليمة لانها بتطلع المطالع عادي خالص و كمان العربية طلعت علي الرابع و ما بطلتش ( بالصدفة لان المارشدير ساعات بيعلق معايا و بيجيب الرابع )
كان من فترة العربية لقيت ان بوجيه كان فصل مني بس بعد المشي بالعربية رجع اشتغل تاني و كان الموضوع ده من 10 ايام تقريبا........ بس العربية بتدور معايا بسهولة و مفيش نتش ولا تقطيع ........
يا تري ايه السبب ؟

غير طقم الكهرباء لو مكنتش غيرته

مفروض العربيه متطلعش على الرابع لو الأسطوانه سليمه

اقتباس:

---

المشاركة الأصلية كتبت بواسطة ahmedsrs

غير طقم الكهرباء لو مكنتش غيرته

---

انا لما لقيت ان صوت العربية رجع عادي يعني كده البوجيهات كده كلها اشتغلت و لقيت ان العربية بتدور بسهولة معايا فقلت ان كده يبقي الكهرباء من بوجيهات و ابلاتين و كوندنسر سليمة ....... ولا ايه رايك ؟

اقتباس:

---

المشاركة الأصلية كتبت بواسطة shoudy2005

مفروض العربيه متطلعش على الرابع لو الأسطوانه سليمه

---

الموضوع ده فيه كده اختلاف في الاراء لاني بحثت في المنتدي و لقيت ان فيه اعضاء بتقول ان لو الاسطوانة سليمة العربية ما تطلعش علي الرابع و فيه ناس بتقول العكس بس انا اميل للراي الاخير ...........

فيه ظاهرة برضه غريبة باحس بيها وانا ماشي في الطريق لو انا دايس بنزين جامد يعني عند منتصف الدواسة مثلا ساعات باحس بهواء ساخن جاي من ناحية الموتور و فيه ريحة زي هبو المكواة كده بالرغم من ان درجة حرارة الموتور عادية اقل من 90 درجة ....... هل الموضوع ده عادي نتيجة ان العزل بتاع الصالون سيء ؟ ولا ايه السبب بالضبط ؟

موضوع الهبو ده عادى انا كان عندى 127 وكان عادى ضعف السحب ممكن يكون سببه طقم الكهرباء الأبلتين والكندنسر عمرهم قصير وينصح بتغييرهم